Fɛn minnu ka kan ka to an hakili la walisa ka Yesu ka saya Hakilijigin don ɲɛsigi

Ɲinan Hakilijigin bɛ bɛn Arabadon ma, Awirilikalo tile 16. Maakɔrɔw ka kan k’u hakili to nin fɛnw na:

◼ Lajɛ waati sigi tuma na, a ka jɛya a la ko taamasiyɛnw tɛna tɛmɛn fo tile binnen kɔfɛ.

◼ Mɔgɔ bɛɛ ka kan ka ladɔnniya lajɛ kɛwaati jɔnjɔn ani a kɛyɔrɔ la, kumana sen b’o la.

◼ Nbuuru ni duwɛn sugu minnu bɛnnen don, olu ka kan ka labɛn ka bila.​—⁠San 1985 Feburuyekalo tile 15 La Tour de Garde ɲɛ 19 lajɛ.

◼ Mɔgɔ minnu sugandira, olu ka kan ka na joona ni asiyɛtiw ye, ani wɛrɛw, ani tabali ni a fini bɛnnen ye, lajɛ kɛyɔrɔ la, walasa k’u bila u yɔrɔ la.

◼ Masaya So, walima lajɛ bɛ kɛ yɔrɔ min na, o yɔrɔw ka kan ka saniya ka ɲɛ joona.

◼ Mɔgɔw kunbɛnbagaw ani taamasiyɛnw latɛmɛbagaw ka kan ka kɔn ka sugandi. U ka kan ka kɔn ka kunnafoniw sɔrɔ u ka baara kɛtaw n’a kɛcogo ɲuman kan. U ka finidoncogo ani u kun kuwafe cogo ka kan ni danbe min ye, u ka kunnafoni sɔrɔ o fana kan.

◼ Ni mɔgɔ munnen dɔ ye dɛsɛbagatɔ ye farikolo ta fan fɛ, n’a tɛ se ka na Hakilijigin na, labɛnw ka kan ka kɛ walisa a ka taamasiyɛnw sɔrɔ.

◼ Ni jɛkulu caman ka Hakilijigin lajɛ bɛna kɛ Masaya so kelen kɔnɔ, u ka kan ka kow labɛn cogo ɲuman na, u ni ɲɔgɔn cɛ, walisa ka ɲɔgɔndegun fu bali donda la, tɛmɛsira la, sennamɔgɔw tɛmɛyɔrɔ la, ani siraw kan. Ni a bɛ se ka kɛ yɔrɔ min na, a ka ɲi ka sanga 15 don jɛkuluw ka Hakilijigin lajɛw ni ŋɔgɔn cɛ.