An ka Veillez ! gafenin kalan

Dugukolo yɔrɔ bɛɛ la, jɛkuluw bɛna Veillez ! gafenin kalan jɛkulu ka gafe kalan na. O bɛna daminɛ san 2005 Mɛkalo tile 23 nan dɔgɔkun na, ka na ban san 2005 Zuwɛnkalo tile 20 nan dɔgɔkun na. An b’a ɲini aw fɛ, aw ka baara kɛ ni nin ɲininkaliw ye ni aw bɛ aw ka kalan labɛn tuma min na, ani ni aw bɛna lajɛ ɲɛminɛ tuma min na. Kalan ɲɛminɛtuma na, aw ka yɔrɔ kɛta kalan. Ni waati b’a to aw ka se k’a kɛ, aw ka Bibulu tɛmɛsira kofɔlenw fana kalan.

Mɛkalo tile 23nan dɔgɔkun

◼ Ɲɛw 3-4: Ko minnu jirala yan yɔrɔ la, olu jumɛn de ye nɔ bila kɛrɛnkɛrɛnnenya la i ka ɲɛnamaya la? Mun b’a jira i la ko nin kow tɛ ko cuncunnenw ye minnu bɛ kɛ yɔrɔ dɔw de la dɔrɔn?

◼ Ɲɛ 5: Mun b’a to i bɛ da a la ko an hami bɛ Ala la? Mun b’a jira, ani ka se hakɛ jumɛn ma, ko an yɛrɛ bɛ hami ni Ala ye, ani a bɛ min kɛ, ko an bɛ hami ni o fana ye?

◼ Ɲɛw 6-8: Matiyu 24:​1-8, 14 ka fɔ la, fɛn minnu bɛ ka kɛ bi diɲɛ kɔnɔ, olu kɔrɔ ye mun ye? Iko 2 Timote 3:​1-5 b’a jira cogo min na, an bɛ ka ɲɛnamaya kɛ waati jumɛn de la sisan? O ye fɛn jumɛn laban donw ye? Mun b’a to i bɛ da a la tiɲɛ na ko Bibulu ye Ala ka Kuma de ye? An bɛ Masaya min weleweleda, o ye mun ye?

◼ Ɲɛw 9-​10: An b’a sugandi ka fɛn minnu kɛ don o don, ani an bɛ fɛn minnu bila jɔyɔrɔ fɔlɔ la an ka ɲɛnamaya kɔnɔ, mun na an ka kan ka olu jateminɛ kosɛbɛ ni ɲɛmajɔ ye? (Rom. 2:6; Gal. 6:7) Ni aw bɛ ɲininkaliw mafilɛ minnu bɛ ɲɛ 10 na, Bibulu tɛmɛsira jumɛnw bɛ na aw hakili la, ni o tɛmɛsiraw ka kan ka nɔ bila aw ka ko kɛta la?

Mɛkalo tile 30nan dɔgɔkun

◼ Ɲɛ 11: Mun na an kelen-kelen bɛɛ ka kan ka jateminɛ kɛ ɲininkaliw kan minnu kɛlen bɛ nin ɲɛ 11 la? (1 Kɔr. 10:12; Efɛ. 6:10-18) Yala an ka jaabiw b’a jira ko Yesu ka laadilikan min bɛ Matiyu 24:44 la, ko an bɛ o ta ni sɛbɛ ye wa?

◼ Ɲɛw 12-​14: “Kiritigɛ waati” min kofɔlen bɛ Jirali 14:​6, 7 la, o ye mun ye? Ka “siran Ala ɲɛ, ka nɔrɔ da a kan,” o kɔrɔ ye mun ye? “Babilonɛba” ye mun ye, ani mun bɛna a sɔrɔ? An ka kan ka mun kɛ kabini sisan Babilonɛba ta fan fɛ la la? Kiritigɛ waati min kofɔra nin ye, mun fana sen bɛ o la? Ikomi an tɛ Ala ka kiri kofɔlen ‘don ni a waati dɔn,’ o ka kan ka an bila ka mun kɛ? (Mat. 25:13)

◼ Ɲɛ 15: Masabaya koɲɛ ye mun de ye, ani o bɛ an kelen-kelen bɛɛ bila ka mun kɛ?

◼ Ɲɛw 16-​19: “Sankolo kuraw ni dugukolo kura” ye mun ye? (2 Pi. 3:13) Jɔni de ye o fɛnw layidu ta? Sankolo kuraw ni dugukolo kura bɛna na ni yɛlɛma jumɛnw ye? Yala an kelen-kelen bɛna nafa sɔrɔ o la wa?

Zuwɛnkalo tile 6nan dɔgɔkun

◼ Ɲɛw 20-1: Yesu tun ye lasɔmikan jumɛn fɔ a ka kalandenw ye, an tile san kɛmɛ fɔlɔ la, ka ɲɛsin bolili dɔ ma? (Luka 21:20, 21) O bolili tun bɛ se ka kɛ tuma jumɛn na? Mun na u tun ka kan ka boli ka taa o yɔrɔnin bɛɛ la? (Mat. 24:16-18, 21) Mun na mɔgɔ caman tɛ lasɔmikanw lamɛn? Sinuwa jamana ani Filipini jamana mɔgɔ ba caman ye hɛrɛko jumɛn sɔrɔ, u kɛlen ka tugu lasɔmikan jɔnjɔnw kɔ? Mun na a nafa ka bon kosɛbɛ ka tugu Bibulu ka lasɔmikan kɔ janko ni o ɲɛsinnen bɛ diɲɛ laban ko ma? Ka ɲɛsin o ko ma, bila ka sumaya tɛ ko min na, ci jumɛn dira an ma? (Nt. 24:11, 12)

◼ Ɲɛw 22-3: San 1974, Ɔstirali jamana na ani san 1985, Kolɔnbi jamana na, lasɔmikan min dira kasaaraba dɔ natɔ ko kan, mun na mɔgɔ caman ma o jate ani mun bɔra o la? Aw yɛrɛw fɛ, aw tun bɛna mun kɛ ni o lasɔmikan tun fɔra aw ye, ani mun na aw tun bɛna a kɛ o cogo la? Mun b’a jira ni an tun bɛna lasɔmikan mɛn Nuhun tile la? Mun na mɔgɔw tun b’a fɛ ka sigi Sodɔmɛ dugu kɔnɔ walima a dafɛla la? Fɛn min ye Sodɔmɛ sɔrɔ, ni an bɛ miiri kosɛbɛ o la, o bɛ se k’an nafa cogo di?

Zuwɛnkalo tile 13nan dɔgɔkun

◼ Ɲɛw 24-7: Baara kɛ ni ɲɛ 27nan ɲininkaliw ye.

Zuwɛnkalo tile 20nan dɔgɔkun

◼ Ɲɛw 28-​31: Baara kɛ ni ɲɛ 31nan ɲininkaliw ye.

An ka gafenin sɛgɛsɛgɛli bɛna an dɛmɛ “an ka to an ɲɛ na,” ani an labɛnnen ka to fana. An ka cidenyabaara jama na, o k’a jira tuma bɛɛ ko mɛlɛkɛ ka weleweledali tɛ se ka bila ka sumaya, n’o weleweledali ye ko: “A’ ye siran Ala ɲɛ ka nɔrɔ da a kan, katuguni a ka kiritigɛ waati sera.”​—Mat. 24:42, 44; Jir. 14:7.