Baara Ka Lajɛ Bolodasira

Zuluyekalo tile 14 nan dɔgɔkun

Dɔnkili 56

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Baara kɛ ni hakilinaw ye minnu bɛ ɲɛ 4 nan na walisa ka ɲɛjirali fila labɛn minnu bɛ bɛn an ka jɛkulu waajulikɛyɔrɔ ma, Zuwɛnkalo tile 22 Réveillez-vous ! ani Zuluyekalo tile fɔlɔ La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, hali ni gafenin fila de bɛ di ɲɔgɔn fɛ.

Sanga 15: An ka ŋaniya dɔw siri sɛgɛnlafiyɛnwaati kalow kama. Jɛmu ani baro bɛ kɛ ni lamɛnbagaw ye. Kuma baaraw kan minnu bɛ deli ka boloda sɛgɛnlafiyɛnwaati kalow kama, i n’a fɔ: Ka kɛ tutigɛbaga farankan ye kalo kelen walima kalo dama dɔ kɔnɔ, ka baara dɔw kɛ so lamini na, walima ka sɛgɛnlafiyɛn kalow diya bɔ. A ɲini mɔgɔ dama dɔ fɛ u k’a ɲɛfɔ u ye ŋaniya min siri u ka sɛgɛnlafiyɛnwaati kalow kama, ani fana u ye min kɛ walisa u ka denbaya ka kalan, jɛkulu ka lajɛw, ani foro baara kana kɛ bolokɔfɛ ko ye, hali ni u bɛ taa taama la. Ni waajulikɛyɔrɔ bɛ jɛkulu bolo min tɛ deli ka baara tuma caman, i k’a fɔ fɛɛrɛ minnu tigɛra walisa o yɔrɔw ka se ka baara kosɛbɛ. Bɛɛ hakili jigin a la, u ka ko bɛɛ kɛ walisa waajulibaara dantigɛli sɛbɛn ka lase gafe kalan lakɔlɔsibaga ma o waati mana se tuma min na, u bɛ yɔrɔ o yɔrɔ la.

Sanga 20: “Waleɲumandɔn ka ɲɛsin Ala ka makari ma.”a Ni baro sera dakun 3 nan ma, hakilinata dɔw fɔ sɔn-ni-sɔn gafeninw tila-tilali sira daminɛ cogo kan min sinsinnen bɛ An ka Masaya Cidenyabaara kan, Ɔkutɔburukalo san 1998, ɲɛ 12 nan na. Weleweledala kelen walima fila ɲininka u k’a fɔ u ye kɛcogo ɲuman min sɔrɔ, walisa ka Bibulu-kalanw daminɛ. Dusu don bɛɛ la u k’a kɛ u kuntilenna ye ka Bibulu-kalan kelen daminɛ.​—⁠om ɲɛw 91-2 nan.

Dɔnkili 176 ani kuncɛli delili.

Zuluyekalo tile 21 nan dɔgɔkun

Dɔnkili 184

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: Cogo di Jehowa batoli bɛ an ka ɲɛnamaya fɛntigiya? Baro bɛ kɛ ni lamɛnbagaw ye. Bato sɛbɛ wajibiyalen don ni an bɛ a fɛ ka hɛrɛ sɔrɔ, ani n’an b’a fɛ kun bɛrɛ ka kɛ an ka ɲɛnamaya la. (1) O bɛ an dɛmɛ an ka se ka diɲɛlatigɛ kunkow ni a jɔrɔnankow kunbɛn. (Fil. 4:6,7) (2) A bɛ dusu don an na ka Jehowa ka mankutuw sɛnɛ an na. (2 Pi. 1:​5-8) (3) A bɛ an dɛmɛ an ka se ka an ka waati ani an bolofɛnw don da la, cogo bɛɛ la fisaman na. (1 Tim. 6:​17-​19) (4) A bɛ jigiya sɛbɛ di an ma ka ɲɛsin siniko ma. (2 Pi. 3:​13) (5) A bɛ a to an ka se ka jɛɲɔgɔnya don an ni Jehowa cɛ. (Yak. 4:⁠8) A jira ko mɔgɔ minnu tɛ Jehowa dɔn wala minnu tɛ a bato, nin kow bɛɛ bɛ o mɔgɔw jɛ.

