Baara Ka Lajɛ Bolodasira

Mɛkalo tile 8 dɔgɔkun

Dɔnkili 18

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ Jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ ɲɛ 4nan, walima hakilila wɛrɛ minnu bɛ bɛn aw ka waajulikɛyɔrɔ la, olu ta i ka ɲɛjirali kelen kɛ Mɛkalo Réveillez-vous ! (ɲɛjirali fɔlɔ) ani Mɛkalo tile 15 La Tour de Garde kan. Ɲɛjirali kelen na, weleweledala bɛ Mɛkalo tile 1 ani Mɛkalo tile 15 La Tour de Garde ni Mɛkalo Réveillez-vous ! di mɔgɔ ma, a bɛ to ka taa sɔn-ni-sɔn gafeninw di mɔgɔ min ma ka kɔrɔ nka o tigi tun m’a ka Mɛkalo tile 1 La Tour de Garde sɔrɔ fɔlɔ. Ni a bɛ gafenin saba di tuma min na, a bɛ kuma kelen dɔrɔn de kan. Weleweledalaw bɛ to ka taa sɔn-n-sɔn gafeninw di mɔgɔ minnu ma, u bɛ se ka taa bɔ olu ye siɲɛ kelen walima siɲɛ fila kalo kɔnɔ.

Sanga 20: “Aw ‘ka tugu ne kɔ’ tuma bɛɛ.”a Weleweledala dɔ ɲininka min ye misali ɲuman ye jɛkulu kɔnɔ, ni a b’a jija k’a ka ɲɛnamaya kɛ nɔgɔya la, ni a bɛ dan sigi a yɛrɛ ka nafa ɲinini na walisa a ka se ka dɔ fara Masaya ka nafaw kan ani ka baara kɛ mɔgɔ wɛrɛw ye. A ye dugawu minnu sɔrɔ o kɛli la, i sinsin o kan. Aw ka o ɲininkaliw ni o jaabiw kɛ waati surun kɔnɔ.

Sanga 15: Ko minnu kɛra sigida waajulikɛyɔrɔ la. A ɲini i lamɛnbagaw fɛ, u k’a fɔ, u ye dugawu minnu sɔrɔ u kɛlen k’u cɛsiri cidenyabaara la Marisikalo ni Awirilikalo la. O weleweledalaw ye Bibulu-kalanw minnu daminɛ ani u ye mɔgɔ kuraw dɛmɛ cogo min na olu ka se ka na Hakilijigin na, u ka o fɔ. Ko ɲɛnama minnu kɛra waajulikɛyɔrɔ la, ɲɛjirali kɛ o kelen walima fila kan.

Dɔnkili 21 ani kuncɛli delili.

Mɛkalo tile 15 dɔgɔkun

Dɔnkili 33

Sanga 10: Ladɔnniyaliw ka ɲɛsin sigida ma. Dusu don bɛɛ kɔnɔ u ka Noé : il marchait avec Dieu wideyo lajɛ walisa u ka se ka Mɛkalo tile 29 dɔgɔkun Baara ka lajɛ labɛn.

Sanga 10: An ka baara kɛ ɲɔgɔn fɛ kelenya kɔnɔ Krista ka kuntigiya jukɔrɔ. Jɛmukan sinsinnen bɛ yɔrɔ kan min bɛ sɔrɔ Organisés pour faire la volonté de Jéhovah gafe ɲɛ 13-​15 kɔnɔ.

Sanga 25: “An k’an ka batokɛyɔrɔ minɛ koɲuman.”b Jɛmu ani baro bɛ kɛ ni i lamɛnbagaw ye. A sinsinnen bɛ san 2003 Utikalo An ka Masaya Cidenyabaara cɛmancɛ sɛbɛn kan. Ni baro bɛ kɛ tuma min na dakun filanan kan, kuma Organisés pour faire la volonté de Jéhovah gafe ɲɛ 121, a dakun 1 kan. Fɛɛrɛ minnu tigɛra Masaya So saniyali ko la, olu fɔ. Nafa min b’a la ka Masaya So minɛ ka ɲɛ, i sinsin o kan. Masaya So bɛ cogoya min na, o fɔ ka surunya, ani fɛɛrɛ o fɛɛrɛ bɛ se ka tigɛ walisa ka a yɔrɔw labɛn, walima fɛn o fɛn bɛ se ka kɛ ka fara baara kɛlen kan walisa Masaya So ka ɲɛ, olu fɔ. Jɛkulu fo a ka cɛsiriw la, a bɛ ka minnu kɛ walisa Masaya So ka to cogo la min bɛnnen bɛ bato lakika ma.

Dɔnkili 49 ani kuncɛli delili.

