Kalanso min b’an labɛn kow bɛɛ la nafama kama

¹ Mɔgɔw bɛ taa lakɔli la walisa ka dɔnniya sɔrɔ min bɛna u dɛmɛ k’u ka kuntilennaw matarafa u ka ɲɛnamaya kɔnɔ. Nka kuntilenna wɛrɛ jumɛn bɛ se ka bonya, ka tɛmɛ ɲɛnamaya Dibaga yɛrɛ batoli kan, ani maa wɛrɛw dɛmɛli kan, u k’a sagonataw ni a ka siraw kalan? O kuntilenna tɛ yɛn. Ala-ka-marako cidenyabaara kalanso sigi kun ye, walisa ka an labɛn, ka mɔgɔ wɛrɛw kalan an ka limaniya ko la. O la sa, an bɛ nali min kɛ lakɔli la dɔgɔkun o dɔgɔkun, o b’a to an ka dɔnniyaw sɔrɔ minnu b’an labɛn ɲɛnamaya kow bɛɛ la fisamanw kama.

² “San 2003 Ala-ka-marako cidenyabaara kalan bolodalen sɛbɛn”, bilara kalo tɛmɛnen An ka Masaya Cidenyabaara kɔnɔ. Lakɔli bɛ kɛ cogo min na, o walawalalen bɛ o bolodasira kɔnɔ. Siga t’a la, a bɛnnen bɛ, ka o kalan bolodasira sɛbɛn bila Tirez profit de l’École du ministère théocratique gafe kɔnɔ. Wajibi don an bɛɛ ma, ka na ni o gafe ye Ala-ka-marako kalan na dɔgɔkun o dɔgɔkun. San 2003 Ala-ka-marako yɔrɔ dɔw lajɛ.

³ Jɛmu kɛcogo ɲuman: K’a daminɛ Zanwuyekalo la, Ala-ka-marako kalan kelen-kelen bɛɛ, bɛ daminɛ ni jɛmu kɛcogo ɲuman kalan ye, sanga duuru kɔnɔ walima ni kalanjɛ kɛcogo dɔ ye, walima kalan sɛgɛsɛgɛli cogo dɔ walima kalan ɲɛminɛ cogo dɔ. Kalanso lakɔlɔsibaga, de bɛna o dantigɛli jɛmu kɛ walima a bɛ se ka maakɔrɔ wɛrɛ bila o la, maakɔrɔ min bɛ se. Mɔgɔ min bɛna jɛmu kɛ, o bɛ se ka jɛmu kɛcogo ɲuman kɔrɔ ɲɛfɔ ani nafa min bɛ a la. O kɔfɛ a wajibiyalen bɛ, ka baro lasama ka na Bibulu kɔnɔ misaliw ma, k’a jira, jɛmu kɛcogo bɛ ta ka baara kɛ ni a ye cogo min na, k’a ɲɛfɔli ɲɛsin kɛrɛnkɛrɛnnenya la nafaw ma, minnu bɛ se ka an ka cidenyabaara sankɔrɔta.

⁴ Kalansen fɔlɔ: Ala ka marako kalan jɛmu fɔlɔ bɛ di balimaw minnu ma, olu bɛ ladɔnniya ko kura, k’u ka kan “k’u ɲɛsin u ka baro nafama yɔrɔ de ma.” O kɔrɔ ye k’a jira jɛkulu la, baara bɛ se ka kɛ ni baro in ye cogo min na. Ni nin kalansen dira i ma, École du ministère gafe ladilikanw kalan, kalansen labɛncogo kan, a ɲɛw 48-9 nanw na. Sinsinni bɛ kɛ kow minnu kan, i ka olu lajɛ index la, gafe kɔnɔ, yɔrɔ min tɔgɔ ko “Application pratique.”

⁵ Bibulu kalan bolodalen: Waati tɛmɛnenw la, ni i tun ma se ka dɔgɔkun Bibulu kalan matarafa, mun na i t’a ɲini k’i nɔrɔ a kɛli la, nin san in na? Mɔgɔ minnu mana o kɛ, olu na Krecɛn Gɛrɛki Sɛbɛnniw kalanni ban, san laban na. Nafa minnu bɛ sɔrɔ, n’i ye Bibulu kalanni daminɛ ni Krecɛn Gɛrɛki Sɛbɛnniw ye, olu ɲɛfɔlen bɛ ɲɛ 10 nan na, École du ministère gafe dakun 4 nan kɔnɔ.

