Baara ka Lajɛw Bolodasira

Nowanburukalo tile 12nan dɔgɔkun

Dɔnkili 170

Sanga 8: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ.

Sanga 15: “An ka dannaya da Jehowa kan walasa ka fanga sɔrɔ.”a Ɲɛfɔli minnu bɛ san 1999 Ɔkutɔburukalo tile fɔlɔ La Tour de Garde kɔnɔ, a ɲɛw 18-19 na, a dakunw 6-8 la, olu fɔ kuma surun na ka fara a kan.

Sanga 22: “An bɛ nafa sɔrɔ ka kɛɲɛ n’an ka cɛsiriw ye.” Jɛmu ani jama fɛ baro don min sinsinnen bɛ sɛbɛn in farankan barokun kan. O ka kan ka kɛ jɛkulu makɔrɔ fɛ. Barokun hakililataw bɛn jɛkulu ma. Ni waati bɛ, dakunw ani tɛmɛsiraw bɛ se ka kalan.

Dɔnkili 191 ani kuncɛli delili.

Nowanburukalo tile 19nan dɔgɔkun

Dɔnkili 172

Sanga 8: Ladɔnniyaliw ka ɲɛsin sigida ma. Jatew dantigɛli.

Sanga 15: Sigida magow.

Sanga 22: “An ka dɔ fara ko faranfasi dɔnniya kan.”b Don kɛrɛnkɛrɛnnen jamalajɛ kalan min kɛra salon ala-ka-marako san kɔnɔna na, maakɔrɔ dɔ bɛ o seginkanni kɛ cogo ɲɛnama na.

Dɔnkili 195 ani kuncɛli delili.

Nowanburukalo tile 26nan dɔgɔkun

Dɔnkili 177

Sanga 15: Ladɔnniyaliw ka ɲɛsin sigida ma. Bɛɛ hakili jigin u k’u ka Nowanburukalo baara dantigɛli sɛbɛnw di. Baara kɛ ni hakililataw ye minnu bɛ “Mun bɛ se ka fɔ sɔn-ni-sɔn gafeninw ko la?” yɔrɔ la. Ɲɛjirali labɛnnen koɲuman fila kɛ sɔn-ni-sɔn gafenin jiracogo kan. (U ka sinsin La Tour de Garde ani Réveillez-vous! kan minnu bɔra kɔsa in na.) N’an bɛ baara kɛ ni Parole de Dieu gafe ye, walima ni Desanburukalo sɛbɛn jirata wɛrɛw ye, an bɛ se k’u jiracogo sɔrɔ yɔrɔ minnu na, a bɛ tila k’o ɲɛfɔ. I ka ɲinini kɛ Index des publications de la Société Watch Tower sɛbɛn kɔnɔ, “Présentation” (Kuma jiracogow) yɔrɔ la kumakunnin jukɔrɔ n’o ye “Liste par publications” (Sɛbɛnw tɔgɔ jiralen bɛ ka tugu ɲɔgɔn na). Misali kelen walima fila fɔ.

Sanga 15: “Ne bɛ se ka waati sɔrɔ min?” Jɛmu ani baro bɛ kɛ lamɛnbagaw fana fɛ. San 2000 Ɔkutɔburukalo tile fɔlɔ La Tour de Garde, ɲɛw 20-1, a dakunw 9-10, sɛbɛnni kunbaba finmanw jukɔrɔ, min ye ko: “Comment certains trouvent le temps d’étudier.” (Dɔw bɛ waati sɔrɔ cogo min na walasa ka kalan kɛ) Dɔw ye fɛɛrɛ ɲuman minnu tigɛ ka ko nafantanw bɔ u senkɔrɔ, walasa u ka waati sɔrɔ ko nafamaw kama, a ɲini lamɛnbagaw fɛ u k’olu fɔ. Nafa min b’a la ka waati boloda yɛrɛkalan, denbaya ka kalan, jɛkulu ka lajɛw, foro baara, ani don o don Bibulu kalan kama, i k’i sinsin o kan.

