Baara ka Lajɛw Bolodasira

Ɔkutɔburukalo tile 8nan dɔgɔkun

Dɔnkili 109

Sanga  10:  Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ. Dusu don bɛɛ kɔnɔ u ka Unis grâce à l’enseignement divin videyo lajɛ, ka baro labɛn, baro min bɛna kɛ o kan, Ɔkutɔburukalo tile 22nan dɔgɔkun Baara ka Lajɛ senfɛ.a

Sanga 15:  “Bibulu hakililata sarakadeli kan.” Maakɔrɔ dɔ bɛna o baro bɔ. I ka kalan bɛn sigida cogoyaw ma. I ka sinsin a kan ni Bibulu ye k’a jira ko sarakadeli tɛ Krecɛn danbe ye.

Sanga 20: “Yali n ka kan ka dɛmɛ ɲini kɔkanjamanaw na wa?” Jama fɛ baro.

Dɔnkili 151 ani kuncɛli delili

Ɔkutɔburukalo tile 15nan dɔgɔkun

Dɔnkili 113

Sanga 10:  Ladɔnniyaliw ka ɲɛsin sigida ma. Jatew dantigɛli.b

Sanga 15: Yali “kanminɛni dusukun” b’aw fɛ wa? (1Mas. 3:9, NW) Jɛmukan don min bɛ kɛ maakɔrɔ dɔ fɛ; a bɛ tali kɛ san 1998 Zuluyekalo tile 15 La Tour de Garde la, a ɲɛ 29-31 na. Cogoyaw minnu fɛ an bɛ se ka kanminɛni kɛ k’an ni jɛkulu to baara la ɲɔgɔn fɛ, i ka kuma olu kan.

Sanga 20: I ka baara ɲuman kɛ n’i ka sɔn-ni-sɔn gafeninw ye. Baara lakɔlɔsibaga ani sɔn-ni-sɔn gafeninw ɲɛnabɔbaga bɛ kuma, k’u mago don sɔn-ni-sɔn gafeninw tilatilali ma sigida la. Jɛkulu bɛ hakɛ min sɔrɔ kalo o kalo, u bɛ kuma o kan, k’o suma ni hakɛ ye min bɛ di mɔgɔw ma foro kɔnɔ. A bɔlen b’a fɛ ko sɔn-ni-sɔn gafeninw den caman maralen don so kɔnɔ, walima u filila. Weleweledalaw bɛ se ka baara ɲuman kɛ n’an ka sɔn-ni-sɔn gafeninw ye cogo di? Balimaw bɛ baro kɛ yɔrɔ wolonwula kan minnu bɛ sɔrɔ Baara ka lajɛw bolodasira la, san 1999 Ɔkutɔburukalo tile 4nan dɔgɔkun Baara ka lajɛ la, barokun min tɔgɔ ko “I k’i mago don sɔn-ni-sɔn gafeninw na!” U bɛ segin ko kɛlen kan min bɛ sɔrɔ san 1998 Feburuyekalo tile 15 La Tour de Garde kɔnɔ, a ɲɛ 28-29 na, ka tila k’a lajɛ cogo minnu na hakililataw bɛ se ka sirataama sigida la. A ɲininen bɛ bɛɛ fɛ u ka kuma daminɛ cogo sifilɛ, o minnu bɛ sɔrɔ kalo o kalo An ka Masaya Cidenyabaara kɔnɔ.

Dɔnkili 156 ani kuncɛli delili

Ɔkutɔburukalo tile 22nan dɔgɔkun

Dɔnkili 120

Sanga 10: Ladɔnniyaliw ka ɲɛsin sigida ma.c

Sanga 10: Aw bɛna jaabili kɛ cogo di? Dala teliya la, i ka Raisonner gafe ɲɛ 399-400 jira, yɔrɔ min na jaabi jɛlen dilen bɛ nin ɲininkali la, ko: “Comment les Témoins de Jéhovah arrivent-ils à leur explication des Ecritures?” (Jehowa Seerew b’a kɛ cogo di ka Bibulu ɲɛfɔ?) I ka ɲɛjirali sɛbɛkɔrɔ-labɛnnen kɛ k’a jira cogo min na o ɲininkali bɛ se ka jaabi segin-ka-bɔnye senfɛ; o segin-ka-bɔnye kɔfɛ, dusumandiya weleli bɛ bila o tigi ma a ka na jɛkulu ka lajɛw la.

