Baara ka Lajɛ Bolodasira

Kɔlɔsili: Jamalajɛ bɛ kɛ kalo minnu na, baara ka lajɛ dɔ bɛna boloda An ka Masaya Cidenyabaara kɔnɔ dɔgɔkun o dɔgɔkun o kalow kɔnɔ. Jɛkuluw bɛ se ka yɛlɛma don u ka waati bolodacogow la walisa mɔgɔw ka se ka na kafo ka jamalajɛba la min tɔgɔ ye ko “Aw ye taama ni Ala ye.” Baara ka lajɛ laban min bɛ kɛ sanni jamalajɛba don ka se, miniti 15 bɛ ta o Baara ka lajɛ waati la, ni a bɛnnen bɛ, ka segin laadilikan jɔnjɔn kan Sɛtanburukalo An ka Masaya Cidenyabaara cɛmancɛ sɛbɛnfura kɔnɔ, ka kɛnyɛ ni sigida magow ye. San 2005 Feburuyekalo kɔnɔna na, baara ka lajɛ mumɛ kelen bɛna ta walisa ka segin jamalajɛ kolomayɔrɔw kan. An bɛɛ bɛ se ka an labɛn o kama ni an bɛ lajɛ kolomayɔrɔw sɛbɛn lajɛkɛwaatiw la, ani an b’a fɛ ka baara kɛ ni yɔrɔ kɛrɛnkɛrɛnnen minnu ye an ka ɲɛnamaya kɔnɔ walima an ka cidenyabaara kɔnɔ an ka olu fana sɛbɛn. O la sa, an ye o hakililaw sirataama cogo min na, an bɛ se k’o fana ɲɛfɔ. O bɛ kɛ dusu-don-n-kɔnɔ ye tɔw ma.

Desanburukalo tile 13 dɔgɔkun

Dɔnkili 47

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Waajuli fɛɛrɛ minnu tigɛra Desanburukalo tile 25 ani Zanwuyekalo tile 1 kama olu ɲɛfɔ. Hakilila minnu bɛ sɛbɛn ɲɛ 6nan na, olu ta i ka ɲɛjirali kɛ Nowanburukalo tile 22 Réveillez-vous ! ani Desanburukalo tile 1 La Tour de Garde jiracogow kan. Ɲɛjirali wɛrɛw minnu bɛnnen bɛ olu bɛ se ka kɛ. Ɲɛjiraliw kelen-kelen bɛɛ la, fɛɛrɛ jira min bɛ nin barotiɲɛkuma lajɔ: “Ne b’aw ka baara dɔn kaban.”​—Comment Raisonner gafe ɲɛ 20nan lajɛ.

Sanga 20: “An mago bɛ aw ka dɛmɛ na.”a Ɲininkali surun kɛ diinɛ maakɔrɔ dɔ la. A bila k’a ɲɛfɔ mun ye dusu don a kɔnɔ walisa a k’a ɲini ka kɛ jɛkulu kɔlɔsibaga ye ani mun y’a dɛmɛ walisa min ɲininen bɛ jɛkulu kɔlɔsibagaya baara la, a ka se ka o matarafa.

Sanga 15: Le rôle de votre conscience (Jɔyɔrɔ min bɛ aw ka kɔnɔna miiri la). Jɛmu ani baro bɛ kɛ ni lamɛnbagaw ye. O jɛmu ni baro sinsinnen bɛ san 2004 Zuwɛnkalo tile 15 La Tour de Garde ɲɛw 23-4, dakunw 16-​19. A fɔ ka jɛya ko, an bɛ ko o ko latigɛ ni an ka kɔnɔna miiri ye, o tɛ ko dennin ye, k’a masɔrɔ anw ni Ala cɛsira dulonnen bɛ o ko suguw la.

Dɔnkili 8 ani kuncɛli delili.

Desanburukalo tile 20 dɔgɔkun

Dɔnkili 68

Sanga 5: Ladɔnniyaliw ka ɲɛsin sigida ma. Dusu don bɛɛ kɔnɔ u ka wideyo lajɛ Pas de sang : la médecine relève le défi walisa u ka se k’u labɛn a baro kama dɔgɔkun nata.

Sanga 20: “Ala-ka-marako Cidenyabaara Kalanso bɛ an nafa cogo min na.” Lakɔli kɔlɔsibaga bɛ o jɛmu kɛ. Ɲɛfɔli minnu bɛ san 2004 Ɔkutɔburukalo An ka Masaya Cidenyabaara kɔnɔ olu sen don a la. Kɔn ka a ɲini mɔgɔ kelen walima mɔgɔ fila fɛ u k’a ɲɛfɔ u bɛ nafa min sɔrɔ lakɔli la.