Sanga 15: Funankɛninw bɛ Jehowa tanu. Baro bɛ kɛ lamɛnbagaw fɛ. Funankɛw bɛ jɛkulu fanba kɔnɔ. A bɛnnen don u ka wajuli kɛ hali ni o b’a sɔrɔ u ka wajuli kɛ tuma caman na mɔgɔkɔrɔbaw fɛ. (Zab. 148:12, 13; Mat. 21:15, 16) Ni bangebagaw ani weleweledala wɛrɛw b’u mago don funankɛw la, k’u dege, ka dusu don u kɔnɔ, denmisɛnw na nisɔndiya kosɛbɛ foro baara la. A ɲini lamɛnbagaw fɛ u ka cogo dɔw fɔ, cogo minnu fɛ funankɛw bɛ se k’u sen don da ni da ani segin-ka-bɔnye baara la. Bangebagaw ɲininka u ka fɔ u ye min kɛ walasa k’u denw dɛmɛ sɔn-ni-sɔn gafeninw jira cogo la, Bibulu tacogo la u ka kuma jiracogo la, ani ka kuma ni daŋaniya ye daw la. Ka denw tanu u ka baara la, i sinsin o nafa fana kan. Weleweledala funankɛ kelen walima fila ɲininka, wa, a to u k’a fɔ, u ye nisɔndiya min sɔrɔ wajuli baara la ani mun na.

Dɔnkili 198 ani kuncɛli delili.

Desanburukalo tile 3nan dɔgɔkun

Dɔnkili 179

Sanga 8: Ladɔnniyaliw ka ɲɛsin sigida ma. Bɛɛ hakili jigin u k’u ka Nowanburukalo baara dantigɛli sɛbɛnw di ni u m’a kɛ fɔlɔ.

Sanga 17: An ka Comment raisonner (Hakilijakabɔ) gafe kɔnɔkow dɔn. Jama fɛ baro. Fɛn caman bɛ a kɔnɔ minnu nafa ka bon kosɛbɛ Bibulu kalansiraw ɲɛfɔli la. An ka nin misaliw lajɛ: “Masaya,” (Ɲɛw 335) walima “Hakili” (Ɲɛ 135-6); bayɛlɛmaɲɛ caman kɔnɔ Ala tɔgɔ yɛlɛmana cogo minnu na, ani yɔrɔ minnu na Bibulu kɔnɔ, a b’o jira (ɲɛw 195-96) walima jahanama ye fɛn min ye tiɲɛ na (ɲɛw 123-25); Jehowa Seerew ka dannako minnu b’u faranfasiya ka bɔ diinɛ tɔw la (ɲɛ 393-95) walima diinɛ min ye tiɲɛ ye, mɔgɔ bɛ se k’a dɔn cogo min na (ɲɛ 316-18); tariku ko minnu bɛ Nɔwɛli daminɛcogo jira (ɲɛ162-64) walima Krecɛn fɔlɔw sen tun tɛ diɲɛ ko fosi la cogo min na (ɲɛ 267-69); siansi ka ko minnu b’a jira ko dali ye tiɲɛ ye (ɲɛ 73-74) walima marijuana ni sara minni bɛ bɔnɛ min lase mɔgɔ ma, a b’o jira (ɲɛw 11-16). Dusu don weleweledalaw kɔnɔ u ka baara kɛ ni nin dɛmɛnan ɲuman ye walasa ka kalan kɛ tuma o tuma ni cogo sɔrɔla foro baara la.

Sanga 20: “Ka waleɲumandɔn jira Jehowa ka kanuya ko la, dugawuw b’o la—Yɔrɔ fɔlɔ.”c Ni baro bɛ kɛ dakunw 3-6 kan, a ɲini jɛkulu fɛ a ka kuma dusulaminko dɔw kan, u ye ko minnu sɔrɔ du-ni-du, nbɛdaw la seereya, ani segin-ka-bɔnyew, ni Bibulu kalan kɛli baara la.

Dɔnkili 200 ani kuncɛli delili

[Footnotes]

ALA-KA-MARAKO KIBARUYAW

◼ Benɛn: Benɛn jamana ye nisɔndiya sɔrɔ ko cayalenba kura sɔrɔla weleweledalaw hakɛ la. U kɛra weleweledala 6501 ye. Ka fara o kan, Masaya So kura fila kurunbokari kɛra. N’Venamede ta kɛra Kotonu, Azove ta kɛra jamana tile bin yanfan na. Azove jɛkulu weleweledala 40 ye nisɔndiya sɔrɔ ka mɔgɔ 544 ladon o ko la.

◼ Togo: O jamana ye nisɔndiya sɔrɔ ka Masaya So 3 kurunbokari kɛ Zuluyekalo kɔnɔna na. O Masaya So saba la, fila bɛ jamana tintinbaw yɔrɔ la. O ye Adeta jɛkulu ye min ye mɔgɔ 170 ladon, Glito ye mɔgɔ 194 ladon. Lome dugu kɔnɔ, Wuti kin ka jɛkulu fila nisɔndiyara ka mɔgɔ 595 ladon u ka Masaya So kurunbokari la.