Sɔn-ni-sɔn gafeninw jiracogo

La Tour de Garde 15 juin

“Mɔgɔ dɔw dalen bɛ a la, ko Yesu tun ye mɔgɔ ye min ɲɔgɔn ma deli ka ye. Dɔw bɛ sɔsɔli la n’a sɔrɔ a yɛrɛ delila ka na diɲɛ na. Yali e fɛ, nafaba bɛ an ka miiriyaw la a ko la wa? [Jaabi kɔfɛ, Kɛwalew 4:12 kalan.] Ko jumɛn bɛ kɛnɛ kan, ni o bɛ a jira ko Yesu ye ɲɛnamaya kɛ tiɲɛ na dugukolo kan? Nin gafenin bɛ o ɲininkali mafilɛ.”

Réveillez-vous ! 22 juin

“An lamini fiɲɛ, a ji ni a yɔrɔ tɔw hami bɛ mɔgɔ caman na. Jiritubaw minnu bɛ diɲɛ kɔnɔ, ni u bɛ sanjibaw wele dugukolo kan, yali e fɛ, olu bɛ se ka lakana mɔgɔw ka tiɲɛni ma wa? [Jaabi makɔnɔ.] Timinandiya baara minnu bɛ ka kɛ, walisa ka kungo-kɔnɔ-jiritubaw kisi cɛnni ma, nin gafenin bɛ o ɲɛfɔ. A bɛ kuma fana nin layidu cɛɲi kan, Ala bɛna min tiimɛ.” Esayi 11:​9 kalan.

La Tour de Garde 1er juillet

“Hadamadenya tɛ taga fɛn minnu kɔ, o dɔ ye i ka mɔgɔw tɔw kanu ani fana mɔgɔ tɔw ka i kanu. [Ɲɛfɔli min kɛra ja jukɔrɔ, ɲɛ 4 nan na, o kalan.] Yali i y’a kɔlɔsi ko bi diɲɛ in bɛ ka boli fɛn wɛrɛw de nɔ fɛ wa? [Jaabi makɔnɔ.] Kanuya lakika ye fɛn min ye, ani an bɛ se k’a sɛnɛ, k’a yiriwa an yɛrɛ la cogo min na, nin gafenin bɛ kuma o de kan.” 1 Kɔrɛntekaw 13:​2 kalan.

Réveillez-vous ! 8 juillet

“K’i ɲɛ tugu ka kojugu kɛ, o de bɛ ka caya ka taa a fɛ. O ko bɛ ka mɔgɔ caman tɔɔrɔ. [Kojugu dɔ fɔ bɛɛ bɛ min kalama sigida la, o kɔ jaabi makɔnɔ.] Nin gafenin bɛ kuma ko dɔw kan minnu bɛ na ni nijuguya-fagali ye. A bɛ a ɲɛfɔ fana, cogo min na Ala bɛna kojugu ani farinya ban pewu-pewu.” Zaburu 37:​10,11 kalan.