Kuntilennaw Sigi alako baaraw la

¹  I y’a dɔn o na kɛ an bolo bonya ye, ka Jehowa tanu badaa badaa! Walisa o kuntilenna ka sira sɔrɔ, an bɛ se, kabini sisan, ka kuntilennaw sigi alako baaraw la, ka an jija walisa u ka sira sɔrɔ. O b’a to an bɛ se, hakilitigiya la, ka baara kɛ n’an barikaw ye. An bɛ se ka kuntilenna jumɛnw sigi sen kan ni o bɛ se ka sira sɔrɔ tiɲɛ na ?

² Bibulu Kalan: Yala i b’i yɛrɛ labɛn ka na jɛkulu ka lajɛ kelen-kelen bɛɛ la wa? N’a sɔrɔla ko e b’o de kɛ, yala i ka yɛrɛlabɛn kalan kɛtuma na, yali i bɛ waati ta kɛrɛnkɛrɛnneya la, ka ɲinini kɛ gafew kɔnɔ, ani ka hakili jakabɔ kɛ wa? Misali la, n’i bɛ ka Tour de Garde labɛn, i bɛ tiriw dɔrɔn de ci jaabiw jukɔrɔ waa, walima i bɛ Bibulu tɛmɛsiraw sɛbɛnnenw fana lajɛ, ani ka taasi, kunw na, kun minnu y’a to ɲɛfɔliw dira wa? Bibulu yɔrɔ minnu bɛ di ka kalan Ala-ka-marako cidenyabaara kalan na, yala i bɛ se ka a kɛ i kuntilenna ye ka ɲinini kɛ o yɔrɔ dɔw kan dɔgɔ­kun o dɔgɔkun wa? I bɛ o alakow fɛsɛfɛsɛli min kɛ, fo ka waati ta o kama, wa a ko tɛ taa jija kɔ fana, nka baraji caman b’o la alako ta fan fɛ.​—⁠Ntal. 2:​4, 5.

³ Jɛkulu ka Lajɛw: Kuntilenna wɛrɛ ye ka jɛkulu ka lajɛ duuru bɛɛ matarafa. Ka to ka na joona lajɛw la walisa ka baro kɛ ni balimaw ye, ka Jehowa tanuli dɔnkili da ni tɔw ye, ani ka delili kɛ ni tɔw ye, o bɛ miiriya ɲuman sigi jɛkulu kɔnɔ. An bɛ se ka an jija ka jaabi di lajɛw tuma la, ani ka an labɛn walisa ka jaabi ɲumanw di. Bibulu tɛmɛsiraw minnu bɛ dakun kɔnɔ, o ni barokun bɛ ɲɔgɔn minɛ cogo min na, i bɛ se ka o jira. Walima, i bɛ se ka a jira, o yɔrɔ bɛ sirataama cogo min na an ka don o don ɲɛnamaya kɔnɔ.​—⁠Heb. 10:​24, 25.

⁴ Foro Baara: An ka cidenyabaara bɛ ɲɛ ka taa a fɛ kosɛbɛ ni an bɛ kuntilennaw sigi a la. Yala kalo o kalo la, i ye waati hakɛ dɔ sigi foro baara kama, ka o kɛ i kuntilenna ye wa? Dɔw y’a ye k’o bɛ mɔgɔ dɛmɛ. I bɛ se wa, ka ɲɛtaa fana ɲini cidenyabaara taabolo dɔ la, i n’a fɔ, ka baara kɛ ni Bibulu ye so-ni-so waajuli la; ka segin-ka-bɔnye ɲumanw kɛ, k’i seko bɛɛ kɛ walisa i ka mɔgɔ sɔrɔ ka Bibulu kalan kɛ a kun; walima ka to ka kalancogo ɲumanw kɛ i ka bibulu kalandenw kun wa?

⁵ Bangebagaw, yali aw bɛ ka dusu don aw denw kɔnɔ u ka kuntilennaw sigi Jehowa ka baara la wa? Aw y’u dɛmɛ u ka a faamu ko, ka kɛ tutigɛbaga ye, walima ka baara kɛ Betɛli la, o ye cogoya cɛɲumanba de ye k’a jira Jehowa la k’u b’a waleɲumandɔn kosɛbɛ.​—⁠Ekl. 12:⁠1.

⁶ An ka anw ka alako baaraw sɛgɛsɛgɛ, ka kuntilennaw sigi u la, ka an jija walisa u ka sira sɔrɔ. Dɔ bɛna fara an ka nisɔndiya kan an ka cidenyabaara la, wa an na kɛ sababu ye ka dusu don tɔw kɔnɔ.​​—⁠Rom. 1:​12