⁶ Bibulu kalan nafamayɔrɔw: Dɔ farala nin yɔrɔ sanga hakɛ kan, k’a kɛ sanga 10 ye walisa lamɛnbagaw ka se ka u ka ɲɛfɔliw kɛ, dɔgɔkun Bibulu kalan kan. A yɔrɔ dilen bɛ mɔgɔ minnu ma, olu ka kan ka sanga dilen matarafa. Bibulu kalan nafamayɔrɔw bɛ kɛ dɔgɔkun o dɔgɔkun, hali ni dalafɔ-seginnkanni bɛ kɛ, dɔgɔkun min na. Bibulu yɔrɔ minnu ka kan ka kalan, k’i to olu kalanni na, jateminɛ kɛ yɔrɔw la, nafa bɛ minnu na, denbaya ka Bibulu kalan fan fɛ, waajuli fan fɛ, walima i ka ɲɛnamaya kɛcogo hukumu kɔnɔ. Jehowa ye a jogo jumɛnw jira, tuma min na kow tɛmɛna a ni mogow cɛ wala a ni siyaw cɛ? I ye mun kalan, ni o ye dɔ fara i ka limaniya ni i ka waleɲumandɔn kan ka ɲɛsin Jehowa ma? Yɔrɔ o yɔrɔ, ka di i ye, o Bibulu tɛmɛyɔrɔw kɔnɔ, ɲɛfɔli kɛ o kan, a bɛnnen bɛ i ma cogo min na. Hali i bɛ se ka ɲɛfɔli kɛ tɛmɛyɔrɔw kan minnu bɛ kalansen filanan kɔnɔ, bawo o dilen bɛ mɔgɔ min ma, o tena ɲɛfɔli kɛ, o yɔrɔw kan.

⁷ Kalansen 2 nan: Dɔgɔkun o dɔgɔkun, kalanden fɔlɔ ka baara, bɛna kɛ degeli ye, jamala kalanjɛ la. Kalanw bɛɛ bɛ bɔ dɔgɔkun Bibulu kalan kɔnɔ, kalo kalan laban, sen tɛ o la. Kalo kalan laban bɛ bɔ La Tour de Garde kɔnɔ. Wajibi don kalanden ma, ka dakun dilenw kalan. A man kan, ka dantigɛli kuma walima kuncɛli kuma fɔ. O la sa, a bɛ se ka a yɛrɛ dege, kalanjɛ kɛcogo ɲuman na.​—⁠1 Tim. 4:​13.

⁸ Kalansenw 3 nan ani 4 nan: O kalansen dɔw bɛ sinsin Comment raisonner gafe kan ka caya; kalansen dɔ wɛrɛw la, jɛmukan dɔrɔn de bɛ di. Ni o kalansen ɲɔgɔn dira mɔgɔ ma, o tigi na se, k’a ka labɛnw kɛ, ni kunnafoniw ye, a ye minnu ɲini, an ka kerecɛn gafe bɔlenw kɔnɔ. O bɛna fisaya balima musow ma, bawo u na se, ka u ka ɲɛfɔliw kɛ, ka kɛɲɛ ni u lamɛnbagaw ye.

⁹ Kalan bɛ kɛ hukumu min kɔnɔ: I n’a fɔ a jiralen bɛ École du ministère gafe ɲɛ 45 nan na cogo min na, baro bɛ kɛ hukumu min kɔnɔ, kalan lakɔlɔsibaga bɛ o jira. Ni a m’o kɛ, balimamusow bɛ se, ka baro hukumu ɲɛnatɔmɔ, ka bɔ gafe ɲɛ 82 nan na. Ni balimamuso dɔ bɛ jɛmu di, kalo fila o kalo fila, baro hukumu bisaba, bɛ se ka fɛɛrɛ caman di a ma, san duuru kɔnɔ. Balimamuso minnu bɛ baro hukumu 30 nan ɲɛnatɔmɔ, ni o ye “ Autre cadre de discussion adapté à votre région ”, olu ka kan, ka baro hukumu sɛbɛn, u ka fiche d’attribution (S-89) jukɔrɔ walima a kɔ kan. Kalanso lakɔlɔsibaga bɛna kalanden ka jɛmu kɛdon, sɛbɛn kalanden ka gafe ɲɛ 82 nan na, a ka baro hukumu kɛrɛfɛ. A bɛ se ka o sɛbɛnni kɛ, tuma min na a bɛ sɛbɛnni kɛ laadilikan sɛbɛn kɔnɔ.

