Sɔn-ni-sɔn gafeninw jiracogo
La Tour de Garde 15 avril
“A bɛ iko bɛɛ sɔnna a ma ko kumaɲɔgɔnya ɲuman ye ko dɔ ye min jɔyɔrɔ ka bon kosɛbɛ denbaya ka hɛrɛ la. Nka mɔgɔ caman y’a ye ko kumaɲɔgɔnya ɲuman ka gɛlɛn. E fɛ, mun na a bɛ ten? [Jaabi makɔnɔ.] Nin gafenin bɛ hakililaw di an ma minnu b’an dɛmɛ an ka se kumaɲɔgɔnya kɛcogo ɲuman na.” Yakuba 1:19 kalan, k’i sinsin a kan, ko kumaɲɔgɔnya ɲuman yɔrɔ belebele dɔ ye ka se mɔgɔ lamɛnni na, iko sɛbɛnniw b’a jira cogo min na.
Réveillez-vous! Avril
“Mɔgɔ caman b’a fɔ ko kuruwa bɛ u dɛmɛ ka gɛrɛ Ala la. O bɛɛ n’a ta, dɔw bɛ u yɛrɛ ɲininka nin na: Yesu fagara ni fɛn min ye, yala a bɛnnen don k’o bato wa? Yala Yesu sara tiɲɛ na kuruwa kan wa? Barokun min bɛ gafenin ɲɛ 12nan na, o bɛ o ɲininkaliw jaabi di an ma, ka kɛnyɛ ni Bibulu kɔnɔkuma ye.” Kɛwalew 5:30 kalan.
La Tour de Garde 1er mai
“Faantanya kɛlen bɛ ka mɔgɔ miliyɔn caman tɔɔrɔ diɲɛ kɔnɔ. E fɛ, yala faantanya bɛna kɛ tuma bɛɛ diɲɛ kɔnɔ wa? Yala fɛn fosi tɛ se ka kɛ walisa kow ka ɲɛ wa? [Jaabi makɔnɔ. O kɔfɛ, 2 Piɛrɛ 3:13 kalan, i k’a jira ko faantanya bɛna ban pewu “dugukolo kura” tilennen kɔnɔ.] An bɛ se k’a jira cogo min na ko faantan hami b’an na tiɲɛ na, iko u hami tun bɛ Yesu la cogo min na, k’a to dugukolo kan, nin gafenin bɛ o fɔ an ye.”
Réveillez-vous! Mai
“Yala i delila k’i yɛrɛ ɲininka mun na mɔgɔ bɛ kɔrɔ wa? [Jaabi makɔnɔ.] Bibulu bɛ min fɔ a ko kan, o b’a jira an na Ala ye min kɛ walisa an ka se ka to ɲɛnamaya la fo abada. [Esayi 25:8 kalan] Mɔgɔw ka hakililaw ye minnu ye kɔrɔya kan, nin Réveillez-vous ! bɛ kuma olu dɔw kan.”