Baara ka Lajɛ Bolodasira

Kɔlɔsili: Kafoba ka jamalajɛ bɛna kɛ waati minnu na, dɔgɔkun kelen-kelen bɛɛ ka Baara ka lajɛ bolodasira bɛna sɔrɔ An ka Masaya Cidenyabaara kɔnɔ. Jɛkuluw bɛ se ka yɛlɛmaw don o la, ka kɛɲɛ ni u magow ye, walisa mɔgɔw ka se ka taa kafoba ka jamalajɛ la, n’o tɔgɔ ye ko: “Masaya weleweledala timinandiw.” N’a bɛnnen don, Baara ka lajɛ laban tuma na, sani jamalajɛ ka kɛ, sanga 15 kɔnɔ, segin laadilikan jɔnjɔnw kan minnu ɲɛsinnen bɛ sigida magow ma, n’o bɛ Mɛkalo san 2002 farankan sɛbɛn kɔnɔ. A tuma na, Baara ka lajɛ kelen mumɛ bɛna bila jamalajɛ kalan yɔrɔ kolomaw segin nkanni kan. O la sa, walisa an ka se k’o labɛn, n’an bɛ jamalajɛ kɛnɛ kan tuma min na, an ka kalan nafamayɔrɔw sɛbɛn. An b’a fɛ ka kalan yɔrɔ kɛrɛnkɛrɛnnen minnu waleya an ka ɲɛnamaya kɔnɔ, ani foro la, an k’olu fana sɛbɛn. O la sa, an bɛ se ka an labɛn walisa k’a ɲɛfɔ cogo min na an ye o hakililaw waleya kabini an bɔra jamalajɛ la. N’an b’an tulomajɔ tuma min na tɔw b’a ɲɛfɔ u ye nafa min sɔrɔ o kalan na, o bɛna kɛ dusula­min ye an bɛɛ bolo.

Utikalo tile 12 nan dɔgɔkun

Dɔnkili 76

Sanga 13: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. La Tour de Garde ni Réveillez-vous! kuraw jiracogo fila labɛn. I ka baara kɛ ni hakililaw ye minnu bɛ An ka Masaya Cidenyabaara in kɔnɔ, walima kalo tɛmɛnnen ta kɔnɔ, sɔn-ni-sɔn gafenin kuraw jiracogo kan. Ni mɔgɔ dɔ ye baro kɔkari k’a fɔ ko: “Mun na aw bɛ taa bɔ mɔgɔw ye siɲɛ caman?” O kuma bɛ se ka jaabi cogo min na, i k’o ɲɛfɔ ɲɛjirali kelen-kelen bɛɛ la.​—⁠Comment raisonner gafe ɲɛ 20 nan lajɛ.

Sanga 20: “Kuntilennaw sigi alako baaraw la.”a Ni baro bɛ kɛ tuma min na dakun 5 nan kan, dusulamin kuma minnu bɛ Notre Ministère gafe ɲɛw 114-16 na, tutigɛbaga basigilen baara, ani Betɛl baara kan, o kumaw fɔ ka fara a kan.

Sanga 12: Ko minnu kɛra waajulikɛyɔrɔ la an sigida la. Tuma min na jɛkulu kɔnɔmɔgɔw tun ye baara kɛ ni Aimeriez-vous en savoir plus sur la Bible? sɛbɛndennin ye, u ye ko minnu kɛ, ani ko minnu bɔra o la waajulikɛyɔrɔ la, a ɲini u fɛ, u k’o fɔ. Yali Bibulu kalanw daminɛna ni mɔgɔw ye wa? Ni olu daminɛna, u sera k’o kɛ cogo min na, u k’o ɲɛfɔ, walima u y’o kɛ cogo min na foro la, u k’o jira ɲɛjiracogo kelen, walima fila la. “Cogo minnu b’an bolo ka sɛbɛndennin jɛnsɛn,” n’o ɲɛfɔlen bɛ san 2002 Zanwuyekalo An ka Masaya Cidenyabaara ɲɛ 4 nan na, o lajɛ.