¹⁰ Ladilikan sɛbɛn: I ka ladilikan sɛbɛn bɛ i ka gafe kɔnɔ, a ɲɛw 79-​81 la. O la sa, i ka kan, ka na n’i ka gafe ye, Ala-ka-marako cidenyabaara kalan tuma, ka a di kalanso lakɔlɔsibaga ma, i ka kalan kɛlen kɔfɛ. Kalanden ka kan ka ladi, yɔrɔ minnu kan, olu sɛbɛlen bɛ kɛ, kalan lakɔlɔsibaga bolo.

¹¹ Dalafɔ-Seginnkanni: Segin bɛ kɛ, Ala-ka-marako cidenyabaara kalan kan. O bɛ kɛ baro ye. A bɛ kɛ kalo fila o kalo fila, sanga 30 kɔnɔ. Ɲininkaliw minnu bɛna kɛ lajɛ seginnkanni kɔnɔ, olu bɛ to ka sɛbɛn An ka Masaya Cidenyabaara kɔnɔ. Dɔgɔkun min bolodara seginnkanni kama, ni o bɛ bɛn kafo ka jamalajɛ dɔ ma walima kafo lakɔlɔsibaga ka nali ma, jɛkulu kɔnɔ, o la sa dɔgɔkun nata ka lajɛ bɛ kɛ seginnkanni nɔ na, ka seginnkanni bila dɔgɔkun nata nɔ na.

¹² Kalanso filananw: Jɛkulu minnu ka kalanden ka ca, ni kalanden bi duuru ye, olu ka maakɔrɔw bɛ se ka kalanso filanan wɛrɛw jateminɛ. “O fɛɛrɛ bɛ se ka tigɛ kalandenw bɛɛ kama walima kalansen 3 nan ani 4 nan dɔrɔn kama.” (École du ministère ɲɛ 285) Hakilila laban dabɔra jɛkuluw kama, balimamusow ka ca minnu kɔnɔ, nka balimakɛw damadɔ dɔrɔn de bɛ jɛkulu kɔnɔ minnu bɛ se ka kalanjɛw kɛ. Maakɔrɔw ka kan ka balimaw ɲɛnatɔmɔ, minnu bɛ se, ka olu bila o kalansow ɲɛmɔgɔya la.

¹³ Ladilikɛla kankɔrɔsigi: I n’a fɔ a sɛbɛnnen bɛ cogoya min na, Ala-ka-marako cidenyabaara kalan bolodalen sɛbɛn kɔnɔ, jɛkulu maakɔrɔ kulu, de bɛ ladilikɛla kankɔrɔsigi sugandi. Maakɔrɔw ani magannaw minnu bɛ Bibulu kalan nafamayɔrɔw ani Ala-ka-marako kalan, jɛmu fɔlɔ kɛ, ladilikɛla kankɔrɔsigi bɛ olu de ladi kɛrɛfɛ. Balima min bɛ bila ka o kɛ, o ka kan ka kɛ, ko ɲɛdɔnbaga ye ani balima, min ka ladilikanw bɛna lamɛ maakɔrɔ tɔw fɛ. A ka ladilikan ka kan, ka dɛmɛ don, ka jɛmu kɛcogo ɲuman tanu ani kalan sɛgɛsɛgɛli ɲuman, a ka kɛ ladilikan ye, min bɛ yɔrɔ kelen walima yɔrɔ fila jira, balimakɛ bɛ se, ka min baara walisa a ka ɲɛtaa sɔrɔ. Nafa si t’a la, ka ladilikan di balima ma, a ka jɛmu kelen-kelen bɛɛ kɔfɛ, ni o balimakɛ, bɛ jɛmu di tuma caman. Nka o bɛɛ la, ladilikɛla kankɔrɔsigi ka kan, ka jateminɛ kɛ, ani k’a faamu, ko hali ni balimakɛ dɔ, bɛ foroba jɛmukan di ka ban, a bɛ se ka dɛmɛ walisa a ka ɲɛtaa wɛrɛw sɔrɔ.​—⁠1 Tim. 4:​15.

