Baara ka Lajɛ Bolodasira

Kɔlɔsili: Kafoba ka jamalajɛ bɛna kɛ waati minnu kɔnɔna na, Baara ka lajɛ dɔ bɛna boloda o waatiw dɔgɔkun kelen-kelen bɛɛ kama An ka Masaya Cidenyabaara kɔnɔ. Jɛkuluw bɛ se ka yɛlɛmaw don ka kɛɲɛ ni u magow ye walisa u ka mɔgɔw ka se ka taa kafoba ka jamalajɛ la, min tɔgɔ ye ko: “An ka Ala kan minɛ.” Ni o bɛ bɛn, Baara ka lajɛ laban min bɛ kɛ sanni kafoba ka jamalajɛ don ka se, miniti 15 ta o kɔnɔna na i ka segin laadilikanw kan ani hakilijigin kumaw kan minnu bɛ Ɔkutɔburukalo An ka Masaya Cidenyabaara cɛmancɛ sɛbɛn kɔnɔ, ni olu ɲɛsinnen bɛ sigida ma. Kalo kelen walima kalo fila mana tɛmɛ jamalajɛ kɔfɛ, aw ka miniti 15-20 bila Baara ka lajɛ kɔnɔna na (laala aw bɛ se ka waati dɔ ta sigida magow fɔ waati la) walisa ka seginnkanni kɛ jamalajɛ kolomayɔrɔw kan, ka aw sinsin yɔrɔw kan minnu ye weleweledalaw dɛmɛ foro cidenyabaara la. An ye fɛn minnu kalan jamalajɛ la, an bɛ ka baara kɛ ni olu ye cogo min na, ani o fɛnw y’an dɛmɛ cogo min na ka an ka cidenyabaara kɛ cogo la min bɛ nɔ bɔ, o baara ka lajɛ yɔrɔ bɛna cogo di an ma ka olu ɲɛfɔ.

Desanburukalo tile 12 dɔgɔkun

Dɔnkili 12

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ ɲɛ 6 la, olu ta i ka ɲɛjirali kɛ Desanburukalo tile 8 Réveillez-vous ! ani Desanburukalo tile 15 La Tour de Garde kan. Ɲɛjirali ɲuman wɛrɛw bɛ se ka kɛ. Ɲɛjirali kelen-kelen bɛɛ kɔfɛ, a jira Bibulu tɛmɛsira kelen bɛ se ka don cogo min na i ka ɲɛjirali la.

Sanga 15: Sigida magow.

Sanga 20: “Kalan min bɛ ɲɛnamaya lase mɔgɔw ma.”a Fɛɛrɛ tigɛ walisa mɔgɔ kelen walima mɔgɔ fila k’a fɔ cogo min na u ye nafa sɔrɔ kalan na min bɛ bɔ Ala yɔrɔ.

Dɔnkili 96 ani kuncɛli delili.

Desanburukalo tile 19 dɔgɔkun

Dɔnkili 7

Sanga 5: Ladɔnniyaliw ka ɲɛsin sigida ma. Fɛɛrɛ minnu tigɛra walisa ka waajuli kɛ Desanburukalo tile 25 ani Zanwuyekalo tile fɔlɔ la, olu fɔ.

Sanga 15: Barika bɛ Ala ka Kuma na. (Heb. 4:​12) Jɛmu don min sinsinnen bɛ san 2003 Nowanburukalo tile 15 La Tour de Garde ɲɛ 11, dakunw 13-​17 kan. Ko kɛlen dɔw fɔ, minnu b’a jira Bibulu kalan bɛ se ka mɔgɔw bila cogo min na ka yɛlɛma don u ka ɲɛnamaya kɛcogo la. (w00 1/1 ɲ. 3-5) Dusu don bɛɛ kɔnɔ u ka baara kɛ ni Bibulu ye u ka cidenyabaara kɔnɔkow bɛɛ la.

Sanga 25: “An ka nafa bɔ Pas de sang : La médicine relève le défi wideyo la.” Baara kɛ ni ɲininkaliw ye minnu bɛ ɲɛ 4nan na walisa ka baro kɛ ni lamɛnbagaw ye wideyo kan, n’o tɔgɔ ye ko Pas de sang. O kɔfɛ, dakun laban kalan. Dusu don bɛɛ kɔnɔ u ka ye Zanwuyekalo tile 2 dɔgɔkun baro kɛnɛ kan. O baro bɛna kɛ fɛɛrɛ kura kan min b’an dɛmɛ ka ban joli la.