Sanga 25: “Unis grâce à l’enseignement divin— Ɲɛmadali kelenya lakika ma balimaya la.” Jama fɛ baro. I ka dakun fɔlɔ ni laban kɛ ka dantigɛli ni kuncɛli kɛ. Walasa ka baro ɲɛnama kɛ videyo kan, i ka ɲininkali lawulilenw bɛɛ kelen-kelen jaabi. Ni dɔw bɛ jɛkulu kɔnɔ minnu taara jamalajɛw la jamana wɛrɛw la, siɲɛ fɔlɔ min na u y’an ka jɛkuluba kundama n’a ka kelenya ye jamanaw ni ɲɔgɔn cɛ, u k’u dusukunnataw fɔ o la. Ni mɔgɔ si ma taa jamalajɛw la jamana wɛrɛw la, kɔnɔnajɛyako kɛlen dɔw lakalilen bɛ Annuaire 1994 kɔnɔ, a ɲɛ 7-9 na, ani Annuaire 1995 kɔnɔ, a ɲɛ 8-11 na. Desanburukalo la, an na Jusqu’aux extrémités de la terre videyo lajɛ.

Dɔnkili 47 ani kuncɛli delili

Ɔkutɔburukalo tile 29 dɔgɔkun

Dɔnkili 164

Sanga 12: Ladɔnniyaliw ka ɲɛsin sigida ma.d I ka weleweledalaw hakili jigin u k’u ka Ɔkutɔburukalo baara dantigɛli sɛbɛn di. Nowanburukalo la, sɛbɛn jirataw na kɛ Comment assurer votre survie et hériter d’une nouvelle terre; Le bonheur—Comment le trouver? walima “Que ton royaume vienne!” I ka ɲɛjirali kɛ nin kuma daminɛ cogo kan: “Nin sɔrɔko dɛsɛ tuma in na, diɲɛnatigɛ gɛlɛyara mɔgɔ caman bolo. Yali i ka miiri la, hadamadenw ka gɔfɛrɛnamanw bɛna nin kunko ɲɛnabɔ cogo la min bɛna bɛn bɛɛ ma wa? [I ka jaabi makɔnɔ.] N y’a sɔrɔ ko Bibulu ka nin layidu bɛ mɔgɔ dusu lamin.” I ka Zaburu 72:​12-14 kalan. O kɔfɛ, i ka gafe jira, ka ɲɛfɔli bɛnnen kɛ sɛbɛn kofɔlen kan.

Sanga 15: Jɛkulu magow.

Sanga 18: “I bɛ se k’i yɛrɛ balo ka ɲɛ cogo di alako ta fan fɛ?”e Jama k’a da don baro la; a k’i sinsin san 1997 Awirilikalo tile 15 La Tour de Garde kan, a ɲɛ 28-31 na, k’a ɲɛfɔ mun kama ani cogo jumɛn na an ka kan k’an yɛrɛw dege dumuni kɛ cogo ɲuman na alako ta fan fɛ, k’o kɛ an delina ye.

