Ja minnu bɛ DVD kan

DVD disiki min tɔgɔ ye ko Des alternatives à la transfusion -- Documentaires, filimu saba de bɛ o kɔnɔ. Filimu min tɔgɔ ye ko Stratégies alternatives à la transfusion : simples, sûres, efficaces, o dabɔra Dɔkɔtɔrɔw de kama ani mɔgɔ minnu bɛ dɔkɔtɔrɔya kalan kɛ. O de kosɔn dɔgɔtɔrɔya kow ja caman de bɛ o filimu kɔnɔ ka tɛmɛ filimu fila tɔw kan. Filimu min tɔgɔ ye ko Soigner sans transfusion : besoins et droits du patient, o dabɔra zurunalisiw kama minnu bɛ kuma dɔkɔtɔrɔya koɲɛw kan, ani mɔgɔ minnu ka baara ɲɛsinnen bɛ kɛnɛya ma, ani kiritigɛlaw kama. Furakɛlicogo min ka ɲi banabagatɔ ma, o bɛ se ka kɛ cogo min na k’a sɔrɔ dɔkɔtɔrɔ ma don banabagatɔ gasi la, o ɲɛfɔra a kɔnɔ. Filimu min tɔgɔ ye ko Pas de sang : la médecine relève le défi, o dilanna ka kɛ foroba filimu ye. DVD filimuw dilanna Angilɛkan na. Nka kan wɛrɛw donna DVD kɔnɔ, filimu bɛ ɲɛfɔ kan minnu na. Olu ye: Tubabukan, Alimankan, Italiyɛnkan, Zaponɛkan, Pɔrɔtugɛkan (min bɛ fɔ Berezili jamana na), Irisikan, ani Ɛsipaɲɔlikan. An b’a ɲini aw fɛ, aw ka filimu ninnu jira, walima aw k’u di aw ka dɔkɔtɔrɔ ma, walima aw ka kalanden ma, walima aw furuɲɔgɔn ma min tɛ Jehowa seere ye, walima aw ka sokɔnɔmɔgɔw ma, walima aw ka karamɔgɔw ma, walima aw kalankɛɲɔgɔnw ma.