Ɲɛjirabaga ɲuman, denmisɛnw ni mɔgɔkɔrɔbaw bɛɛ bolo
Nuhun ni Ala tun cɛ ka di kosɛbɛ. Nuhun ka ɲɛnamaya bɛɛ kɛra Jehowa sagonata kɛli la. A “taamana Ala fɛ,” wa o kɛli ye dugawu caman lase a ma. Nuhun kɛra misali ɲuman ye min kɛcogo ka kan ka ladege denmisɛnw ni mɔgɔkɔrɔbaw bɛɛ fɛ. (Jen. 6:9) Nuhun ka ɲɛnamaya kɛcogo tun ye min ye, ani mun na a tun ka kan ni Jehowa ka dugawuw ye, ani aw yɛrɛ bɛ se k’a jogoɲumanw ladege cogo min na, Noé : il marchait vec Dieu wideyo bɛna aw dɛmɛ ka olu faamu.
DVD fana dilanna Nuhun kan. Ɲininkaliw bɛ o DVD kɔnɔ. Nuhun ka wideyo lajɛ i k’i yɛrɛ ɲininka nin fɛnw na: (1) Mɛlɛkɛ dɔw ye kojugu jumɛn kɛ, ani mɔgɔ jamanjanbaw (Nefilimuw) tun ye jɔni ye? (Jen.6:1, 2, 4) (2) Mun na mɔgɔw tun ka jugu nin cogo la, ani Ala ye mun miiri o ko la? (Jen. 6:4-6) (3) Mun na Nuhun ni mɔgɔ tɔw tun tɛ kelen ye? (Jen. 6:22) (4) Mɔgɔjuguw halakila cogo jumɛn na? (Jen. 6:17) (5) Nuhun ka kurunba tun ka bon fo ka se hakɛ jumɛn ma? (Jen. 6:15) (6) Nuhun tun ye mun wɛrɛ kɛ ka fara kurunba dilanni kan, ani mɔgɔw ye o minɛ cogo di? (Mat. 24:38, 39; 2 Piɛ. 2:5) (7) Dantanfɛn sugu kelen-kelen bɛɛ den joli de donna kurunba kɔnɔ? (Jen. 7:2, 3, 8, 9) (8) Sanji ye tile joli kɛ nali la, ani dugukolo kun tununna ji fɛ waati joli kɔnɔ? (Jen. 7:11, 12; 8:3, 4) (9) Mun na Nuhun ni a ka denbaya kisira? (Jen. 6:18, 22; 7:5) (10) Kurunba taara i sigi yɔrɔ jumɛn na? (Jen. 8:4) (11) Nuhun y’a dɔn cogo di ko a bɛ se ka bɔ kurunba kɔnɔ k’a sɔrɔ farati t’a la? (Jen. 8:6-12) (12) Nuhun ye mun kɛ a bɔlen kɔ kurunba kɔnɔ? (Jen. 8:20-22) (13) Mun na Ala y’a ka murujan bila sankolo la? (Jen. 9:8-16) (14) Ka ‘taama Ala fɛ,’ o kɔrɔ ye mun ye? (Jen. 6:9, 22; 7:5) (15) An ka kan ka mun kɛ ni an b’a fɛ ka Nuhun ye alijinɛ kɔnɔ? (Mat. 28:19, 20; 1 Piɛ. 2:21)
Nin Bibulu kɔnɔ maana b’a jira ko Nuhun tun ye kantigiya mara Ala fan fɛ, ani ko a tun ye Ala kanminɛbaga ye. Aw ye mun kalan nin maana kɔnɔ ni o b’a jira aw la, ko aw fana bɛ se ka ‘taama Ala fɛ,’ ani k’aw bɛ se ka da a la ko Jehowa bɛ se ka a ka bi jamakulu kisi?—Jen. 7:1; Nt. 10:16; Heb. 11:7; 2 Piɛ. 2:9.