Baara kɛ ni “Adorez le seul vrai Dieu” gafe ye walasa ka Bibulu kalanw ɲɛminɛ

Adorez le seul vrai Dieu gafe dilanna walasa ka mɔgɔ kuraw dɛmɛ u ka taa ɲɛ tiɲɛ sira kan, k’u dɛmɛ walisa waleɲumandɔn minnu b’u la Jehowa ani a ka jɛkuluba ko la, o ka bonya kosɛbɛ. A bɛ se ka kɛ gafe filanan ye min bɛ kalan Bibulu kalandenw fɛ. Zuwɛnkalo san 2000 An ka Masaya Cidenyabaara ɲɛ 4 nan y’a ɲɛfɔ ko: “N’a jɛlen don ko mɔgɔ dɔ bɛ ka ɲɛtaa kɛ, hali n’a ka suma, a bɛ ka min kalan, n’o nafa bɛ ka bonya a bolo, o tuma na Wajibiya gafenin, ani Dɔnniya gafe bannen kɔfɛ, i bɛ se ka taa Bibulu kalan fɛ ni a ye gafe filanan kan. . . A kɛra cogo o cogo, Wajibiya gafenin, ani Dɔnniya gafe de ka kan ka kalan fɔlɔ. Hali ni kalanden ye batɛmu ta sani gafe filanan ka ban, Bibulu kalan, segin-ka-bɔnyew, ani waati min bɛ kɛ walasa kalan ka taa ɲɛ, olu bɛɛ ka kan ka jate, ka sɛbɛn.”

Mɔgɔ jumɛnw fana bɛ se ka nafa sɔrɔ Bibulu kalan na, Adorez le vrai Dieu gafe fɛ. O barokun kelen bɛ taga a fɛ k’a fɔ ko: “N’i bɛ mɔgɔ dɔw dɔn minnu ye Dɔnniya gafe kalan ka tɛmɛ, nka n’u ma taa ɲɛ fo ka se yɛrɛbakundili ni batɛmu ma, i bɛ se k’a bɔ i yɛrɛ la k’a lajɛ n’u b’a fɛ ka Bibulu kalan kokura.” An ka cɛsiri kɛrɛnkɛrɛnnenw kɛ walasa ka kalanw daminɛ Adorez le vrai Dieu gafe kan ni o mɔgɔ suguw ye Marisikalo ni Awirilikalo la.