Baara ka Lajɛ Bolodasira

Zuwɛnkalo tile 14nan dɔgɔkun

Dɔnkili 168

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ sɛbɛn ɲɛ 4nan na, olu ta i ka ɲɛjirali kɛ Mɛkalo tile 22 Réveillez-vous ! ani Zuwɛnkalo tile 1 La Tour de Garde jiracogow kan. Ɲɛjirali kelen kɔnɔ, weleweledala bɛ seereya kɛ jakokɛyɔrɔ la. Ni ɲɛjiracogo wɛrɛ bɛ yen min bɛnnen bɛ aw ka sigida ma, o bɛ se ka ta.

Sanga 20: “Minnu dalen bɛ Jehowa la, a bɛ olu dɛmɛ.”a Ni aw sera dakun 4nan ma, i ka ɲɛfɔliw sen don baro la, minnu bɛ Utikalo san 2000 An ka Masaya Cidenyabaara kɔnɔ, a ɲɛ 7nan, dakun 8-9, ani ɲɛfɔli minnu bɛ École du ministère gafe kɔnɔ, a ɲɛ 67nan, dakun 2nan.

Sanga 15: Pourquoi faut-il rejeter l’usage de drogues ? (Mun na an ka kan ka an yɛrɛ tanga dɔrɔgu ma?) Baro ni lamɛnbagaw ye. A sinsinnen bɛ Comment raisonner gafe kan a ɲɛw 112-15 kan. Ka dɔrɔgu ta “ka kɛ yɛrɛ ɲɛnajɛlan ye,” o kɛra delinako ye bi. Mɔgɔ caman b’u sinsin a kan ko o dɔrɔgu tacogo tɛ kojugu ye; dɔw yɛrɛ bɛ a fɔ kɛnɛ kan ko jamana ɲɛmɔgɔw ka kan k’a kɛ fɛn dagalen ye. A ɲɛfɔ cogo jumɛn na an bɛ se ka hakilijakabɔ kɛ ni o mɔgɔ suguw ye. Nowanburukalo tile 8, san 1999 Réveillez-vous ! ɲɛ 10nan kɔnɔ, ci kɛlen bɛ ka ɲɛfɔli minnu lamini olu sen don a la.

Dɔnkili 179 ani kuncɛli delili.

Zuwɛnkalo tile 21nan dɔgɔkun

Dɔnkili 29

Sanga 10: Ladɔnniyaliw ka ɲɛsin sigida ma. Ɲɛfɔli surun kɛ kow kan, minnu bɛ deli ka boloda lafiyɛnbɔkalow waati la: ka tutigɛbaga farankanya kɛ, ka i yɛrɛ ka so lamini ladon ka ɲɛ, ani laala ka i yɛrɛ lafiyɛnbɔ cogoya dɔ la. Ni waajulikɛyɔrɔ bɛ jɛkulu bolo, min bɛ mɛn ka sɔrɔ a ma baara, fɛɛrɛw fɔ, minnu tigɛra walisa ka o yɔrɔ baara fo ka se a dan na. Aw ka kan ka kow sɛbɛkɔrɔ boloda ni timinandiya ye walisa denbaya ka kalan, jɛkulu ka lajɛw nali, ani waajulibaara kɛli kana kɛ bolo-kɔfɛ-ko ye ni a sɔrɔla ko aw ka dugutaa walima aw bɛ ko minnu kɛ lafiyɛnbɔ waati la, olu bɛ yɛlɛma don aw delinakow la. (Nta. 21:5) Bɛɛ hakili jigin u ka u ka forobaara dantigɛli sɛbɛn bila ka na, a kɛra u bɛ to so walima u yɔrɔ mana janya cogo o cogo.

Sanga 15: “Mɛlɛkɛw bɛ ka an dɛmɛ.”b A ɲini lamɛnbagaw fɛ u ka ɲɛfɔli kɛ Bibulu tɛmɛsira dilenw kan ni o waati b’aw bolo.