Mɛkalo tile 22 dɔgɔkun

Dɔnkili 39

Sanga 12: Ladɔnniyaliw ka ɲɛsin sigida ma. Wari min bɛ jɛkulu bolo ani mɔgɔw ye wari min ni jɛkulu la, olu seereyasɛbɛn kalan. Hakilila minnu bɛ ɲɛ 4nan na, walima hakilila wɛrɛ minnu bɛ bɛn aw ka waajulikɛyɔrɔ ma, olu ta i ka ɲɛjirali kɛ Mɛkalo Réveillez-vous ! (ɲɛjirali filanan) ani Zuwɛnkalo tile 1 La Tour de Garde kan. O ɲɛjirali bɛ kɛ denbaya dɔ de kan min bɛ ka sɔn-ni-sɔn gafenin jiracogo dege.

Sanga 15: “An k’a jira mɔgɔw la ko an bɛ u fɛ​—An ka kɛ mɔgɔw ye minnu bɛ bonya ni karama da mɔgɔw kan.”c

Sanga 18: “Bangebagaw, yala aw bɛ taa ni aw denw ye cidenyabaara la wa?”d Denbaya ka jɛ ka waajuli kɛ ɲɔgɔn fɛ, nafa minnu bɛ o la, a ɲini i lamɛnbagaw fɛ u k’olu fɔ.

Dɔnkili 1 ani kuncɛli delili.

Mɛkalo tile 29 dɔgɔkun

Dɔnkili 18

Sanga 10: Ladɔnniyaliw ka ɲɛsin sigida ma. Weleweledalaw hakilijigin u k’u ka Mɛkalo forobaara dantigɛli sɛbɛn di.

Sanga 10 : An ka Enseignant gafe jira Zuwɛnkalo la. Hakilila minnu bɛ san 2005 Zanwuyekalo An ka Masaya Cidenyabaara ɲɛ 4nan na, walima hakilila wɛrɛ minnu bɛ bɛn aw ka waajulikɛyɔrɔ ma, olu ta i ka ɲɛjirali dɔ kɛ Écoute le grand Enseignant gafe jiracogo kan. Ni a waati b’aw bolo, a ɲini i lamɛnbagaw fɛ u k’a fɔ fɛn ɲuman min bɔra u ka baara kɛli la ni o sɛbɛn ye foro la, walima u yɛrɛ ka denbaya kɔnɔ.

Sanga 25: “Ɲɛjirabaga ɲuman, denmisɛnw ni mɔgɔkɔrɔbaw bɛɛ bolo.” I ka dantigɛli kana tɛmɛ sanga kelen kan, o kɔfɛ, i ka sin ka sɛgɛsɛgɛli daminɛ ni i lamɛnbagaw ye Noé wideyo kan. I ka baara kɛ ni ɲininkaliw bɛɛ ye minnu bɛ dakun filanan na. O kɔfɛ, denbayaw ɲininka u k’a fɔ u ye nafa minnu sɔrɔ wideyo yɔrɔ la min tɔgɔ ye ko “Activités éducatives”. O kɔfɛ, baara kɛ ni dakun sabanan ɲininkali ni a Bibulu tɛmɛsiraw ye.

Dɔnkili 33 ani kuncɛli delili.

Zuwɛnkalo tile 5 dɔgɔkun

Dɔnkili 59

Sanga 10: Ladɔnniyaliw ka ɲɛsin sigida ma.

Sanga 15: Sigida magow.

Sanga 20: Segin-ka-bɔnyew bɛ kɛ ka ɲɛ cogo di? Baro bɛ kɛ ni i lamɛnbagaw ye. Baro sinsinnen bɛ sɛbɛnniw kan minnu bɛ tiiri nɛrɛmugulama kɔnɔ san 2003 Nowanburukalo tile 15 La Tour de Garde ɲɛ 16 nan kɔnɔ. Baro kɛ hakilila wolonwula kelen-kelen bɛɛ kan, i k’a ɲini i lamɛnbagaw fɛ u k’a fɔ, baara bɛ se ka kɛ ni o hakililaw ye cogo min na sigida la. Dusu don weleweledalaw kɔnɔ u ka segin-ka-bɔnyew kɛ, ka u kuntilenna kɛ Bibulu-kalanw daminɛni ye ni mɔgɔw bɛɛ ye minnu sɔnna sɛbɛn dɔ la, walima minnu y’a jira ko kibaru duman ka di u ye. Baara kɛ ni hakililaw dɔ la kelen ye minnu bɛ san 2006 Zanwuyekalo An ka Masaya Cidenyabaara ɲɛ 6nan na, i k’a jira Bibulu-kalan bɛ kofɔ cogo min na segin-ka-bɔnye kɛtuma na.

Dɔnkili 27 ani kuncɛli delili.

[Footnotes]