Ladɔnniyaliw
◼ Sɛbɛn jirataw Feburuyekalo la: Approchez-vous de Jéhovah. O gafe tɛ jɛkulu minnu bolo, olu bɛ se ka Révélation : dénouement gafe jira, walima gafe kɔrɔ wɛrɛ min maralen bɛ jɛkulu kɔnɔ. Marisikalo la: Qu’enseigne réellement la Bible ? gafe. Aw ye cɛsiri kɛrɛnkɛrɛnnenw kɛ walisa aw ka Bibulu-kalanw daminɛ. Awirili ni Mɛ kalow: La Tour de Garde ani Réveillez-vous ! kelen-kelen bɛ jira. Ni aw bɛ segin ka taa bɔ mɔgɔw ye minnu y’a jira ko kibaru duman ka di u ye, ani minnu nana Hakilijigin na walima minnu nana jɛkulu ka ko labɛnnen dɔ kɛnɛ kan, nka u nɔrɔlen tɛ Jehowa ka jamakulu la, aw ka aw timinandiya ka Qu’enseigne réellement la Bible ? gafe bila u bolo. An kuntilenna ka kan ka kɛ Bibulu-kalan daminɛni ye o gafe kɔnɔ.
◼ I ko a jiralen bɛ cogo min na kalo baara dantigɛli sɛbɛn kan min bɛ nin An ka Masaya Cidenyabaara kɔnɔ, timinandiyabaara yera forobaara la Ɔkutɔburukalo tɛmɛnen. Hakɛ fila sɔrɔla minnu ɲɔgɔn tun ma deli ka sɔrɔ ban: Senegali ye weleweledala 1006 sɔrɔ, ani Ganbi ye weleweledala 168 sɔrɔ. Kunmabɔ saraka waleɲumandɔn min b’an na, o ka kɛ sababu ye an ka t’a fɛ ka an yɛrɛ bɛɛ di an Dabaga ka baara ma kalo nataw la!
◼ Ikomi dɔgɔkun dafalen duuru de bɛ Awirilikalo la, kalo ɲuman don walisa ka kɛ tutigɛbaga farankan ye.
◼ Jɛmukan kɛrɛnkɛrɛnnen min bɛna kɛ san 2006 Hakilijigin waati la, o tɔgɔ ye ko: “ Dieu est-il encore le maître ? ” Ladɔnniyali min bɛ o kun kan, o lajɛ san 2005 Sɛtanburukalo An ka Masaya Cidenyabaara kɔnɔ.
◼ K’a daminɛ san 2006 Awirilikalo tile 17 la, jɛkulu ka gafe kalan bɛna kɛ Qu’enseigne réellement la Bible ? gafe kan. O waati ka kan k’o gafe belebeleba ani o gafe fitinin hakɛ sɔrɔ Jɛkuluw bolo min bɛ bɔli kɛ.
◼ Yɔrɔ min bɛ ɲɛ 6nan na, n’o tɔgɔ ye ko “An ka nisɔndiya sɔrɔ Qu’enseigne réellement la Bible ? gafe kalan na” baro bɛna kɛ o kan Awirilikalo tile 3nan dɔgɔkun Baara ka Lajɛ waati la. Aw ka o barokun ani kalan bolodacogo sɛbɛnnen mara koɲuman.
◼ Lakɔlɔsibaga-ɲɛmɔgɔ, walima mɔgɔ wɛrɛ min sugandira a fɛ, o ka kan ka jɛkulu ka jatew sɛgɛsɛgɛ Marisikalo tile fɔlɔ la, walima waati dɔɔnin dɔrɔn o kɔfɛ. Ni wari wɛrɛ bilalen bɛ a danna i n’a fɔ Masaya so ladonni wari wala a jɔli wari, fɛɛrɛ ka kan ka tigɛ walisa ka o jate fana sɛgɛsɛgɛ. N’olu kɛra tuma min na, jɛkulu ka ladɔnniya o la ni jatebɔ sɛbɛn nata ye.
◼ Sɛbɛnnikɛla ni baara lakɔlɔsibaga ka kan ka tutigɛbaga basigilenw bɛɛ ka baaraw lajɛ. Ni a ka gɛlɛn tutigɛbaga dɔw ma ka lɛrɛ wajibiyalen dafa, maakɔrɔw ka kan ka fɛɛrɛ tigɛ walisa ka dɛmɛ lase olu ma. Walisa ka kunnafoniw sɔrɔ o ko la, lɛtɛrɛ minnu bɛ ci san o san, n’o ye S-201 ye, aw k’olu lajɛ.