Baara ka Lajɛ Bolodasira

Kɔlɔsili: Kafoba ka jamalajɛ min tɔgɔ ye ko “An ka Ala kan minɛ,” ni an ka jɛkulu ye o kɛ ka ban tuma min na, kalo kelen walima kalo 2 o kɔ fɛ, k’a ta sanga 15 ka n’a bila sanga 20 na, o ka kan ka boloda Baara ka lajɛ kɔnɔna na, (laala, sigida magow bɛ kɛ tuma min na, waati dɔ bɛ se ka ta o kɔnɔ) walisa ka segin jamalajɛ yɔrɔw kan weleweledalaw y’a ye minnu nafa ka bon foro cidenyabaara la. O la sa, an ye fɛn minnu kalan kafoba ka jamalajɛ la, an bɛ ka baara kɛ ni olu ye cogo min na, ani u y’an dɛmɛ cogo min na ka se ka an ka cidenyabaara kɛcogo ɲɛ, an bɛna se ka o ɲɛfɔ o waati la.

Zanwuyekalo tile 9nan dɔgɔkun

Dɔnkili 5

Sanga 5: Ladɔnniyaliw ka ɲɛsin sigida ma.

Sanga 20: Gafe min tɔgɔ ye ko Qu’enseigne la Bible ? An ka baarakɛminɛn fɔlɔ Bibulu-kalan kama.”a Nisɔndiya don mɔgɔw kɔnɔ u ka Bibulu-kalanw daminɛ ni gafe kura ye.

Sanga 20: Fɛn kura minnu bɛ Réveillez-vous ! kɔnɔ. Jɛmu ani baro bɛ kɛ n’i lamɛnbagaw ye. Yɛlɛmali minnu donna Réveillez-vous ! la, ni olu kofɔlen bɛ san 2005 An ka Masaya Cidenyabaara ɲɛ fɔlɔ la, a dakunw 5-6nan, olu fɔ. Kuma minnu fɔra “À Nos lecteurs” kan, san 2006 Réveillez-vous ! ɲɛw 3-4nan, olu fana fɔ. Misaliw di minnu b’a jira ko Réveillez-vous ! bɛ a lamɛnbagaw ɲɛsin Bibulu ma, k’a sɔrɔ a ma munumunu. A ɲini lamɛnbagaw fɛ u ka kuma yɛlɛmali kura kan min bɛ a ɲɛ 31nan na. An bɛna taa a fɛ ka La Tour de Garde ni Réveillez-vous ! sɛbɛn fila jira ɲɔgɔn fɛ ni an b’u jira ko fɔlɔ kɛ mɔgɔw la. Tiɲɛ don ko ni Réveillez-vous ! nimɔrɔ kura bɔra, an bɛna a den kelen de bila mɔgɔw bolo, an ni minnu bɛnna a la ko an ka to ka taa sɔn-ni-sɔn gafeninw di u ma. An bɛna a den kelen fana bila mɔgɔw bolo minnu bɛ sɔn tuma bɛɛ sɔn-ni-sɔn gafeninw na. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Zanwuyekalo tile 15 La Tour de Garde kan ani Zanwuyekalo Réveillez-vous ! jiracogo fɔlɔ kan. Ɲɛjirali kelen kɔnɔ, weleweledala dɔ jira min bɛ ka waajuli kɛ jagokɛyɔrɔ la. I bɛ se ka ɲɛjirali wɛrɛw kɛ minnu ka ɲi. Zanwuyekalo Réveillez-vous ! jiracogo filanan bɛ An ka Masaya Cidenyabaara in kɔnɔ. A sinsinnen bɛ Réveillez-vous ! barokun wɛrɛw kan. Baara bɛ se ka kɛ ni nin jiracogo fila bɛɛ ye kalo kuru bɛɛ kɔnɔ.

Dɔnkili 100 ani kuncɛli delili.

Zanwuyekalo tile 16nan dɔgɔkun

Dɔnkili 13

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ sigida kun kan, olu woloma ka bɔ An ka Masaya Cidenyabaara kɔnɔ. Dusu don bɛɛ kɔnɔ u ka wideyo lajɛ n’o tɔgɔ ye ko: Soigner sans transfuser - Besoins et droits du patient walisa ka baro labɛn min bɛna kɛ dɔgɔkun fila kɔnɔ Baara ka lajɛ la.

