Baara ka Lajɛ Bolodasira

Utikalo tile 14 dɔgɔkun

Dɔnkili 27

Sanga 15: Ladɔnniyaliw ka ɲɛsin sigida ma. Baro kɛ “Don kelen jamalajɛ kɛrɛnkɛrɛnnen kalan bolodalen kura” kan. Don kelen jamalajɛ kɛrɛnkɛrɛnnen bɛna kɛ don min na, o fɔ ni a y’a sɔrɔ o dɔnnen don. Hakilila minnu bɛ ɲɛ 4nan na, walima hakilila wɛrɛ minnu bɛ bɛn aw ka waajulikɛyɔrɔ la, olu ta walisa ka ɲɛjirali kɛ Utikalo Réveillez-vous ! (Jiracogo fɔlɔ) ani Utikalo tile 15 La Tour de Garde kan. Ɲɛjirali kelen na, ni barojɔ kuma dɔ fɔra, i n’a fɔ “Je ne m’intéresse pas aux Témoins de Jéhovah” (Ne t’a fɛ ka kuma Jehowa Seerew ko la), o ko bɛ ɲɛnabɔ cogo min na, o jira o ɲɛjirali kɔnɔ.​—Comment raisonner gafe ɲ. 17-18 lajɛ.

Sanga 15: I bɛ se ka dusu don mɔgɔ wɛrɛw kɔnɔ. (Rom. 1:​11, 12) Jɛmu ani baro bɛ kɛ i lamɛnbagaw fɛ. Tutigɛbaga basigilen minnu bɛ jɛkulu kɔnɔ, olu hakɛ fɔ. A jira an bɛ se ka dusu don u kɔnɔ sira minnu fɛ. Misali la, an bɛ se ka u tanu, ka kuma tutigɛbagaya baara nafaw kan. Anw n’u bɛ se ka forobaarabaara kɛ ɲɔgɔn fɛ, ka dumuni kɛ ɲɔgɔn fɛ. An bɛ se k’u dɛmɛ ni u ka mobili pase ye fana. A ɲini tutigɛbaga basigilenw fɛ u k’a fɔ, mɔgɔ wɛrɛw ye dusu don u kɔnɔ cogo min na. Ni tutigɛbaga basigilen tɛ jɛkulu kɔnɔ, baro bɛ kɛ, k’a jira an bɛ se cogo min na ka dusu don tutigɛbaga farankanw kɔnɔ.

Sanga 15: Jusqu’où peut-on être ami avec ses camarades de classe ? (An bɛ se ka teriya don ni an lakɔlidenɲɔgɔnw ye fo ka se hakɛ jumɛn na?) Jɛmu ani baro bɛ kɛ n’i lamɛnbagaw ye. A sinsinnen bɛ Awirilikalo Réveillez-vous ! ɲɛw 17-19 kan. Lamɛnbagaw cɛla, mɔgɔ minnu lamɔna Kretiɛn du kɔnɔ, olu ɲininka u k’a fɔ u bangebagaw ye u labɛn cogo min na walisa u ka se ka gɛlɛyaw kunbɛn lakɔliso la ani ka Bibulu sariyakolow sirataama yen. I bɛ se k’a ɲini mɔgɔ kelen walima mɔgɔ fila fɛ u k’u labɛn o ɲɛfɔli kama sanni a don ka se.

Dɔnkili 72 ani kuncɛli delili.

Utikalo tile 21 dɔgɔkun

Dɔnkili 29

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Baro kɛ “Kafo ka jamalajɛ kalan bolodalen kura” kan. Kafo ka jamalajɛ nata bɛ kɛ don min na, o fana fɔ ni a y’a sɔrɔ o dɔnnen don.

Sanga 15: An ka nafa sɔrɔ La Tour de Garde kalan ni foroba lajɛ la. Jɛmu ani baro bɛ kɛ i lamɛnbagaw fɛ. A sinsinnen bɛ Organisés pour faire la volonté de Jéhovah gafe kan, k’a ta ɲɛ 59nan na ka n’a bila ɲɛ 64nan sɛbɛnni kunbaba finman na.