Dɔnkili 181 ani kuncɛli delili

Nowanburukalo tile 5nan dɔgɔkun

Dɔnkili 167

Sanga 10: Ladɔnniyaliw ka ɲɛsin sigida ma.f

Sanga 18: Denbaya labɛnni lajɛw kama. Dutigi dɔ n’a ka denbaya bɛ kuma, k’a lajɛ cogo min na bɛɛ bɛ se k’i labɛn walasa a bɛ a ta min kɛ lajɛw la, o ka labɔli kɛ. U kɛtɔ k’u sinsin baarakɛsiraw kan minnu bɛ sɔrɔ san 1999 Zuluyekalo tile fɔlɔ La Tour de Garde kɔnɔ, a ɲɛ 19-20 na, u bɛ jaabi dɔw labɛn u bɛ taa minnu di nin dɔgɔkun La Tour de Garde kalan tuma na. (1) Denbaya mɔgɔ kelen-kelen bɛɛ bɛ ɲininkali kelen walima fila sugandi, a bɛna jaabi di minnu kan. (2) U mana dakun sugandilenw lajɛ ko kura, u b’u ka jaabiw labɛn u yɛrɛw ka kuma fɔcogo la. (3) U bɛ Bibulu tɛmɛsira kofɔlenw ta, k’a jira u ni barokun bɛ tali kɛ ɲɔgɔn na cogo min na; o kɔ, u bɛna min fɔ, u b’a lajɛ k’o ni tɛmɛsiraw ni kalansen bɛn ɲɔgɔn ma. U bɛɛ kɔrɔtɔlen don k’u ta kɛ lajɛ la.

Sanga 17: “U kuntilenna ye mun ye?”g Nafa min b’a la ka kalandenw dɛmɛ u ka lajɛ la taali jɔyɔrɔ faamu, i k’i sinsin o kan. I ka ɲɛjirali sɛbɛkɔrɔ-labɛnnen kɛ min b’o kɛcogo jira; i k’o kɛ Dɔnniya masalakun 17nan kan, a dakun 6-8 na.

Dɔnkili 186 ani kuncɛli delili.

[Footnotes]

Bibulu hakililata sarakadeli kan

¹ A bɔlen b’a fɛ ko sarakadeli walima sarakaminɛ daminɛna kɔrɔn fɛ jamanaw na, kabini tuma janba la. O la sa, koba don k’a ye ko kabini Israɛl jamana sigituma na fo ka se a don tuma ma jɔnya la Babilɔnɛ jamana kɔnɔ, Heburukan Kitabuw ma fɛn fɔ min b’a jira ko sarakadeli tun tɛ yen cogo si la o waati la; u m’a fɔ fana ko gɛlɛya kɛrɛnkɛrɛnnen tun don Israɛl jamana kɔnɔ. U bɔtɔ Misira jamana n’u ka jɔnya la, Israɛldenw “ye warijɛ fɛnw ni sanu fɛnw ni finiw deli Misirakaw fɛ. . . . U ye Misirakaw bolofɛn dilenw cɛ.” (Eki. 12:35, 36) Nka, o kɛra ka kɛɲɛ ni Ala ka ci fɔlen n’a ka kiraya kuma ye; wa, o tun bɛ filɛ iko u ka jɔnya san janw baara wodatuguli ye; tilenbaliya kow wodatuguli fana tun don, tilenbaliya ko minnu dara u kan Misirakaw fɛ. (Eki. 3:21, 22; Dut. 15:12-15.) O tun tɛ sarakadeli ko daminɛ ye.

² Yesu n’a ka cidenw tile la, fiyentɔw, segelentɔw ni banabaatɔw tun ye sarakadelila dɔw ye. A dɔ rɔ, ɲɛjalandimi (ɲɛ bana min ka ca kɔrɔnna cɛmancɛ jamanaw na) de ye o cɛ dɔw ɲɛw fiyen. (Mar. 10:​46-49; Luka 16:20, 22; 18:35-43; Yuh. 9:1-8; Kɛw. 3:2-10) Iko sarakadelilaw b’a kɛ bi cogo min na, tuma caman na sarakaminɛnaw tun bɛ ye sirabaw da la, walima jama sɔrɔ yɔrɔw kɛrɛfɛ, i n’a fɔ batoso. Hali ni sarakadili tun jatelen don, mɔgɔw tun tɛ sarakadelilaw jate. O de la, Yesu ka ntalen dɔ la, nafolo kunnasigibaga y’a fɔ ko, “delili maloya bɛ ne la.”−Luka 16:⁠3

