Baara Ka Lajɛ Bolodasira

Utikalo tile 11nan dɔgɔkun

Dɔnkili 101

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Baara kɛ ni hakilinaw ye minnu bɛ ɲɛ 8nan na, walisa ka ɲɛjirali fila labɛn Zuluyekalo tile 22 Réveillez-vous ! ani Utikalo tile fɔlɔ La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, hali ni gafenin fila de bɛ di ɲɔgɔn fɛ. Ɲɛjirali kelen kɔnɔ, a jira an bɛ se cogo min na ka mɔgɔw jaabi, minnu b’a fɔ ko: “Ne bolo degunnen don.”​—Comment raisonner gafenin ɲɛ 19nan lajɛ.

Sanga 15: “An ka Jehowa ka ɲumanya ladege.”a A ɲini i lamɛnbagaw fɛ u k’a fɔ, fɔcogosurun na, cogo min na koɲuman kɛli y’a to u sera ka seereya kɛcogo sɔrɔ. Jɛkulu bɛ cɛsiri minnu kɛ dannaɲɔgɔnw dɛmɛni na, a tanu olu ko la.

Sanga 20: “Nafa minnu bɛ tutigɛbagaya baara la.”b Baara kɛ ni ɲininkali sɛbɛnnenw ye. Tutigɛbaga kelen walima fila ɲininka, u ye dugawu minnu sɔrɔ tutigɛbagaya baara la, u ka dɔ fɔ o la mɔgɔw ye. A fɔ ko ni tutigɛbagaya ko bɛ mɔgɔ min kɔnɔ, o tigi bɛ se k’a ɲinini-sɛbɛn sɔrɔ jɛkulu sɛbɛnnikɛla bolo.

Dɔnkili 11 ani kuncɛli delili.

Utikalo tile 18nan dɔgɔkun

Dɔnkili 82

Sanga 12: Ladɔnniyaliw ka ɲɛsin sigida ma. Jatew dantigɛli. “Don kelen jamalajɛ kɛrɛnkɛrɛnnen ka kalan bolodalen kura.” A kɛdon fɔ, k’a ɲini bɛɛ fɛ u ka sɔrɔ a kɛnɛ kan. Ni jamalajɛ bɛna kɛ yanni kalo damadɔw, batɛmu tali ko bɛ mɔgɔ minnu kɔnɔ, a fɔ k’olu bɛ se ka lakɔlɔsibaga ɲɛmɔgɔ ladɔnniya.

Sanga 15: “Baara min bɛ mɔgɔ fanga kuraya.”c Kɔn ka ɲɛfɔli fila walima saba labɛn dɔw fɛ, u k’a jira cogo min na Kerecɛn ka cidenyabaara ye u kologɛlɛya.

Sanga 18: “An k’an ka Bato Kɛyɔrɔ minɛ koɲuman.”d (Dakun 1-5) Baara kɛ ni ɲininkali sɛbɛnnenw ye. Ni baro sera dakun 3nan ni 4nan ma, Masaya So saniyali bolodalen bɛ cogo min na aw ka sigida la, kuma o kan. Ko o ko ka kan ni an ka kɔlɔsili ye, o fɔ. Jekulu tanu a ka cɛsiriwalew la minnu bɛ kɛ walisa bato tiɲɛma kɛyɔrɔ ladon-cogoɲuman ka to a kan.

Dɔnkili 114 ani kuncɛli delili.

Utikalo tile 25nan dɔgɔkun

Dɔnkili 175

Sanga 10: Ladɔnniyaliw ka ɲɛsin sigida ma. Baara kɛ ni hakilinaw ye minnu bɛ ɲɛ 8nan na walisa ka ɲɛjirali fila labɛn Utikalo tile 8 Réveillez-vous ! ani Utikalo tile 15 La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, hali ni gafenin fila de bɛ di ɲɔgɔn fɛ. Ɲɛjirali kelen-kelen na, bangebaga dɔ n’a den cɛmanin walima musomanin bɛ ɲɔgɔn fɛ, u bɛ ka u dege sɔn-ni-sɔn gafenin jirali baara la. Teliya la u bɛ segin sɔn-ni-sɔn gafenin jiracogo kan k’a kalan sanni u ka ɲɛjirali kɛ.

