Baara Ka Lajɛ Bolodasira

Mɛkalo tile 12nan dɔgɔkun

Dɔnkili 1

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Baara kɛ ni hakililaw ye minnu bɛ ɲɛ 8nan na walisa ka ɲɛjirali fila labɛn Awirilikalo tile 22 Réveillez-vous ! ani Mɛkalo tile fɔlɔ La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, nka gafenin fila de bɛ di ɲɔgɔn fɛ. Bolomafara bɛ kɛ cogo min na, o ɲɛfɔ ka fara a kan.

Sanga 20: Bangebagaw​—A’ka aw denw dɛmɛ u ka ɲɛtaa sɔrɔ. Jɛmu bɛ kɛ hakilinataw kan ka bɔ École du ministère gafe kɔnɔ, a ɲɛw 9-​12 ani 21-​38 na. Dusu don bangebagaw la u ka nin dakunw don denbaya ka yɛrɛkalan kɔnɔ. U kuntilenna ka kɛ denmisɛnniw dɛmɛni ye ka ɲɛtaa sɔrɔ cidenyabaara la. Lamɛnbagaw dɛmɛ u ka yɔrɔ kɛrɛnkɛrɛnnenw kɔlɔsi, minnu bɛ se ka denmisɛnw dɛmɛ u ka ɲɛtaa ko la.

Sanga 15: “Kibaru duman ci kalifalen bɛ an ma.”a Kɔn k’a ɲini weleweledala kelen, walima fila fɛ, u k’a ɲɛfɔ, cogo surun na, u sera cogoya min na ka yɛlɛma don u ka kow la walisa ka dɔ fara u ka wajuli baara kan.

Dɔnkili 46 ani kuncɛli delili.

Mɛkalo tile 19nan dɔgɔkun

Dɔnkili 62

Sanga 15: Ladɔnniyaliw ka ɲɛsin sigida ma. Jatew dantigɛli. “Masaya So jɔliko diɲɛ bɛɛ kɔnɔ. Min kɛra Tubabu Jamana dɔw la” baro kɛ o kan. An bɛ bolomafara min kɛ kɛsu sigilen kɔnɔ Masaya So jɔliko kama, a fɔ ko o de bɛ jɔ ni Masaya So jɔli musakaw ye jamanaw na, wari bɛrɛ tɛ yɔrɔ minnu na ani an ka tɔn bolofara ka wajulikɛyɔrɔw la.

Sanga 15: Sigida magow.

Sanga 15: “An ka Jehowa tanu an kɛtɔ ka senfɛ-seereya kɛ.” Jɛmu ani baro bɛ kɛ ni lamɛnbagaw ye. Ni baro sera dakun 3nan ma lamɛnbagaw ɲininka u bɛ se ka mun fɔ, tuma ninnu na walisa Bibulu kan baro ka daminɛ: (1) K’an to sanni na wala k’an to sugu la, (2) K’an to foroba bolifɛn kɔnɔ, (3) K’an to an sigiɲɔgɔn dɔ fɛ, (4) Ni u bɛ kuma u baarakɛɲɔgɔn dɔ fɛ baarada la, (5) Ni u bɛ kuma u lakɔlidenɲɔgɔn dɔ fɛ lakɔliso kɔnɔ. I ka kɔn k’a ɲini weleweledala dɔ fɛ a k’a lakali cogo min na a sera ka senfɛ-seereya kɛ ka ɲɛ.

Dɔnkili 135 ani kuncɛli delili.

Mɛkalo tile 26nan dɔgɔkun

Dɔnkili 174

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Mɛkalo foro baara dantigɛli sɛbɛn di. Baara kɛ ni hakililaw ye minnu bɛ ɲɛ 8nan na walisa ka ɲɛjirali fila labɛn Mɛkalo tile 8 Réveillez-vous ! ani Mɛkalo tile 15 La Tour de Garde kan. Ɲɛjirali kelen-kelen bɛɛ la, kuma bɛ kɛ gafenin kelen dɔrɔn de kan, nka gafenin fila de bɛ di ɲɔgɔn fɛ. Ɲɛjiraliw la kelen kuncɛtuma na, an bɛ Aimeriez-vous en savoir plus sur la Bible ? sɛbɛndennin to an kumaɲɔgɔn bolo min ma sɔn ka gafenin dɔ minɛ.

