Sɔn-ni-sɔn gafeninw jiracogo

La Tour de Garde 15 oct.

“Mɔgɔ caman bɛ kalan filɛ fɛn ye min b’a to mɔgɔ bɛ ɲɛtaa sɔrɔ a ka diɲɛnatigɛ kɔnɔ. E fɛ, yala kalan sugu dɔ bɛ yen min bɛ se ka mɔgɔ dɛmɛ a k’a jogo ɲɛ, ani k’a dɛmɛ a ka se ka kunkow ɲɛnabɔ a ka diɲɛnatigɛ kɔnɔ wa ? [Jaabi makɔnɔ. O kɔ fɛ Romɛkaw 12:2 kalan. A ɲɛfɔ a ye ko, walisa mɔgɔ hakili ka se ka kuraya kalan sababu fɛ, fo a ka a hakili fa ni kalansiraw ni sariyakolow ye minnu bɛ Ala ka Kuma kɔnɔ.] O cogo la, a hakili bɛ sira kura ta. Nin gafenin b’a jira an na ko o kalan min ka fisa ni kalan bɛɛ ye, o bɛ se ka sɔrɔ bi. A b’a fɔ fana an bɛ se ka nafa sɔrɔ o la cogo min na .”

Réveillez-vous ! 22 oct.

“Ka kunnafonisɛbɛn kalan don o don, o ka di mɔgɔ caman ye. E fɛ, yala an bɛ se ka da kunnafoniw na minnu bɛ sɔrɔ o sɛbɛnw kɔnɔ wa ? [Jaabi makɔnɔ.] An bɛ se ka nafa sɔrɔ cogo min na kunnafonisɛbɛn kɔnɔ, nin Réveillez-vous ! bɛ hakililaw di o kan. A b’a jira fana, mun na an ka kan ka a ko kɛ ni hakili ye.” Ntalenw 14:15 kalan, i ka tila k’a jira ko n’i bɛ kalan kɛ, i ka kan ka jateminɛ kɛ kosɛbɛ walisa k’a lajɛ n’a sɔrɔ fɛn min sɛbɛnna, o bɔlen bɛ tiɲɛ fɛ.

La Tour de Garde 1er nov.

“Tilenbaliyako minnu bɛ diɲɛ kɔnɔ, o bɛ mɔgɔ caman dusu tiɲɛ. E fɛ, yala mɔgɔ bɛ yen min bɛ se tiɲɛ na ka diɲɛ yɛlɛma wa ? [Jaabi makɔnɔ.] Nin sɛbɛn bɛ kuma kow kan minnu b’a to yɛlɛma tɛ se ka kɛ. A b’a jira fana jɔni bɛna se ka o kow bɔ yen, ka diɲɛ dɔ sigi, hɛrɛ ni lafiya lakika bɛ min kɔnɔ.” Zaburu 72 :​12-14 kalan, ka nin yɔrɔ fɔ k’a jɛya: “K’a masɔrɔ a na mɔgɔ tɔɔrɔlen kasibaatɔ tila, ani dɛmɛbaga tɛ faantan minnu na.”

Réveillez-vous ! 8 nov.

“Diɲɛ yɔrɔ bɛɛ la, danfaraba bɛ faamaw ni faantanw cɛ. E fɛ, yala fɛn dɔ bɛ se ka kɛ walisa ka o danfaraba bɔ u ni ɲɔgɔn cɛ wa? [Jaabi makɔnɔ. O kɔ fɛ Matiyu 6:​9, 10 kalan. I sinsin a kan ko Ala sago bɛna kɛ ‘dugukolo kan.’] O danfaraba minnu bɛ hadamadenw ni ɲɔgɔn cɛ bi, Ala ka Masaya bɛna olu bɔ yen pewu. Nin gafenin b’a jira kun minnu na an bɛ se ka da o la.”