Sanga 20: Hakilitigiya min bɛ na ka bɔ sankolo la, o b’a ɲini ka bɛn sigi. (Yak. 3:​17) Jɛmu ani baro bɛ kɛ ni lamɛnbagaw ye. A sinsinnen bɛ gafe École du ministère kan a ɲɛw 251-2. Ka kɛ hakilima ye, kɔrɔ jumɛn bɛ o la? Mun na o nafa ka bon an ka cidenyabaara kɔnɔ? An bɛ se ka kalan jumɛn sɔrɔ ka bɔ ciden Paul ka misali la? Cogoya jumɛn na weleweledalaw bɛ se ka u ka sigida la mɔgɔw bɔyɔrɔ don u ka jate kɔnɔ? An bɛ se k’an ka kalandenw dɛmɛ cogo di u ka kɛ maa hakilimaw ye? A ɲini mɔgɔ kelen walima mɔgɔ fila fɛ u ka kow fɔ minnu b’a jira ko ka kow ta ni hakilimaya ye o nafa ka bon.

Dɔnkili 53 ani kuncɛli delili.

Zuwɛnkalo tile 28nan dɔgɔkun

Dɔnkili 139

Sanga 12: Ladɔnniyaliw ka ɲɛsin sigida ma. Jɛkulu ka jatebɔ. Weleweledalaw hakili jigin u ka u ka Zuwɛnkalo forobaara dantigɛli sɛbɛnw di. Hakilila minnu bɛ sɛbɛn ɲɛ 4nan na, olu ta i ka ɲɛjirali kɛ Zuwɛnkalo tile 8 Réveillez-vous ! ani Zuwɛnkalo tile 15 La Tour de Garde jiracogow kan. Ɲɛjiracogo kelen-kelen na, weleweledala to a ka teriya kuma surun fɔ ɲɛjirali daminɛ na. A jira ko o kɛli bɛ se ka so kɔnɔmɔgɔw hakili sigi.

Sanga 15: Sigida magow.

Sanga 18: “Jɛkulu ka gafe kalan​—Mun na an mago bɛ o la.”c Baara kɛ ni ɲininkali dilenw ye. Dakun min bɛ Nowanburukalo san 2002 An ka Masaya Cidenyabaara ɲɛ fɔlɔ kɔnɔ ni a tɔgɔ ye ko “Jɛkulu ka gafe kalan lakɔlɔsibaga dɛmɛ” o ɲɛfɔliw sen don baro la.

Dɔnkili 20 ani kuncɛli delili.

Zuluyekalo tile 5nan dɔgɔkun

Dɔnkili 3

Sanga 10:  Ladɔnniyaliw ka ɲɛsin sigida ma.

Sanga 15: Aw na mun fɔ u ye? Jɛmu ani baro ni lamɛnbagaw ye. An bɛna gafeninw de jira Zuluyekalo ani Utikalo la. Weleweledalaw bolo, gafenin jumɛnw bɛ nɔ bɔ aw ka sigida waajulikɛyɔrɔ la? Segin Zuluyekalo san 1998 An ka Masaya Cidenyabaara ɲɛ 8nan jiracogow kan, walima segin An ka Masaya Cidenyabaara tɛmɛnen dɔw jiracogow ta. I sinsin a kan ko jiracogo kelen-kelen bɛɛ la u bɛ (1) ɲininkali kelen sɔrɔ a kɔnɔ, (2) Bibulu tɛmɛsira kelen, ani (3) barokun kelen ka bɔ sɛbɛn kɔnɔ. Jiracogo kelen walima fila labɛn i ka olu kɛ bɛɛ ka a ye. Dusu don bɛɛ kɔnɔ u ka baara kɛ ni Bibulu ye u kɛtɔ ka kibaru duman kofɔ mɔgɔw ye.

Sanga 20: Ce dont nos enfants ont besoin. (Denmisɛnw mago jumɛn bɛ yen ni bangebagaw ka kan ka o ɲɛnabɔ?) Jɛmu ani baro ni lamɛnbagaw ye. A sinsinnen bɛ Écoute le grand Enseignant gafe ɲɛw 6-7 kan. Deminsɛnw ka ɲɛnamaya nɔrɔlen bɛ u ka Bibulu sariyakolow kalanni na, bato sɛbɛ sinsinnen bɛ o minnu kan ani u k’a faamuya ko u bangebagaw jɔyɔrɔba bɛ u ka degeli la. Baro kɛ hakilila kan minnu dira kalan kɛcogo kan ni gafe. A ɲini bangebagaw fɛ u ka a ɲɛfɔ u ye baara kɛ ni o dɛmɛ ye cogoya min na walisa ka kalan kɛ ni u denw ye. A ɲini denmisɛn kelen walima fila fɛ u ka a fɔ mun na gafe in diyara u ye.

Dɔnkili 65 ani kuncɛli delili

[Footnotes]