Aw ka nafa bɔ Approchez-vous de Jéhovah gafe kalanni na
1 Kafoba ka jamalajɛ senfɛ min tɔgɔ tun ye ko “Masaya ka weleweledala Cɛsirilenw,” an bɛɛ nisɔndiyara kɔsɛbɛ ka Approchez-vous de Jéhovah gafe sɔrɔ. Mɔgɔ caman teliyara a fɛ ka a gafe kalan. Mɔgɔ caman wɛrɛw ye dusu sɔrɔ ka a kalan san 2003 Le texte de l’année sababu la: “A’ ye gɛrɛ Ala la, ale fana na i gɛrɛ aw la.”—Yak. 4:8.
2 Marisikalo la an bɛna Approchez-vous de Jéhovah ye jɛkulu ka gafekalan na. An bɛ se ka nafaba bɔ an ka kalan na cogoya jumɛn na? Ka an labɛn, o y’a jubaju dɔ ye. An bɛna dɔgɔkun fila de kɛ a Tila kelen kelen kalan na, wa dakun minnu bɛ kalan dɔgɔkun o dɔgɔkun, olu man ca. O bɛ waati caman labila an ye ka jaabiw kɛ ni kɔnɔnajɛya ye, olu minnu sinsinnen bɛ aw ka o gafe kalan ani aw ka hakilijakabɔ kan. Ka fara o kan, kalan yɔrɔ laban bɛna kɛ dɔgɔkun minnu kɔnɔ, dakun damadɔ de bɛna lajɛ olu la, walisa waati ka se ka sɔrɔ ka baara kɛ ni gafe yɔrɔ kɛrɛnkɛrɛnnen dɔ ye.
3 K’a daminɛ tila filanan na, tiiri kɛlen bɛ ka yɔrɔ dɔw lamini (ankadere), olu bɛna ye laban na. U kɛlen kɔ ka dakun laban kalan, gafekalan lakɔlɔsibaga bɛ baro kɛ ni a ka kulu ye o kan. A bɛna dusu don a ka kulu mɔgɔ bɛɛ kɔnɔ u ka u hakilinataw fɔ, k’i janto u ka hakilijakabɔ cogo la Bibulu tɛmɛsiraw kan. (Nt. 20:5) Ka fara ɲininkali dilenw kan o tiiri kɔnɔ, a bɛ se ka nin ɲɔgɔnna ɲininkaliw dɔw kɛ i na a fɔ: ‘Nin kunnafoni bɛ mun ɲɛfɔ aw ye Jehowa ko la? A bɛ se ka nɔ jumɛn bila aw ka ɲɛnamaya la? Aw bɛ se ka a kɛ ka tɔw dɛmɛ cogoya jumɛn na?’ A ka kuntilenna bɛ kɛ min ye, o ye ka u bila u ka jaabiw di ni kɔnɔnajɛya ye, a tɛ a ɲini ka u kɔrɔbɔ ni ɲɛfɔliw ye nafa tɛ minnu na.
4 Approchez-vous de Jéhovah gafe ɲɔgɔnna tɛ yen. Hali ni Jɔnkɛ dannamɔgɔ hakilima ka sɛbɛn dilannew bɛɛ bɛ nɔɔrɔ da Jehowa kan, nin gafe dabɔra a kama walisa ka baro kɛ Jehowa ka jogo ɲuman dɔrɔn de kan. (Mat. 24:45-47) E ma a dɔn ko nisɔndiyaba de bɛ an ɲɛ! An bɛna nafa belebeleba sɔrɔ ka bɔ Jehowa yɛrɛbakun kalan dunba in na. Kalan in ka se ka an dɛmɛ ka gɛrɛ kosɛbɛ an sankolola Fa la, ani a ka kɛ sababu ye an ka se ka tɔw dɛmɛ ka o ɲɔgɔn kɛ.