Jɛkulu ka gafe kalan lakɔlɔsibaga dɛmɛ

¹ An bɛɛ kelen-kelen bɛ nafa sɔrɔ ka bɔ Jɛkulu ka gafe kalan na. Kalo tɛmɛnnen na, an tun kumana cogoyaw kan minnu b’a to jɛkulu ka gafe kalan lakɔlɔsibaga bɛ se k’a jɔyɔrɔ fa. Nka anw bɛ se ka mun kɛ k’a dɛmɛ, walisa an ni mɔgɔ wɛrɛw ka se ka nafa sɔrɔ?

² I ka ye lajɛ la dɔgɔkun o dɔgɔkun: Mɔgɔ minnu bɛ na gafe kalan lajɛ la, olu hakɛ ka dɔgɔ. O kosɔn, i ka ye lajɛ la, o jɔyɔrɔ ka bon. A kɛ i kuntilenna ye, i ka ye lajɛ la dɔgɔkun o dɔgɔkun. I bɛ se fana ka dɛmɛ min don, o ye ka to ka na ka bɛn waati ma. O bɛ a to lakɔlɔsibaga bɛ lajɛ daminɛ a tuma na.​—⁠1 Kɔr. 14:40.

³ Jaabi minnu bɛ ɲɛtaa sabati: Cogoya wɛrɛ min fɛ i bɛ se ka dɛmɛ kɛ, o ye k’i labɛn ka ɲɛ ani ka ɲɛfɔli nafaman kɛ, n’i bɛ jaabi di. Tuma caman, ɲɛfɔli min sinsinnen bɛ ko kelen dɔrɔn kan o de nafa ka bon ani o bɛ dusu don fana tɔw la, u ka ɲɛfɔli kɛ. I kana a ɲini ka dakun bɛɛ ɲɛfɔ yɔrɔnin kelen. Ni kalan yɔrɔ dɔ ye i dusu minɛ kosɛbɛ, i bɛ se ka o ɲɛfɔ i ka jaabi kɔnɔ, ka baro sankɔrɔta.​—⁠1 Piɛr. 4:​10.

⁴ Ni dakunw kalan, jɔyɔrɔ dira i ma, i timinnandiya k’o jɔyɔrɔ fa. Kalanjɛ kɛcogo ɲuman de bɛ kalan sankɔrɔta k’a kɛ nisɔndiya ko ye.​​—⁠1 Tim. 4:​13.

⁵ Ka waajuli kɛ ɲɔgɔn fɛ: Lajɛw minnu dabɔra waajuli kama olu sigilen bɛ sen kan gafe kalan jɛkulu caman fɛ, yanni waajuli ka daminɛ. N’i bɛ o fɛɛrɛ tigɛlenw sankɔrɔta, o bɛ lakɔlɔsibaga dɛmɛ a ka se ka jɛkulu ɲɛminɛ waajuli baara la. Fɛɛrɛ ninnu filɛ, i n’a fɔ sira minnu b’i magɛrɛ i balimaw la, ka dusu don u la.

⁶ Foro baara dantigɛli sɛbɛnw: Ka dantigɛli sɛbɛn di ni kalo sara, o ye dɛmɛ wɛrɛ ye lakɔlɔsibaga ma. I bɛ se ka dantigɛli sɛbɛn di lakɔlɔsibaga yɛrɛ ma, wala k’a bila dantigɛli sɛbɛn buwati kɔnɔ masaya so kɔnɔ. Jɛkulu ka sɛbɛnnikɛla bɛ dantigɛli sɛbɛnw bɛɛ sɔrɔ o buwati kɔnɔ, dantigɛli sɛbɛn minnu dalajɛra gafe kalan lakɔlɔsibagaw fɛ.

⁷ I bɛ o jɛ-ka-baara min kɛ ni gafe kalan lakɔlɔsibaga ye, o tɛ kɛ fɛn yebali ye, o bɛna tanu. Ka fara o bɛɛ kan, i bɛ se ka da a la, ko Jehowa bɛna “kɛ n’i ka ŋaniya jira ye.”​—⁠Fil. 4:​23.