Sanga 20: “Bibulu-kalanw bɛ daminɛ cogo min na ni Qu’enseigne la Bible ? gafe ye.” Baro bɛ kɛ ni lamɛnbagaw ye ani ɲɛjirali bɛ kɛ minnu sinsinnen bɛ cɛmancɛ sɛbɛn ɲɛ 3nan kan. Mɔgɔ minnu y’a jira ko kibaru duman ka di u ye, an bɛ se sisan bɛɛ ka Qu’enseigne la Bible ? gafe kɛ ka Bibulu-kalanw daminɛ ani k’u ɲɛminɛ ni o mɔgɔw ye. Ɲɛjirali saba labɛn koɲuman minnu bɛna jira an bɛ se ka baara kɛ cogo min na ni gafɛ ɲɛw ye walisa ka Bibulukalan daminɛ ni an seginna ka taa bɔ mɔgɔw ye. Ɲɛjirali fɔlɔ bɛ sinsin ɲɛw 4-5nan kan. Ɲɛjirali filanan bɛ sinsin ɲɛ 6nan kan, ani ɲɛjirali sabanan bɛ sinsin ɲɛ 7nan dakun fɔlɔ kan. Ɲɛjirali Bibulu-kalan bɛ kɛ mɔgɔ kelen de kun. Ɲɛjirali bɛna kɛ cogo min na, o yɔrɔbaw fɔ sanni o ka kɛ, ani ni ɲɛjirali banna, segin o yɔrɔbaw kan kokura. Baro min bɛ kɛ Qu’enseigne la Bible ? gafe dakunw kan, o bɛ se ka surunya ni o ka kan. Ɲɛjirali kelen-kelen bɛɛ bɛ kuncɛ nin cogo la: weleweledala bɛ a ka nali wɛrɛ labɛn.

Sanga 15: “Denmisɛn minnu bɛ yeeleen bɔ iko lanpa.”b Denmisɛnw ɲininka u k’a fɔ u sera cogo min na ka seereya kɛ lakɔli la. I bɛ se ka kɔn ka ɲɛfɔli kelen walima fila labɛn sanni lajɛ ka kɛ.

Dɔnkili 46 ani kuncɛli delili.

Zanwuyekalo tile 23nan dɔgɔkun

Dɔnkili 83

Sanga 10: Ladɔnniyaliw ka ɲɛsin sigida ma. Wari min bɛ jɛkulu bolo ani mɔgɔw ye wari min ni jɛkulu la, olu seereyasɛbɛn kalan. Hakilila minnu bɛ ɲɛ 8nan na, walima hakilila wɛrɛ minnu bɛ nɔ bɔ waajulikɛyɔrɔ la, olu ta i ka ɲɛjirali kelen kɛ Feburuyekalo tile 1 La Tour de Garde jiracogo kan. Ɲɛjirali filanan kɛ Zanwuyekalo Réveillez-vous ! jiracogo kan. Ɲɛjirali kelen ka kɛ denmisɛn dɔ fɛ.

Sanga 15: Sigida magow.

Sanga 20: “An k’a jira mɔgɔw la ko an bɛ u fɛ: An ka ɲininkaliw ni an ka lamɛnni fɛ.”c Ni baro bɛ ka kɛ dakun 2nan kan tuma min na, i lamɛnbagaw ɲininka u k’a fɔ ɲininkali minnu bɛ nɔ bɔ olu bolo, walisa ka barow daminɛ. Ɲɛjirali kɛ min b’a jira, baara bɛ se ka kɛ cogo min na ni ɲininkali ɲumanw ye walisa ka mɔgɔ bila a ka kuma, ani an k’a jira fana an bɛ se k’a lamɛn ni ɲɛmajɔ ye cogo min na.

Dɔnkili 74 ani kuncɛli delili.

Zanwuyekalo tile 30nan dɔgɔkun

Dɔnkili 35

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Zanwuyekalo forobaara dantigɛli sɛbɛn di. Feburuyekalo sɛbɛn jirataw fɔ, ka tila ka ɲɛjirali dɔ kɛ o kɔfɛ.

