Nafa sɔrɔ La Tour de Garde ani Réveillez-vous! la ka taga a fɛ

Fɛɛrɛ min tun tigɛra walasa mɔgɔ ka se ka La Tour de Garde ni Réveillez-vous! sɔrɔ pɔsti fɛ, o bɔra a ma. O la sa, an ka kan ka an cɛsiri cogo bɛɛ la walasa an bɛ mɔgɔ minnu waju, ani an yɛrɛw ka se ka o gafeninw limero kelen-kelen bɛɛ sɔrɔ, a limero si kana pan an kunna.

An tɔgɔla gafeninw: Ikomi i ka bakurubasanni bantɔ don, i ka dɔ fara i ka sɛbɛn ɲinita hakɛ kan sɔn-ni-sɔn gafeninw tayɔrɔ la. Bangebagaw ka kan ka gafenin hakɛ ɲini walasa dukɔnɔmɔgɔ kelen-kelen bɛɛ ka a tɔgɔlata sɔrɔ. Walasa i kana fili k’i ta to dɔ bolo wajuli senfɛ, i k’i tɔgɔ sɛbɛn a kan. Ni sɔn-ni-sɔn gafenin nana, balimakɛ minnu bɛ o ko ɲɛnabɔli la, u bɛna o gafeninw to teliya la balimaw ka bila la Masaya so kɔnɔ.

Sɔn-ni-sɔn gafeninw tilatilali sira: Weleweledalaw ka kan k’u cɛsiri walasa ka mɔgɔw sɔrɔ minnu b’a fɛ ka sɔn-ni-sɔn gafenin limero kelen-kelen bɛɛ sɔrɔ tuma bɛɛ. Ka taa o gafeninw di u ma, o b’a to balimaw bɛ se ka dɔ fara o mɔgɔw ka nafa kan, u bɛ nafa min don o gafeninw na, ani ka Bibulu kalan daminɛ.​—⁠San 1998 An ka Masaya Cidenyabaara ɲɛ 12 nan mafilɛ.

Ko kɛrɛnkɛrɛnnenw: Ni mɔgɔ dɔ y’a jira ko o gafeninw ka di a ye tiɲɛ na, nka, a sigilen bɛ wajulikɛyɔrɔ la min ma di jɛkulu dɔ ma, o tigi bɛ se ka bakurubasanni kɛ. Ni mɔgɔ dɔ fana sigilen bɛ jɛkulu wajulikɛyɔrɔ la, wa, a b’a fɛ tiɲɛ na k’o gafeninw sɔrɔ, nka mɔgɔ tɛ se cogoya si la ka taa sɔn-ni-sɔn gafenin di a ma, a bɛnnen don weleweledala k’o kuma fɔ jɛkulu ka baara kulu ye. Ni balimakɛw sɔnna, bakurubasanni bɛ se ka ɲini o tigi ye, cogo kɔrɔlen fɛ (M-1 et M-101).

An ka da a la ko Jehowa bɛna t’a fɛ ka barika don an ka baara la walasa an ka Masaya weleweleda La Tour de Garde ni Réveillez-vous! sababu fɛ.