Dɔnkili 123 ani kuncɛli delili.

Utikalo tile 19 nan dɔgɔkun

Dɔnkili 182

Sanga 12: Ladɔnniyaliw ka ɲɛsin sigida ma. Jatew dantigɛli. Baro kɛ “Don kelen jamalajɛ kɛrɛnkɛrɛnnen kalan bolodalen kura” kan. I sinsin a kan, k’o o bɛ don kelen jamalajɛ kɛrɛnkɛrɛnnen nataw de kan. A fɔ ka gɛlɛya ko an bɛɛ ka na joona, k’an tulomajɔ kalan kɛtuma na. Dusu don weleweledalaw kɔnɔ, u ka Bibulu kalandenw wele ka na o la, ani mɔgɔ kura fana minnu y’a jira ko kibaru duman ka di u ye.

Sanga 15: Mun bɛ u bali u ka baro kɛ an fɛ, u ka dannayakow kan? Baro kɛ ni lamɛnbagaw ye, ani ɲɛjirali. An ka cidenyabaara kɔnɔna na, an bɛ mɔgɔw bɛn, a man di minnu ye ka baro kɛ u ka dannayakow kan. O ye fɛn ye min bɛ se k’an bali ka Masaya cikan fɔ u ye. N’an b’a dɔn kun min na mɔgɔ dɔ b’a yɛrɛ minɛ a kana kuma, o bɛ se k’an dɛmɛ an ka kuma labɛn, min bɛna dusu don o tigi kɔnɔ, a ka a hakilila fɔ. Baro kɛ, k’a jira, an bɛ se ka an ka kuma fɔ ka kɛɲɛ cogo min na ni nin mɔgɔw ye: (1) Minnu ka dii­nɛko man bon, hali ka ɲɛsin u ka diinɛ, u bɛ min na. (2) Minnu nɔɔrɔlen bɛ kosɛbɛ diinɛ laada­lakow la, u bangebagaw ni u bɛnbaw ye minnu sirataama. (3) A ka gɛlɛn minnu ma ka kuma u ka dannayakow kan, bawo Bi­bulu dɔnniya bɛrɛ tɛ u la walisa k’a jira k’u dalen bɛ min na, k’o ye tiɲɛ ye. (4) miiri juguw bɛ minnu na ka ɲɛsin an ma, k’a da mɔgɔ lafili kumaw kan. Mɔgɔ suguya wɛrɛw kɛ ka mɔgɔ kofɔlenw dafa ka kɛɲɛ ni sigida cogoya ye. Mɔgɔw kɛcogo ye minnu ye tuma caman na i sigida la, i sinsin o de kan. I bɛ se ka kɛ cogo min na mɔgɔ ka da don ni nisɔndiya ye Bibulu kan baro la, i ka ɲɛjirali surun kɛ o kan.

Sanga 18: “Ni i baramɔgɔ dɔ ye Ala ka sira bila fo a gɛnna ka bɔ jɛkulu la, kantigiya jira ka kɛɲɛ ni kerecɛnya sira ye.”b (Dakunw 1-8) O bɛ kɛ maakɔrɔ fɛ, kodɔn (walima ɲɛdɔn) min bɛ min na kosɛbɛ. A bɛ baara kɛ ni ɲininkali sɛbɛnnenw ye. Balimakɛ min bɛ se kalanjɛ la kosɛbɛ, o bila ka dakun kelen-kelen bɛɛ kalan.

Dɔnkili 136 ani kuncɛli delili.

Utikalo tile 26 nan dɔgɔkun

Dɔnkili 189

Sanga 10: Ladɔnniyaliw ka ɲɛsin sigida ma. Baara kɛ ni hakililaw ye minnu bɛ An ka Masaya Cidenyabaara in, walima kalo tɛmɛnnenw ta kɔnɔ, i ka sɔn-ni-sɔn gafenin bɔlen kuraw jiracogo fila labɛn. Tutigɛbaga basigilen, walima tutigɛbaga farankan dɔ bila ka ɲɛjirali kɛ La Tour de Garde kan, ka jɛkulu weleweledala dɔ bila ka ɲɛjirali kɛ Réveillez-vous! kan. Dusu don weleweledalaw bɛɛ kɔnɔ, u ka Bibulu tɛmɛsira dɔ ta, n’u bɛ ka sɔn-ni-sɔn gafeninw jira.