Dɔnkili 35 ani kuncɛli delili.

Desanburukalo tile 26 dɔgɔkun

Dɔnkili 38

Sanga 10: Ladɔnniyaliw ka ɲɛsin sigida ma. Wari min bɛ jɛkulu bolo ani mɔgɔw ye wari min ni jɛkulu la, olu seereyasɛbɛn kalan. Weleweledalaw hakili jigin u k’u ka Desanburukalo waajulibaara dantigɛli sɛbɛn di. Ni aw ka jɛkulu bɛna a ka lajɛ kɛwaatiw yɛlɛma san kura kɔnɔ, o waati kuraw fɔ. Sɛbɛn minnu ka kan ka jira Zanwuyekalo la olu fɔ ani u jiracogo bɛ sɔrɔ yɔrɔ min na, o fana fɔ.

Sanga 15: “Kalan min b’a to an ka se ka baara kɛ ni an ka fɛn kalannenw ye.” Kalan lakɔlɔsibaga de bɛ o jɛmu kɛ. Ɲɛfɔli minnu bɛ san 2005 Ɔkutɔburukalo An ka Masaya Cidenyabaara cɛmancɛ sɛbɛn kɔnɔ, olu fana fɔ.

Sanga 20: “An ka mɔgɔw dɛmɛ u ka Ala ‘kan minɛ u dusukun de la.’”b Ni a y’a sɔrɔ waati b’a to o ka se ka kɛ, a ɲini i lamɛnbagaw fɛ u ka kuma Bibulu tɛmɛsira kofɔlenw kan.

Dɔnkili 4 ani kuncɛli delili.

Zanwuyekalo tile 2 dɔgɔkun

Dɔnkili 7

Sanga 5: Ladɔnniyaliw ka ɲɛsin sigida ma. Weleweledalaw hakili jigin u ka na ni san 2006 Zanwuyekalo Réveillez-vous ! ye u bolo dɔgɔkun nata Baara ka lajɛ la.

Sanga 15: “An k’a jira mɔgɔw la ko an bɛ u fɛ: An k’an ka ɲɛfɔliw kɛ ka bɛn u magow ma.”c Ɲɛjirali surun dɔ sen don a la min b’a jira weleweledala bɛ i sinsin cogo min na a barokɛɲɔgɔn ka kuma kan ka yɛlɛma don a ka kuma labɛnnen na.

Sanga 25: An ka tugu Ala ka ci fɔlen kɔ ka an yɛrɛ tanga joli ma. Maakɔrɔ de bɛ o jɛmu kɛ. A bɛ baara kɛ ni sɛbɛn ye min bɔra Tɔn bolofara yɔrɔ. A ka kuma daminɛ na, a b’a jira ko DPA kartiw man kan ka lafa su in na bɛɛ. Ni jɛmu fɔbaga bɛ Tɔn ka sɛbɛn kalan tuma min na, a bɛ se ka ɲɛfɔli surunw fara o kan walisa k’i sinsin yɔrɔ kolomaw kan. Nka o ɲɛfɔliw man kan ka kɛ misali wɛrɛw ye walima fɛnw ye minnu bɛ bɔ Bibulu kɔnɔ, ka olu kɛ iko sɛbɛn kɔnɔ kuma dafalan. A bɛ se ka Bibulu ta ka tɛmɛsira kofɔlenw kalan walima a bɛ se ka olu fɔ a da la ten, ni waati b’a to o ka se ka kɛ. Yɔrɔ dɔw bɛ yen ni a nana se o ma, a ka lamɛnbagaw bila u ka yɔrɔ lajɛ min tɔgɔ ye ko: “Fɛɛrɛ kura tigɛlen walisa k’an dɛmɛ an k’an yɛrɛ tanga joli ma.” Sɛbɛnnikɛla ka kan ka DPA karti di weleweledala batiselenw bɛɛ ma. A ka kan fana ka sɛbɛn di u ma, min b’a jira karti bɛ lafa cogo min na, ni o bɛ wele ko “Intructions pour remplir la carte DPA.” O cogo la, a lamɛnbagaw bɛ se ka o sɛbɛn lajɛ ni jɛmu bɛ kɛ o yɔrɔ kan. Sɛbɛnnikɛla ka kan k’a sɛgɛsɛgɛ fana ko Carte d’identité caman bɛ jɛkulu bolo.

Dɔnkili 41 ani kuncɛli delili.

[Duguma sɛbɛn]