An ka nisɔndiya sɔrɔ Qu’enseigne réellement la Bible ? gafe kalan na
1 Kafoba ka jamalajɛ la, n’o tɔgɔ ye ko “An ka Ala kan minɛ,” an ye nisɔndiyako min sɔrɔ, o kɛra gafe kura bɔlen ye min tɔgɔ ye ko Qu’enseigne réellement la Bible ? Yanni dɔɔnin cɛ, an bɛna baara kɛ n’a ye koɲuman an ka foro baara la, kɛrɛnkɛrɛnnenya la n’an bɛna Bibulu-kalanw kɛ tuma min na. O kosɔn, an ka kan ka nin gafe kura dɔn koɲuman. O bɛna se ka kɛ, bawo an bɛna a kalanni daminɛ jɛkulu ka gafe-kalan na, san 2006 Awirilikalo tile 17 dɔgɔkun kɔnɔ.
2 Ɲininkali minnu bɛ kalansen kelen-kelen bɛɛ daminɛ na, jɛkulu ka gafe-kalan lakɔlɔsibaga bɛna fɔlɔ ka kuma olu kan. O kɔ fɛ, a bɛna baara kɛ ni ɲininkaliw ye minnu bɛ gafe ɲɛ dugumana na, ka kalan ɲɛminɛ. Bibulu tɛmɛsira kolomaw bɛ kalan ani baro bɛ kɛ u fana kan. Tiiri kɛlen bɛ ka sɛbɛnni minnu lamini, ni o tɔgɔ ye ko “ Ce que la Bible enseigne ” ni o bɛ kalansen kelen-kelen bɛɛ laban na, o yɔrɔ bɛna aw dɛmɛ ni aw bɛ seginnkanni kɛ tuma min na, bawo ɲininkali minnu kɛra kalansen daminɛ na, olu jaabiw bɛ sɔrɔ o yɔrɔ la, jaabi minnu sinsinnen bɛ Bibulu kan. Aw bɛna nisɔndiya sɔrɔ ɲɛfɔliw kɛli la bawo gafe bɛ barokunw ɲɛfɔ cogo jɛlen na, min ka nɔgɔn, min ka di fana.
3 Gafe yɔrɔ min bɛ wele ko appendix, o bɛ kunnafoni caman de di an ma barokun caman kan. Ni Bibulu-kalandenw mago bɛ kunnafoni wɛrɛw la barokun dɔ kan, an bɛna se ka baara kɛ ni o yɔrɔ ye. Waati dɔw la, baro bɛna kɛ appendix yɔrɔ dɔw kan, jɛkulu ka gafe-kalan kɛtuma na. Appendix yɔrɔ minnu bɛ kuma barokun kan, olu bɛɛ bɛna kalan, gafe-kalan kalanjɛkɛbaga fɛ. Appendix yɔrɔ kalanta minnu ka jan, olu bɛna tila yɔrɔ kunkurun caman ye, k’u kunkurun kalan. O kalan bɛna kɛ ni ɲininkali minnu ye, olu tɛ appendix kɔnɔ. Nka, gafe kalan lakɔlɔsibaga bɛ se k’a lamɛnbagaw bila u ka jaabiw di a yɛrɛ ka ɲininkaliw kan minnu sinsinnen bɛ yɔrɔ kolomaw kan.
4 Qu’enseigne la Bible ? gafe kalanni bɛna kɛ teliya la jɛkulu ka gafe-kalan na. Nka, n’an bɛna mɔgɔ wɛrɛw kalan ni o gafe ye, an man kan k’an teliya o cogo kelen na, kɛrɛnkɛrɛnnenya la, ni Bibulu dɔnniyaba tɛ o mɔgɔw la, walima ni u tɛ fosi dɔn Bibulu kɔnɔ. (Kɛw. 26:28, 29) Ni an bɛ Bibulu-kalanw kɛ tuma min na, a ka kan, an ka baro kɛ Bibulu tɛmɛsiraw kan, k’u fɛsɛfɛsɛ, ka jaw ɲɛfɔ ani o n’a ɲɔgɔnna wɛrɛw. O la sa, aw k’a kɛ aw kuntilenna ye ka na jɛkulu ka gafe-kalan na dɔgɔkun o dɔgɔkun, ka aw sen don fana baro la kosɛbɛ Qu’enseigne réellement la Bible ? gafe kalan kɛtuma na.