¹⁴ Ladilikɛla ka kan ka ɲɛmajɔ min fɛ: Mun bɛ se ka kɛ dɛmɛlan ye, ladilikɛla ma, tuma min na a bɛ ka jiracogo dɔ jateminɛ? Nimɔrɔ bɛ tila 53 minnu na École du ministère gafe kɔnɔ, olu caman kɔnɔ, sɛbɛnniw bɛ walan sabanan kɔnɔ. Fɛn minnu bɛ jateminɛ, olu ɲɛfɔlen bɛ ka surunya o walan kɔnɔ. Kalanso lakɔlɔsibaga ka kan fana, k’i janto hakili jigin kow ani ladilikanw wɛrɛw la minnu bɛ gafe kɔnɔ. O bɛ se k’a dɛmɛ, k’a dɔn ni kalan walawala cogo ka ɲi, ani a dabɔra min kama, ni o ɲɛsɔrɔla. Misali la, ɲinikali damadɔw bɛ ɲɛ 55 sanfɛla la, olu jateminɛ ani miiriya minnu bɛ dakun laban na ɲɛ 163.

¹⁵ Ka sɛbɛnni kɛ furancɛ jɛmanw kan: Ka fara kɛrɛfɛ furancɛ baw kan, L’École du ministère gafe kɔnɔ, sɛbɛnfura lankolow bilara gafe kɔnɔ walisa i ka se ka sɛbɛnniw kɛ a kan, i ka yɛrɛkalan tuma la, ani n’i bɛ Ala ka marako kalan na. (Ɲɛw 77, 92, 165, 243, 246, ani 250.) Dɔgɔkun o dɔgɔkun, sani k’i na, lajɛ la, a filɛ ni i ka gafe bɛ i kun. Ni jɛmukan fɔlɔ bɛ ka kɛ, o jɛmukan nɔminɛ, i ka gafe kɔnɔ. I ka gafe dayɛlɛlen to, fo ka taa lakɔli ban. Kalanso lakɔlɔsibaga bɛ ladilikanw minnu di olu sɛbɛn. Kalandenw bɛ fɛɛrɛ minnu tigɛ, kalan kɛcogo la, u bɛ ɲininkali minnu kɛ, ka misali minnu di, ani u ka kuma kɛcogoyaw, u bɛ fɛn minnu jira k’u yɛrɛ dɛmɛ, ani jɛmukɛlaw bɛ danfara minnu jira, kow ni ɲɔgɔn cɛ, i ɲɛmajɔ olu fɛ. N’i tora ka sɛbɛnni nafamaw kɛ, i na se ka segin u kan. I y’i timinandiya, ka yɔrɔ caman minnu tɔmɔ kalan kɔnɔ, i na olu ta, ka baara kɛ ni u ye.

¹⁶ Yesu tun b’a dɔn, ko ka Ala ka masaya kibaru duman weleweleda, o ye bonya bɛɛ la belebeleba ye, mɔgɔ bɛɛ bɛ se, ka i niyɔrɔ sɔrɔ min na. A ci kun bɛrɛbɛrɛ de ye o ye. (Marka 1:​38) A y’a fɔ: “Wajibi don, ne ka Ala ka masaya Kibaru Duman fɔ dugu tɔw fana la, katuguni o de ye ne ci kun ye.” (Luka 4:​43) An fana bɛ ka an yɛrɛkun bɛɛ di, kibaru duman weleweledali ma, bawo an sɔnna, a ka wele ma, ka tugu a kɔ, k’a ɲini tuma bɛɛ, ka dɔ fara an ka “tanuli saraka” cɛɲa kan. (Heb. 13:15) Walisa an ka se ka o kuntilenna sɔrɔ, an k’an jija, ka an sen don École du ministère théocratique la, o ye kalan ye min bɛna an dɛmɛ, k’an labɛn ko bɛɛ la nafama kama, ɲɛnamaya kɔnɔ.