Ala-ka-marako Cidenyabaara Kalan San 2004 kɔnɔna na
1 Jehowa bɛ mɔgɔ gansanw labɛn u ka baara kɛ min nafa ka bon ka se diɲɛ bɛɛ ma. A bɛ o kɛ siraw dɔ la kelen min fɛ, o de ye kalan-ladege ye, min bɛ kɛ dɔgɔkun o dɔgɔkun Ala–ka-marako Cidenyabaara kalanso la. Yali i fana sen bɛ o la k’a bɛn i seko bɛɛ ma wa? Zanwuyekalo, san 2004 la yɛlɛma dɔw bɛna kɛ, minnu dabɔra kalandenw dɛmɛ kama, u k’a nafa bɛɛ sɔrɔ.
2 Laadilikɛla-kankɔrɔsigi-baara bɛ kɛ ka bɔ ɲɔgɔn kɔrɔ: Balimakɛw minnu bɛ kalansen fɔlɔ ani Bibulu kalan nafamayɔrɔw kɛ, olu bɛ foli kɛ ka sabu kɛ u bɛ laadilikan sɔrɔ ka bɔ laadilikɛla kankɔrɔsigi fɛ. Jɛkuluw minnu kɔnɔ maakɔrɔw ka ca, minnu bɛ u ka baara ɲɛdɔn kosɛbɛ, laadilikɛla-kankɔrɔsigi-baara bɛ yɛlɛma san o san maakɔrɔw ni ɲɔgɔn cɛ. O cogo la baara doni bɛ tila; nka ka tɛmɛ o bɛɛ kan, maakɔrɔw ani cidenyabaara magannaw minnu bɛ u ka baara ɲɛdɔn olu bɛ nafa sɔrɔ ka bɔ jɛmukɛla waanɛ ani karamɔgɔ waanɛ suguyaw bɛɛ ka kodɔn kɔnɔ, olu kɛlen laadilikɛla kankɔrɔsigiw ye.
3 Dalafɔ-seginnkanni bolodalen: Ni jɛkulu bɛna kafo ka tile fila jamalajɛ kɛ, ni o bɛna bɛn dalafɔ-seginnkanni dɔgɔkun ma, o tuma la dɔgɔkun nata lajɛ bolodalen bɛ bila dalafɔ-seginnkanni (ani lajɛ tɔ) nɔ la, ka dalafɔ-seginnkanni lajɛ bila o dɔgɔkun nata lajɛ nɔ la. Nka a kun tɛ ka lajɛ bolodalen fila falen ɲɔgɔn na ni dalafɔ-seginnkanni ani dɔgɔkun kɛrɛnkɛrɛnnen bɛ bɛn ɲɔgɔn ma. Dɔnkili ani Jɛmu kɛcogo ɲuman ani Bibulu kalan nafamayɔrɔw bɛ to u nɔ la. Dɔgɔkun nata kalansen fɔlɔ de bɛ kɛ. (Kalansen fɔlɔ bɛ kɛ jɛmu kɛcogo ɲuman kɔfɛ) Bibulu kalan nafamayɔrɔw kɔfɛ, lajɛ min bɛ kɛ, o ye Masaya Cidenyabaara lajɛ ye saga 30 kɔnɔ. A bɛ se ka kɛ jɛmu saba ye, minnu kelen-kelen bɛ kɛ sanga tan kɔnɔ, walima jɛmu fila minnu kelen-kelen bɛ sanga tan ni duuru ta. (Ladɔnniyaliw tɛ kɛ tun, u sen bɛ bɔ a la) Masaya Cidenyabaara lajɛ kɔfɛ, dɔnkili bɛ da, o kɔfɛ kafo lakɔlɔsibaga ka jɛmu bɛ kɛ sanga 30 kɔnɔ. Dɔgɔkun nata Ala–ka-marako Cidenyabaara kalanso la, min bɛ kɛ o ye nin ye: Jɛmu kɛcogo ɲuman, Bibulu kalan nafamayɔrɔw, o kɔfɛ dalafɔ-seginnkanni bolodalen bɛ kɛ.
4 Ɲɛtaa bɛ sɔrɔ sira o sira fɛ, an ka nafa bɔ o la walisa an ka alako ka taa ɲɛ. Ni i bɛ nafa bɔ Ala–ka-marako Cidenyabaara kalanso la, i bɛ dusu don jɛkulu bɛɛ la o cogo la, i bɛ i sen don o cogo la Bibulu kiraya kumaw tiimɛli la, ani i bɛ nɔɔrɔ da Jehowa kan, ale min ye nin dakabana cikan tigi ye, an ka kan ka min weleweleda.—Es. 32:3, 4; Jir. 9:19.