Sanga 20: Comment affronter un problème médical avec confiance (An ka jɔ furakɛli gɛlɛyaw kɔrɔ ni dannaya ye). Jɛmu bɛ kɛ diinɛ maakɔrɔ fɛ min bɛ a ɲɛdɔn. A bɛ baro kɛ fɛɛrɛw kan minnu dira walisa ka mɔgɔw dɛmɛ ni u bɛ ka dɔkɔtɔrɔfurakɛli koɲɛw latigɛ, i na a fɔ kuma minnu fɔra “ Instructions médicales/Attestation prévisionnelle ” karati koɲɛ kan ani kuma min fɔra san 2000 Zuwɛnkalo tile 15 ni Ɔkutɔburukalo tile 15 La Tour de Garde dakunw kɔnɔ, minnu tɔgɔ ye ko “Questions des lecteurs”. Segin yɔrɔ kolomaw kan minnu bɛ san 2003 Desanburukalo An ka Masaya Cidenyabaara dakun kɔnɔ min tɔgɔ ye ko “Fɛɛrɛ tigɛlenw walisa k’an dɛmɛ an k’an yɛrɛ tanga joli ma.” Jɛkulu sɛbɛnnikɛla bɛ i janto walisa “ Instructions médicales/Attestation prévisionnelle ” karatiw ani Cartes d’identité minnu bɛ a bolokɔrɔ, olu ka labɔli kɛ.

Dɔnkili 50 ani kuncɛli delili.

Desanburukalo tile 27 dɔgɔkun

Dɔnkili 36

Sanga 15: Ladɔnniyaliw ka ɲɛsin sigida ma. Jatew dantigɛli. Weleweledalaw hakili jigin u k’u ka Desanburukalo waajulibaara dantigɛli sɛbɛn di. Hakilila minnu bɛ sɛbɛn ɲɛ 6nan na, olu ta i ka ɲɛjirali kɛ Desanburukalo tile 8 Réveillez-vous ! ani Desanburukalo tile 15 La Tour de Garde jiracogow kan.

Sanga 30: “An ka nafa bɔ Pas de sang : la médecine relève le défi wideyo la.” Baro bɛ kɛ ni lamɛnbagaw ye Pas de sang jaw kan. Baara bɛ kɛ ni ɲininkali dilenw ye ɲɛ 5nan na. O kɔ, i ka dakun laban kalan.

Dɔnkili 79 ani kuncɛli delili.

Zanwuyekalo tile 3nan dɔgɔkun

Dɔnkili 27

Sanga 5: Ladɔnniyaliw ka ɲɛsin sigida ma. Sɛbɛn minnu bɛna jira Zanwuyekalo kɔnɔ olu fɔ.

Sanga 20: “Ka Bibulu-kalanw ɲɛminɛ minnu bɛ taa ɲɛ​—Tila 4nan.” Baro daminɛ ni kuma ye min sinsinnen bɛ dakun fɔlɔ kan. A kana tɛmɛ miniti kelen kan, o kɔ miniti duuru ta i ka ɲɛjirali kɛ min sinsinnen bɛ dakun 2-3nanw kan. O ɲɛjirali bɛ Bibulu-kalan ɲɛminɛbaga dɔ kan min bɛ ka a jira kalanden na, a bɛ se ka a yɛrɛ labɛn kalan kama cogo min na. Kalan bɛ kɛ ni dakun ye min bɔra Dɔnniya gafe kɔnɔ walima Waajibiya gafenin kɔnɔ. Ɲɛjirali kɔfɛ i bɛ tɛmɛ ni ɲininkali-ni-jaabiw baro ye dakun 2-5nan kan i ka to ka ɲɛjirali kolomayɔrɔw fɔ ka bɔ.

Sanga 20: “Ka seereya kɛ an somɔgɔw ye​—An bɛ o kɛ cogo di?”b Baara kɛ ni ɲininkali dilenw ye. A ɲini i lamɛnbagaw fɛ u ka ɲɛfɔli surunw kɛ, u sera cogo min na ka kibaru duman kodiya u ka sokɔnɔmɔgɔw ye ka seereya kɛ u ye.

Dɔnkili 17 ani kuncɛli delili.

[Footnotes]