Mun bɛ se ka fɔ sɔn-ni-sɔn gafeninw ko la?

La Tour de Garde 15 avril

“U mana kɛ sigiyɔrɔ o sigiyɔrɔ la, mɔgɔw b’u janto u yɛrɛ lakanali la, i n’a fɔ k’a ɲini ka baara ɲuman sɔrɔ, wa, ka se k’o mara fana. Nka, yali e ma deli k’a miiri ko lakanali sabatilen bɛ sɔrɔ min bɛ an tanga badaa badaa wa? [Zaburu 16:​8, 9 kalan.] Nin La Tour de Garde in b’a fɛsɛfɛsɛ, k’a jira lakanali sɛbɛ bɛ se ka sɔrɔ yɔrɔ min na.”

Réveillez-vous! 22 avril

“Ni i ye diinɛ dɔnnenw jateminɛ bi, i b’a ye ko mɔgɔ caman bɛ ka bɔ u la, ka Ala bato u yɛrɛw ka cogoya la. I bɛ mun miiri o ko la? [A to a k’i jaabi.] Bibulu b’a jira ko mɔgɔ bɛ Ala bato cogo min na, o cogo nafa ka bon kosɛbɛ Ala bolo. [Yuhana 4:24 kalan.] An bɛ se ka an ka Alako magow ɲɛ koɲuman cogo min na, nin Réveillez-vous! in bɛ kuma o kan.”

La Tour de Garde 1er mai

“An bɛɛ bɛ mɔgɔ dɔ dɔn banajugu bɛ min na, walima mɔgɔ dɔ min kɛra dɛsɛbagatɔ ye farikolo ta fan fɛ, k’a sababu kɛ bana ye. Siga t’a la k’i bɛ sɔn a ma k’o mɔgɔ suguw mago bɛ dusulamin na. Nka, an bɛ se ka mun fɔ o tigiw ye walasa ka dusu don u kɔnɔ? Jigitugu kumaw bɛ sɔrɔ Bibulu kɔnɔ. [Esayi 35:​5, 6 kalan.] Kun min b’a to an bɛ se ka da a la ko o kiraya kuma in bɛna tiimɛ, nin La Tour de Garde in b’o ɲɛfɔ.”

Réveillez-vous! 8 mai

“Salon, bɛn gɛlɛyara diɲɛ kɔnɔ iko a ɲɔgɔn ma deli ka kɛ fɔlɔ. E miiri la, yali hadamadenw fangaw bɛna se ka bɛn sabati diɲɛ mumɛ bɛɛ kɔnɔ wa? [A ka jaabi kɔfɛ, Esayi 2:4 kalan.] Kun min b’a to an bɛ se ka da a la ko sɔɔni bɛn bɛna sigi diɲɛ bɛɛ kɔnɔ, nin Réveillez-vous! in b’o ɲɛfɔ.”