Sanga 15: Sigida magow.

Sanga 20: “An k’an jagɛlɛya ka waajuli kɛ.” (1 Tes. 2:2) Jɛmu ani baro bɛ kɛ ni lamɛnbagaw ye. Kun min b’a to caman bɛ siran ka Masaya cikan kofɔ mɔgɔw ye, o ɲɛfɔ. Hali minnu ye weleweledali kɛ san caman ka tugu ɲɔgɔn na, o bɛ lakɔlɔsi olu dɔw la. Ko kɛlen minnu bɛ sɔrɔ Desanburukalo tile 1, san 1999 La Tour de Garde ɲɛ 25 la, ani Desanburukalo tile 15, san 1999 La Tour de Garde ɲɛ 25 ani Awirilikalo tile 1, san 1996 La Tour de Garde ɲɛ 31 la, o ko kɛlenw dɔw lakali. A ɲini lamɛnbagaw fɛ, u k’a fɔ cogo min na u sera ka u jagɛlɛya ka kibaru duman kofɔ hali k’a sɔrɔ u tun sirannen bɛ. Baro kuncɛli kumaw la, i ka tali kɛ Desanburukalo tile 15, san 1999 La Tour de Garde ɲɛw 23-24 la, walisa ka dusu don mɔgɔw la u k’a ɲini Jehowa fɛ, a ka barika don u la.

Dɔnkili 125 ani kuncɛli delili.

Sɛtanburukalo tile 1 dɔgɔkun

Dɔnkili 84

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Utikalo foro baara dantigɛli sɛbɛn di. Sɛbɛn minnu bɛ jira Sɛtanburukalo la, olu kofɔ. Kɔn k’a ɲini weleweledala kelen walima fila fɛ, u k’u labɛn k’a fɔ, u ye ko minnu kɛ u ka senfɛ-seereya kɔnɔ, lafiɲɛwaati tuma la walima cogoya wɛrɛw la samiyɛ waati la.

Sanga 15: “Yali i bɛ segin-ka-bɔnye kɛ iko i y’a layidu ta cogo min na wa?” Jɛmu ani baro bɛ kɛ ni lamɛnbagaw ye min sinsinnen bɛ Sɛtanburukalo tile 15, san 1999 La Tour de Garde kan, a ɲɛw 10-11nan na, k’a daminɛ dakun na, min tɔgɔ ye “Autres manières de tenir ses promesses.” (Cogo wɛrɛw minnu fɛ, mɔgɔ bɛ se ka layidu talenw tiimɛ.) N’an ye mɔgɔw sɔrɔ an ka cidenyabaara sen fɛ, minnu b’a jira ko tiɲɛ ka di u ye, a ka ca a la, an bɛ fɛɛrɛ tigɛ walisa ka se ka baro tɔ kɛ n’o tigiw ye kɔsa fɛ. Yali an bɛ segin ka na bɔ o mɔgɔw ye iko an y’a layidu ta cogo min na wa? Bibulu sariyakolo minnu b’an bila an k’an ka layidu talenw tiimɛ yɔrɔ ɲini, i ka segin o sariyakolow kan. A ɲini baro lamɛnbagaw fɛ u k’a fɔ, u ye dugawu minnu sɔrɔ u seginnen kɔ joona ka taa bɔ mɔgɔw ye waajulibaara-foro la.

Sanga 20: “An k’an ka bato kɛyɔrɔ minɛ koɲuman.”e (Dakun 6-​12) Baara kɛ ni ɲininkali sɛbɛnnenw ye. I sinsin a kan, k’a fɔ ko Masaya So saniyalikoɲuman jɔyɔrɔ ka bon. Tiiri kɛra ka sɛbɛnni minnu lamini ɲɛ 5nan na, tali kɛ o hakilinaw la. Dakuruɲɛ damadɔw fɔ aw ka Masaya So cogoya kan, n’a sɔrɔ a yɔrɔ dɔw dilanko walima u labɛnko kuma bɛ sen na.

Dɔnkili 41 ani kuncɛli delili.

[Footnoptes]