Sanga 15: Fɛɛrɛ minnu tigɛra kanuya kɔnɔ an ka nafa kama. Maakɔrɔ dɔ de bɛ o baro ɲɛminɛ. Tɔn bolofara ye bataki min sɛbɛn Zanwuyekalo tile 3 ka o ci jɛkuluw bɛɛ ma, a bɛ o kalan ka baro kɛ o kan. O bataki b’a jira an na sira minnu fɛ an bɛ se ka nafa sɔrɔ Comité de liaison hospitalier (CLH) ni Groupe de visite aux malades (GVM) ka baaraw la.

Sanga 20: “Wideyo min bɛ yɛlɛmaba dɔ ɲɛfɔ furakɛli cogo kan.” Kɛwalew 15:​28, 29 kalan, k’i sinsin a kan teliya la, ko kun belebele min na Kerecɛnw bɛ ban joli la, o ye ko u bɛ tugu Ala ka sariya kɔ min b’a jira ko joli ye fɛn senuman ye. O kɔfɛ dɔrɔn baro daminɛ Besoins et droits du patient wideyo kan ni ɲininkaliw ye minnu dilen bɛ. Dakun laban kalan k’i ka baro kuncɛ ni o ye.

Dɔnkili 20 ani kuncɛli delili.

Feburuyekalo tile 6nan dɔgɔkun

Dɔnkili 38

Sanga 5: Ladɔnniyaliw ka ɲɛsin sigida ma.

Sanga 25: An bɛ k’a ɲini ka an ka baarakɛminɛn kura dɔn. Jɛmu ani baro bɛ kɛ n’i lamɛnbagaw ye. Qu’enseigne la Bible ? kɔnɔfɛn minnu diyara i lamɛnbagaw ye, a ɲini u fɛ u ka kuma o fɛnw kan. O fɛnw bɛ se ka kɛ ɲininkaliw ye minnu bɛ kalansen daminɛ na, walima o bɛ se ka kɛ bakurubafɔli ye min bɛ kalansen laban na, n’o b’i sinsin kalansen yɔrɔ kolomaw kan (ɲɛw 106, 114), walima o bɛ se ka kɛ jaw ye minnu b’an dɛmɛ ka faamuyali sɔrɔ (Ɲɛw 122-3, 147, 198), walima a bɛ se ka kɛ appendice ye (sɛbɛnni minnu bɛ gafe laban na) (ɲ. 197, dakun 1-2). Kalan kɛcogo dilanna ni kanuya ye, k’a kɛ fɛn ye min bɛ diya mɔgɔw ye fana (ɲ.  12, d. 12). A bɛ ɲɛfɔli nɔgɔmanw, jɛlenw kɛ (ɲ  58, d. 5). Misaliw dilen bɛ cogo la min bɛ nɔ bɔ kosɛbɛ (ɲ.  159, d. 12). Gafe ɲɛbilakuma kun ye ka an dɛmɛ ka se ka Bibulu-kalanw daminɛ (ɲ.  3-7). Tiiri kɛlen bɛ ka sɛbɛnni minnu lamini ɲɛ 7nan na, baara bɛ kɛ ni olu ye cogo min na ni Bibulu kalanden kura ye, ɲɛjirali kɛ o kan. Aw ye ko duman minnu sɔrɔ aw kɛlen ka baara kɛ ni gafe kura ye, aw ka olu fɔ.

Sanga 15: An labɛnna walisa ka Jehowa sago kɛ. Jemu ani baro bɛ kɛ n’i lamɛnbagaw ye. A sinsinnen bɛ Organisés pour faire la volonté de Jéhovah gafe ɲɛw 4-7 kan. I sinsin ɲɛ 4nan kan k’i ka dantigɛli kɛ min man kan ka miniti saba bɔ. O kɔfɛ, baro kɛ ni i lamɛnbagaw ye, ɲɛ 5nan kan fo ka se dakun kura tɔgɔ ma ɲɛ 7nan. Baro bɛna kɛ Organisés gafe yɔrɔ wɛrɛw kan Baara ka lajɛ nataw la.

Dɔnkili 71 ani kuncɛli delili.

[Footnotes]