Sanga 17: “Kɛ mɔgɔ ye min don ka di mɔgɔw la, min bɛ kumaɲɔgɔnya kɛcogo dɔn.”c I ka kuma laban na, dusu don weleweledalaw kɔnɔ u ka Tirez profit de l’école du ministère théocratique gafe ta ka masalakun lajɛ, n’o ye “Comment améliorer vos conversations” ye, a ɲɛw 62-5 la. Ni o gafe tɛ yen, dusu don u kɔnɔ u ka Awirilikalo tile 8 Réveillez-vous! ɲɛw15-18 lajɛ.

Sanga 18: “Ni i baramɔgɔ dɔ ye Ala ka sira bila fo a gɛnna ka bɔ jɛkulu la, kantigiya jira ka kɛɲɛ ni kerecɛnya sira ye.”d (Dakunw 9-​14) O bɛ kɛ maakɔrɔ fɛ kodɔn, (walima ɲɛdɔn) bɛ min na kosɛbɛ. A bɛ baara kɛ ni ɲininkali sɛbɛnnenw ye. Balimakɛ min bɛ se kosɛbɛ kalanjɛ la, o bila ka dakun kelen-kelen bɛɛ kalan.

Dɔnkili 125 ani kuncɛli delili.

Sɛtanburukalo tile 2 nan dɔgɔkun

Dɔnkili 84

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Utikalo baara dantigɛli sɛbɛn di. “Lisez avec vos enfants” barokun. Nafa min bɛ o la, o jira kuma surun na. O barokun bɛ Mɛkalo tile fɔlɔ san 1999 La Tour de Garde kɔnɔ, a ɲɛ 25 nan na.

Sanga 20: I labɛn k’a sɔrɔ ka bɔ. Baro ani ɲɛjirali. K’i labɛn koɲuman, o b’a dɛmɛ ka nɔ ɲuman bɔ an ka cidenyabaara la. O la sa, i ka kɔn ka nin kow kɛ: (1) I mago bɛna kɛ sɛbɛn minnu na, i k’olu ɲini. (2) I ka da a la ko sɛbɛnnikɛlan, ani du-ni-du sɛbɛn caman b’i bolo. (3) Ni i ka kan ka mobili ta, i ka labɛn kɛ ka bɛn ni o ye. (4) I y’a boloda ka segin-ka-bɔnye minnu kɛ, i ka miiri olu la. (5) I bɛna min fɔ, i k’o labɛn. Ni i ka kan ka foro baara lajɛ ɲɛminɛ, i ka waajulikɛyɔrɔ ɲini minnu bɛna labɔli kɛ. Création gafe bɛ jira cidenyabaara la, Sɛtanburukalo la. O jiracogo fila walima baro kɛ ni waajulikɛlaw ye. Gafe jiracogo minnu kofɔlenw bɛ, i ka kelen ta olu la, ka ɲɛjirali kɛ, ka Bibulu tɛmɛsira kelen don o baro la.

Sanga 15: Sigida magow. Walima, a ɲini jɛkulu kɔnɔmɔgɔw fɛ, u k’a fɔ, u ye mun kɛ ani mun bɔra o la u kɛtɔ ka kibaru duman fɔ mɔgɔw ye mobiliw kɔnɔ, jirimayɔrɔ labɛnnenw mɔgɔw ka lafiya kama, jagokɛyɔrɔw la, ani jama bɛ sɔrɔ kɛnɛ wɛrɛ minnu kan. Ɲɛjirali kelen, walima fila kɛ olu kan. U k’a kɛ i n’a fɔ u bɛ foro la.

Dɔnkili 99, ani kuncɛli delili.

[Footnotes]