Sanga 20: An k’u ka jagɛlɛya ladege waajuli la. Baro bɛ kɛ ni lamɛnbagaw ye. A sinsinnen bɛ Adorez Dieu gafe, ɲɛ 170 ni 171 nan kan. A ɲini lamɛnbagaw fɛ u ka jaabi di ɲininkaliw la minnu kɛlen bɛ dakun 7 nan na ani u ka Bibulu tɛmɛsira kofɔlenw sen don u ka ɲɛfɔliw kɔnɔ. Bibulu tɛmɛsira dɔw ɲɛnatɔmɔ, k’u kalan. A jira an bɛ se ka kalansira min sɔrɔ ka bɔ u la ani fana u bɛ se k’an dɛmɛ cogo min na ka hakilinata ɲuman sɔrɔ ka ɲɛsin an ka cidenyabaara ma.

Dɔnkili 201 ani kuncɛli delili.

Zuluyekalo tile 28 nan dɔgɔkun

Dɔnkili 45

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Zuluyekalo foro baara dantigɛli sɛbɛn di. Baara kɛ ni hakilinaw ye minnu bɛ ɲɛ 4 nan na walisa ka ɲɛjirali fila labɛn Zuluyekalo tile 8 Réveillez-vous ! ani Zuluyekalo tile 15 La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, hali ni gafenin fila de bɛ di ɲɔgɔn fɛ. Ɲɛjiraliw dɔ la kelen na, weleweledala bɛ jira ka a to senfɛ-seereya la.

Sanga 15: Sigida magow.

Sanga 20: “Ka waajuli kɛ ɲɔgɔn fɛ, o bɛna ni nisɔndiya ye.”b Ni baro sera dakun 3 nan ma, hakilina minnu bɛ Ɲininkaliw jaabi la, ka bɔ Sɛtanburukalo san 2001 An ka Masaya Cidenyabaara kɔnɔ, olu fɔ ka fara a kan. Cogo surun na, gafe kalan lakɔlɔsibaga dɔ ɲininka fɛɛrɛw ko la a ye minnu tigɛ a ka gafe kalan kulu kɔnɔ, foro baara kama. U caman ka bɔ, ka waajuli kɛ ɲɔgɔn fɛ, o ye nafa minnu lase gafe-kalan kulu ma, a k’o ɲɛfɔ.

Dɔnkili 36 ani kuncɛli delili.

Utikalo tile 4 nan dɔgɔkun

Dɔnkili 178

Sanga 10: Ladɔnniyaliw ka ɲɛsin sigida ma. Sɛbɛn minnu bɛ jira nin kalo la, olu kofɔ. Ɲɛjirali surun kelen walima fila labɛn baara bɛ se ka kɛ ni minnu ye.

Sanga 20: “Kan caman bɛ fɔ waajulikɛyɔrɔ min na, sɛbɛnw jira yen.”c Baara kɛ ni ɲininkaliw ye minnu sɛbɛnnen bɛ. Ni baro sera dakun 3 nan ma, ɲɛjirali nɔgɔman dɔ bɛ kɛ kan dɔ la min bɛ fɔ sigida waajulikɛyɔrɔ la ni o kan fana jɛkulu tɛ yen.​—⁠km 7/02 ɲɛ 1 dakun 4 nan.

Sanga 15: Funankɛninw bɛ ka Jehowa tanu! Jɛmu ani baro bɛ kɛ ni lamɛnbagaw ye ani fana mɔgɔ dɔw bɛ ɲininka. An bɛ nisɔndiya ka funankɛninw ye u bɛ ka jaabi labɛnnen ɲumanw di lajɛw la. U ka cɛsiri ni u ka ɲɛtaa, Ala-ka-Marako Cidenyabaara kalanso la, o ye nisɔndiyabako de ye. U bɛ limaniya sɛbɛ jira u kɛtɔ ka seereya ɲuman kɛ cidenyabaara la. U taamacogo, alasira kɔnɔ, o bɛ nɔɔrɔ da Jehowa kan. (yb 88 ɲ. 53-4) U ka ɲɛtaa, alamɔgɔya ta fan fɛ, bɛ kɛ sababu ye, u ka se ka bonya wɛrɛw sɔrɔ jɛkulu kɔnɔ. Funankɛnin fila wala saba minnu bɛ u sen don tuma bɛɛ jɛkulu ka baaraw la, olu ɲininka cogo surun na. Jɛkulu-kɔnɔ-funankɛninw fo kosɛbɛ u ka timinandiya la, o min bɛ Jehowa tanu.

Dɔnkili 49 ani kuncɛli delili.

[Footnotes]