Sanga 10: Ɲininkaliw jaabi. Jɛmu. Cogo surun na, aw ka segin hakilila dɔw kan ni wajuli bɛ kɛ telefɔni fɛ, o min bɛ sɔrɔ An ka Masaya Cidenyabaara kɔnɔ, san 2001 Feburuyekalo, ɲ. 6, d. 12-​15 na, wala hakilila dɔ, mɔgɔw bɛ min lamɛn ka ɲɛ an ka wajulikɛyɔrɔ la.

Sanga 25: “Ala ka kuma ye tiɲɛ ye.”b Baara kɛ ni ɲininkaliw ye minnu sɛbɛnnen bɛ. Kuma di lamɛnbagaw ma, u k’a ɲɛfɔ cogo min na a kɛra u bolo dɛmɛ ye ka tiɲɛ dɔn, weleweledalaw kɛtɔla ka u ka ɲininkaliw jaabi ni Bibulu ye. Ni baro sera dakun 6nan ma, a ɲini weleweledala dɔ fɛ min bɛ se, a k’a jira cogo min baara bɛ kɛ ni Bibulu ye bɔnye fɔlɔ tuma na. A bɛ a sinsin hakilila dɔw kan ka bɔ “An ka baara ɲuman kɛ ni Ala ka kuma ye” masalakun kɔnɔ. O bɛ sɔrɔ​—km 12/01 ɲ. 1 d. 3-4nan na.

Dɔnkili 188 ani kuncɛli delili.

Zuwɛnkalo tile 2nan dɔgɔkun

Dɔnkili 210

Sanga 10: Ladɔnniyaliw ka ɲɛsin sigida ma. Segin hakilila kelen wala fila kan minnu bɛ Zanwuyekalo An ka Masaya Cidenyabaara san 2002 farankan kɔnɔ Wajibiya gafenin ani Dɔnniya gafe jiracogo kan.

Sanga 20: Furu ka kɛ bonya kɔnɔ​—o ye Ala ka ko wajibiyalen ye. Jɛmu ani baro bɛ kɛ ni lamɛnbagaw ye. Jamana caman na, an ka teli k’a ye ko cɛ ni muso bɛ sigi ɲɔgɔn kun k’a sɔrɔ u ma furu kɛ sariya kɔnɔ. Dɔw yɛrɛ b’a fɔ ko nafa dɔw bɛ a ko la. Bibulu ka kalansira ɲɛfɔ, k’a jira sɛbɛ la ko Ala de ye furu sigi sen kan. (rs ɲ. 224-5 na) Ka sigi ɲɔgɔn kun k’a sɔrɔ furu ma kɛ, o ye jɛnɛya ye. (fy ɲ. 17) Nka mɔgɔ caman b’a miiri cogo min na, a tɛ ten, bawo sɛgɛsɛgɛliw ye a jira ko ni mɔgɔw sigilen bɛ ɲɔgɔn kan k’a sɔrɔ u furulen tɛ sɛbɛ la sariya ɲɛkɔrɔ a ka gɛlɛn u ka se ka furu ɲuman kɛ kɔfɛ.(g02 8/3 ɲ. 29; g92 8/9ɲ. 28; g91 8/5 ɲ. 28) Kerecɛnw bɛ nɔɔrɔ da Jehowa kan ni u bɛ a ka ko wajibiyalenw mara. O cogo la, olu yɛrɛ fana bɛ nafa sɔrɔ o la.​—Esa. 48:17, 18.

Sanga 15: Aw bɛ ka nafa sɔrɔ ka bɔ a la wa? Kalanso lakɔlɔsibaga de bɛ baro kɛ ni lamɛnbagaw ye. K’a ta Zanwuyekalo la, an ye Ala-ka-marako Cidenyabaara Kalan kɛcogo kura daminɛ. Cogo surun la, kuma kalanso fɛn kura dɔw kan. An ye nafa minnu sɔrɔ kaban, olu dɔw jira. Yali dɔ farala kalanden hakɛ ni u ka kɛtaw kan wa? Laadili kɛcogo kura min bɛ kɛ, yali kalandenw bɛ ka nafa sɔrɔ ka bɔ o la wa? Kuma di balimaw ma u k’a fɔ u yɛrɛw ye nafa min sɔrɔ kaban, ani u hakili bɛ a la ka nafa jumɛn wɛrɛ sɔrɔ kɔfɛ.

Dɔnkili 225 ani kuncɛli delili.

[Footnotes]