An ka nafa sɔrɔ ka bɔ kafoba ka jamalajɛ la min tɔgɔ ko “Masaya weleweledala cɛsirilenw”
1 Kalan bolodalen min bɛ dusu don mɔgɔ kɔnɔ: An ye kalan bolodalen min sɔrɔ an ka kafoba ka jamalajɛ la min kɛra kɔsa in na, o ye an nisɔndiya kosɛbɛ, ka dusu don an kɔnɔ. An tun ye an lajɛ kuntilenna kelen de kosɔn. O tun ye ka kɛ mɔgɔ labɛnnenw ye koɲuman walisa ka Ala ka Masaya weleweleda ni cɛsiri ye. Kumafɔbaga fɔlɔ ye ɲɛfɔli min kɛ “weleweleda” kɔrɔ kan, yali aw hakili bɛ o la wa?
2 Jɛmukan kelen tilalen saba ye, n’o tɔgɔ ye ko “An ka limaniya kologɛlɛya kɔrɔbɔla ni gɛlɛya suguya caman ye,” o y’a jira an na mun na Jehowa b’a to an ka tɔɔrɔ. A ye kun saba de di an ma o ko kan. Yali aw bɛ se ka o kunw ɲɛfɔ wa? Krecɛn ka cɛmancɛmɔgɔya koɲɛ bɛ sinsin Bibulu yɔrɔ jumɛn kan? Gɛlɛya minnu sirilen bɛ an ka cɛmancɛmɔgɔya koɲɛ la, dusu donna an kɔnɔ ka mun de kɛ walisa ka an labɛn ka o gɛlɛyaw kɛlɛ? Ni an ye kɔrɔbɔliw muɲu ni kantigiya ye, o bɛ kɛ tanuli ye ka ɲɛsin Jehowa ma cogo di?
3 Daramu tɔgɔ tun ye ko “An ka limaniya kana tila an na hali waati gɛlɛnw na.” A yɔrɔ jumɛnw de ye aw kologɛlɛya kɛrɛnkɛrɛnnenya la? Anw bɛ se ka Jeremi ladege cogo di? Ka an to jɛmukan laban lamɛnni la min tɔgɔ ko “Masaya weleweledala cɛsirilenw, aw ka kɛwale ɲuman ka yiriwa,” kunnafoni minnu dira o kɔnɔ, olu ni aw yɛrɛ ka waajuli baara sirilen bɛ ɲɔgɔn na cogo di?
4 Yɔrɔ kolomaw minnu ka kan ka waleya: Kumasenkun jɛmukan min tɔgɔ ko “Masaya weleweledalaw kaminen ni cɛsiri tasuma ye,” a fɔra o kɔnɔ ko an ka jɔni ka cɛsiri ladege? A fɔra ko an ka yɛrɛsɛgɛsɛgɛ jumɛn kɛ?
5 Jɛmukan min tɔgɔ ko “Aw saniyalen ka to aw dusukun lakanani fɛ,” o jɛmukan ka fɔ la, sira jumɛn fɛ an saniyalen ka kan ka to? Jɛmukan min tɔgɔ ko “An ka an yɛrɛ tanga lafililikow ma,” o ka fɔ la, an ka kan ka an yɛrɛ tanga lafililikow ma cogo di? An ka ka an yɛrɛ tanga fana mɔgɔ tɔw lafilili ma cogo di?
6 Filipekaw 4:8 tɛmɛsira sɛgɛsɛgɛla jɛmukan na min tɔgɔ ko “Alako barow bɛ limaniya sabati.” O Bibulu tɛmɛsira bɛ an dɛmɛ cogo di an ka barow ka kɛ ka bɛn alako siraw ma, ani an ka kan k’o baro suguw kɛ waati jumɛn na?
7 Fɛn kura nafamaw hakili ta fan fɛ: An nisɔndiyara kosɛbɛ ka gafe kura sɔrɔ min tɔgɔ ko Adorez le seul vrai Dieu (Aw ka Ala tiɲɛma kelenpe de bato). Gafe bɔra kun min na, o fɔra tuma min na, o ye mun kɛ aw la? Mun na a bɛna an dɛmɛ an ka baara la iko gafe filanan, an kɛtɔ ka mɔgɔw kɛ kalandenw ye?
8 O kɔfɛ, an ye gafe cɛɲi sɔrɔ ni o ye Approchez- vous de Jéhovah ye (Aw ka gɛrɛ Jehowa la.) A kɔnɔko dɔw ye mun ye? A ja jumɛnw de diyara aw ye kɛrɛnkɛrɛnnenya la? Yali a kalanni ye aw surunya kosɛbɛ Jehowa la wa? Jɔni wɛrɛ bɛ se ka nafa sɔrɔ a la?
9 Kafoba jamalajɛ min tɔgɔ ko “Masaya weleweledala cɛsirilenw,” o ye dusu don an kɔnɔ alako ta fan fɛ, an mago tun bɛ o la walisa ka nin waati gɛlɛnw kunbɛn. Walisa an ka nafa sɔrɔ nin ko labɛnnen na, alako ta fan fɛ, an ka an seko bɛɛ kɛ k’an hakili jigin kuma fɔlenw na, ka waleɲumandɔn jira o fɛn sɔrɔlenw ko la, wa, an ye ko minnu kalan, k’olu fana waleya. (2 Pi. 3:14) Ni an b’a kɛ iko a fɔra cogo min na, o bɛna an kologɛlɛya walisa an ka se k’an ka kantigiya mara, ka kɛ Masaya weleweledala cɛsirilenw ye. An bɛ Yesu ladege o cogo la, ka nɔɔrɔ da Jehowa kan.—Fil. 1:9-11.