Sanga 20: A boloda kabini sisan ka kɛ tutigɛbaga farankan ye! Jɛmu ani baro bɛ kɛ n’i lamɛnbagaw ye. Dusu don lamɛnbagaw kɔnɔ u k’a boloda ka kɛ tutigɛbaga farankan ye kalo kelen ɲɔgɔnna kɔnɔ, Ala-ka-marako san kura kɔnɔna na. (1 Kɔr. 9:​26) Laala, dɔw b’a latigɛ ka kɛ tutigɛbaga farankan ye kalo la, jɛkulu bɛ cɛsiri kɛrɛnkɛrɛnnenw kɛ kalo min kɔnɔ walisa ka dɔ fara a ka waajulibaara kan, walima kalo la, sɛgɛnlafiyɛnwaati dɔ bɛ min na, walima kalo la, dɔgɔkun laban ka ca min na. I lamɛnbagaw ɲininka nin na: “Cogo jumɛn na aw sera ka gɛlɛyaw kun walisa ka kɛ tutigɛbaga farankan ye? Dugawu jumɛnw bɛ bɔ tutigɛbaga farankanya baara la? Ni a ka di aw ye, nka ni aw dalen t’a la ko aw bɛ se k’o kɛ, mun na aw ka kan k’o fɔ Jehowa ye delili la? (Kɛw. 4:​29; 2 Kɔr. 4:7; Yak. 1:⁠5) Mun na fana a ka ɲi aw ni aw ka sokɔnɔmɔgɔw ka kuma o kan ani aw ni jɛkulu kɔnɔmɔgɔ wɛrɛw ka kuma o kan, jɛkulu kɔnɔmɔgɔ minnu ni aw ka kow ye kelen ye? (Nt. 15:22) Aw y’a boloda ka kɛ tutigɛbaga farankan ye tuma jumɛn na?”

Dɔnkili 95 ani kuncɛli delili.

Utikalo tile 28 dɔgɔkun

Dɔnkili 8

Sanga 10: Ladɔnniyaliw ka ɲɛsin sigida ma. Wari min bɛ jɛkulu bolo ani mɔgɔw ye wari min ni jɛkulu la, olu seereyasɛbɛn kalan. Weleweledalaw hakili jigin u k’u ka Utikalo waajulibaara dantigɛli sɛbɛnw di. Hakilila minnu bɛ sɛbɛn ɲɛ 4nan na, walima hakilila wɛrɛ minnu bɛ bɛn aw ka waajulikɛyɔrɔ la, olu ta i ka ɲɛjirali kɛ Utikalo Réveillez-vous ! (jiracogo filanan) ani Sɛtanburukalo tile 1 La Tour de Garde jiracogow kan, n’i bɛ segin ka taa bɔ mɔgɔ ye i bɛ to ka taa sɔn-ni-sɔn gafenin kuraw di min ma tuma bɛɛ.

Sanga 15: Sigida magow.

Sanga 20: Yala i bɛ se ka Bibulu-kalan dɔ daminɛ Sɛtanburukalo la wa? Jɛmu ani ɲɛjiraliw. Sɛtanburukalo la, an bɛna cɛsiri kɛrɛnkɛrɛnnen kɛ walisa ka Bibulu-kalanw daminɛ ni Qu’enseigne la Bible ? gafe ye, an bɛ taa bɔ mɔgɔw ye siɲɛ fɔlɔ min na. O kɔrɔ ye ko an bɛ gafe to mɔgɔw bolo yɔrɔnin min na, o waati yɛrɛ la an bɛna an jija ka baro kɛ dakun damadɔw kan ni an barokɛɲɔgɔn ye. Barokun minnu bɛnnen don sigida waajulikɛyɔrɔ la, i ka baara kɛ ni olu ye walisa ka ɲɛjirali fila kɛ. Ɲɛjirali kelen-kelen bɛɛ la, a jira weleweledala bɛ se ka fɛɛrɛ jɔnjɔn minnu tigɛ walisa ka segin ka na bɔ a barokɛɲɔgɔn ye, ka taa a fɛ baro la.

Dɔnkili 16 ani kuncɛli delili.

Sɛtanburukalo tile 4 dɔgɔkun

Dɔnkili 71

Sanga 10: Ladɔnniyaliw ka ɲɛsin sigida ma.

Sanga 15:  “Réveillez-vous ! kɛrɛnkɛrɛnnen min ka kan ka jira Sɛtanburukalo la.”a Ni baro bɛ ka kɛ dakun 4nan kan tuma min na, ɲɛjirali surun dɔ kɛ, min kɔnɔ denmisɛn dɔ bɛ ka Sɛtanburukalo Réveillez-vous ! di a ka karamɔgɔ ma.

Sanga 20: “An k’a jira mɔgɔw la ko an bɛ u fɛ​—An ka waajuli kɛ an kana mɔgɔ bɔ mɔgɔ la.”b Ni baro bɛ ka kɛ Romɛkaw 1:14 kan tuma min na, o min kofɔlen bɛ dakun 2nan laban na, ɲɛfɔli minnu dilen bɛ Étude perspicace gafe fɔlɔ ɲɛ 270 a dakun fɔlɔ la barokun jukɔrɔ min tɔgɔ ye ko “Barbare,” tubababukan na, olu fana fɔ kuma surun na. Ni aw tilala dakun 3nan na, ko saba minnu ka kan ka kɛ ni u jiralen bɛ gafenin Une bonne nouvelle pour des gens de toutes nations ɲɛ 2nan na, segin olu kan. O kɔfɛ, baara bɛ se ka kɛ cogo min na ni gafenin ye n’i bɛ ka kuma ni kan wɛrɛw fɔbagaw ye sigida waajulikɛyɔrɔ la, ɲɛjirali kɛ o kan.

Dɔnkili 23 ani kuncɛli delili.

[Footnotes]