Sɔn-ni-sɔn gafeninw jiracogo

La Tour de Garde 15 sept.

“I mana taa diɲɛ fan o fan i b’a sɔrɔ mɔgɔw ye Yesu komɛn. Dɔw hakili la, mɔgɔba dɔrɔn don. Mɔgɔ wɛrɛw bɛ a filɛ kiraba de ye. Dɔw bɛ a bato k’a kɛ Sebaayabɛɛtigi Ala ye. E ka miiri la jɔni de tun ye Yesu ye? [Jaabi makɔnɔ.] Nin gafenin b’a ɲɛfɔ Yesu ye min ye tigitigi, a bɔra yɔrɔ min na, ani a bɛ yɔrɔ min na sisan.” Yuh. 17:3 kalan i ka a jira nafa min b’a la ka dɔnniya ɲuman sɔrɔ Yesu kan.

Réveillez-vous ! 22 sept.

“An bɛ kuma ni mɔgɔ fanba min ye, siyɔrɔ ɲuman sɔngɔ tɛ olu caman bolo. Yala e miiri la ko don dɔ la bɛɛ bɛna so ɲuman sɔrɔ wa? [Jaabi makɔnɔ.] Jateminɛ minnu kɛra bi siyɔrɔ sɔrɔli gɛlɛyaw kan, Réveillez-vous ! bɛ kuma o kan. A b’a jira fana ko an bɛ se ka da a la, ko Ala ye nin layidu min ta, ko o bɛna tiimɛ.” Esayi 65:​21, 22 kalan.

La Tour de Garde 1er oct.

Ɲininkali min bɛ gafenin ɲɛ fɔlɔ la, o kalan. O kɔ i ka nin ɲininkali kɛ: “Yala e b’a dɔn taamasiyɛn min kofɔlen bɛ yan wa? [jaabi makɔnɔ. O kɔ Matiyu 24:3 kalan i ka i sinsin ‘diɲɛ laban taamasyɛn’ kan.] Taamasiyɛn kelen don, nka yɔrɔ caman de bɛ a la. O yɔrɔ bɛɛ de faralen ɲɔgɔn kan, o bɛ kɛ don labanw faranfasiya-taamasiyɛn ye. Nin La Tour de Garde bɛ kuma taamasiyɛn kofɔlen in kolomayɔrɔ duuru kan ani a b’a ɲɛfɔ mun na an ka kan ka a lasaa.” Tiiri kɛlen bɛ ka yɔrɔ min lamini o kɔnɔna sɛbɛnniw lajɛ ɲɛ 6 nan na.

Réveillez-vous ! 8 oct.

“Mɔgɔw sɔnna a ma kabini tuma jan ko musow b’u labɛn walisa ka u yecogo ɲɛ. Nka, mɔgɔ dɔw tɛ muso ka labɛnw ye ko ɲuman ye. Yala muso ka kan ka a ka cɛɲɛ dogo wa, walima a bɛ se ka a labɛn walisa a yecogo ka ɲɛ ? [Jaabi makɔnɔ. O kɔ fɛ, Romɛkaw 14:13 kalan, i ka tila k’a jira mun na a nafa ka bon an kana kɛ sababu ye ka mɔgɔ wɛrɛ bin, walima ka mɔgɔ wɛrɛ tɔɲɔ an ka labɛnw fɛ, n’a sɔrɔ o labɛn sugu tɛ ko bɛnnen ye an ka sigida la.] Barokun min bɛ nin Réveillez-vous ! ɲɛ 26nan na, o b’a ɲɛfɔ muso bɛ se ka min kɛ walisa mɔgɔw ka a bonya, ani a bɛ se ka min kɛ fana walisa ka a Dabaga bonya.”