Kan caman bɛ fɔ waajulikɛyɔrɔ min na, sɛbɛnw jira yen

¹ Mɔgɔ minnu bɛ kan wɛrɛw fɔ, olu bɛ ka sɔrɔ waajulikɛyɔrɔ caman na. Ni o mɔgɔ caman bɛ kalan u yɛrɛw ka kanw na, u ka tiɲɛ dɔnniya bɛ teliya kosɛbɛ, wa, u bɛ a faamu cogo ɲɛnama fana na. Fɛɛrɛ jumɛnw bɛ yen walisa kibaru duman ka di mɔgɔ minnu ye, olu ka se ka Bibulu ɲɛfɔli sɛbɛnw sɔrɔ kan na, u bɛ min faamuya kosɛbɛ?

² Sɛbɛnw bɛ jira tuma min na: Ni jɛkulu fila wala jɛkulu caman ka kanfɔtaw tɛ kelen ye, ni u jɛlen bɛ waajulikɛyɔrɔ kelen na, o jɛkulu kelen-kelen bɛɛ maakɔrɔ kulu ni u ka forobaara lakɔlɔsibaga bɛ jɛ ka baara kɛ ɲɔgɔn fɛ walisa ka baara kɛcogo sigi min bɛ bɛn jɛkulu kelen-kelen bɛɛ ma. O cogo la, seereya dafalen bɛ kɛ kan kulu kelen-kelen bɛɛ mɔgɔw ye. Ni weleweledalaw bɛ ka waajuli kɛ du ni du, u man kan ka sɛbɛnw di kanw na minnu bɛ fɔ jɛkulu wɛrɛw la. Nka, ni weleweledalaw bɛ ka senfɛ-seereya kɛ, wala ni u bɛ forobayɔrɔ dɔ la, u bɛ se ka sɛbɛnw di kanw na minnu ye u barokɛɲɔgɔnw ka kanw ye.​—⁠Ɔkutɔburukalo san 1990 An ka Masaya Cidenyabaara ɲininkali jaabiw yɔrɔ lajɛ.

³ Sɛbɛnw ka kan ka mara jɛkulu kɔnɔ tuma min na: Mun bɛ se ka kɛ ni kan wɛrɛ fɔbagaw ka ca yɔrɔ dɔ la, k’a sɔrɔ o kan tɛ fɔ jɛkulu si la? O tuma na, Bibulu kalansiraw jujɔ ɲɛfɔlen bɛ sɛbɛn minnu kɔnɔ, jɛkulu bɛ se ka o sɛbɛnw hakɛ dɔ ɲini o kan na, k’a mara jɛkulu kɔnɔ. O sɛbɛnw bɛ se ka kɛ sɛbɛndenninw ye, Wajibiya gafenin, Ala teri gafenin, ani Dɔnniya gafe ye. Weleweledalaw bɛ se k’o sɛbɛnw jira ni u ye mɔgɔw sɔrɔ minnu bɛ se ka kalan kɛ o kan na.

⁴ Sɛbɛnw bɛ ɲini cogo min na: Ni kibaru duman ka di mɔgɔ dɔ ye, o bɛ se ka sɛbɛnw sɔrɔ ka kalan a ka kan na cogo di ni sɛbɛn tɛ yen o kan na jɛkulu kɔnɔ? Weleweledala min ye o tigi sɔrɔ waajulikɛyɔrɔ la, o ka kan ka kunnafoni ɲini balimakɛ fɛ min bɛ sɛbɛnw koɲɛw kunna, walisa k’a dɔn sɛbɛn minnu bɛ sɔrɔ o tigi ka kan na. O la sa, weleweledala mago bɛ sɛbɛn minnu na, a bɛ se k’olu ɲini, jɛkulu ka sɛbɛnw ɲini tuma na.

⁵ An ka baara ɲuman kɛ ni an ka kerecɛn sɛbɛnw ye walisa ka “mɔgɔ sifa bɛɛ” dɛmɛ u ka ‘tiɲɛ dɔn, ka kisi,’ u ka kanfɔta mana kɛ fɛn o fɛn ye.​—⁠1 Tim. 2:​3, 4.

[Study Questions]

1. Mun na jɛkulu caman mago bɛ sɛbɛnw na kan wɛrɛw la?

2. Ni jɛkulu fila wala jɛkulu caman ka kanfɔtaw tɛ kelen ye, ni u jɛlen bɛ waajulikɛyɔrɔ kelen na, jɛ-ka-baara jumɛn de ka kan o yɔrɔ la?

3. Tuma jumɛn na, jɛkulu dɔ bɛ se ka sɛbɛnw ɲini kan caman na k’a mara a bolo kɔrɔ?

4. Ni sɛbɛnw maralen tɛ yen kan dɔ la jɛkulu kɔnɔ, olu bɛ se ka sɔrɔ cogo di?

5. An kuntilenna ye jumɛn ye ni an b’a kɛ kerecɛn sɛbɛnw ka sɔrɔ an bolo?