³ Hali ni sarakadelilaw hinɛ tun bɛ Yesu n’a ka kalandenw la, u ma kɛ sarakadeli kolonkolonbaaw ye; hali n’u sɔnna ni waleɲumandɔn ye mɔgɔw k’u ladon, u tun tɛ sarakadeli kɛ. Yesu y’a fɔ mɔgɔ ye minnu tun b’a nɔfɛ nbuuru dama kama ko u ka baara kɛ, “nka dumuni banta kama tɛ, fo dumuni min bɛ to fo ɲɛnamaya banbali la.” (Yuh. 6:26, 27) Piɛrɛ y’a fɔ sarakadelila segelentɔ dɔ ye batoso yɔrɔ la ko: “Wari ni sanu tɛ ne fɛ, nka min bɛ ne fɛ, ne bɛ o de di i ma,” k’a ka alako nilifɛn kɛ ka cɛ kɛnɛya. (Kɛw. 3:⁠6) Hali k’u kɔngɔtɔ to tuma dɔw la, k’u to so ntanya ni fini dɛsɛ la, cidenw tun b’u magan, ‘ka baara kɛ ni u yɛrɛw bolow ye, su fara tile kan, walisa u kana kɛ tɔw ka doni ye.’ (1 Kɔr. 4:​11, 12; 1 Tes. 2:⁠9) Krecɛnw ka namu tun ye nin ye: “Ni dɔ ma sɔn ka baara kɛ, o kana dumuni kɛ fewu.”−2 Tes. 3:​10-12.

“Yali n ka kan ka dɛmɛ ɲini kɔkanjamanaw na wa?”

¹ Tuma kelen-kelen na, weleweledala dɔw bɛ sɛbɛn ci Jehowa Seerew ka tɔnbolofara dɔ ma kɔkanjamanaw na, ka fɛn sifa caman ɲini. Misali la, dɔw bɛ lɛtɛrɛfalenɲɔgɔnw ni furuɲɔgɔnw ni kasɛti lamɛntaw ni a filɛtaw ɲini; dɔw yɛrɛ bɛ juru ɲini. An b’a fɛ bɛɛ k’a dɔn ko tɔnbolofaraw tɛ se k’u mago don o ko ɲɔgɔnnaw la.

² La Societé Tour de Garde tɛ yɛrɛ-nafa-ɲini tɔn ye. Wari min bɛ don a ka musakaw la, o bɛ bɔ diɲɛ mɔgɔw bɛɛ ka diyanye bolomafaraw la; o bolomafaraw dabɔra kun kelen min kama, o ye ka Ala ka Masaya ka cikan weleweleda dugukolo yɔrɔ bɛɛ la. (Mat. 24:14) Ikomi a ko bɛ ten, bolomafaraw bɛɛ bɛ don wajuli baara musakaw la; o la sa, u tɛ se ka juru don mɔgɔ la.

³ Tuma dɔw la, dɔw bɛ sɛbɛn ci kɔkanjamana mɔgɔ dɔw ma u tɛ minnu dɔn yɛrɛ, ka bolofɛnko dɛmɛ ɲini u fɛ. Dɔw yɛrɛ bɛ taa tunga na walima dugubaw kɔnɔ k’a sɔrɔ wari t’u bolo. U hakili b’a la ka sigi jamana walima duguba min kɔnɔ, u bɛ taa yen k’u jigi dalen to o yɔrɔ balimaw ka bololabila kan. Yali an b’a miiri ko “tuma gɛlɛnw” b’an dama de degun k’a sɔrɔ u tɛ tɔw fana degun wa, hali alako ta fan fɛ balima minnu bɛ diɲɛ yɔrɔ tɔw la?—2 Tim. 3:1.

⁴ Fɛɛrɛw bɛ Krecɛn jɛkuluw bolo ka dɛsɛbaatɔw ni kasaaratɔw dɛmɛ an ka sigidaw la. O fɛɛrɛw ɲɛfɔlen don Organisés pour bien remplir notre ministère gafe kɔnɔ, a ɲɛ 122-3 na. O la sa, a tɛ bɛn an dɔw ka batakiw ci kɔkanjamana dɔw ka jɛkuluw walima u ka tɔnbolofaraw ma ka dɛmɛ ɲini u fɛ.

⁵ Ka fara o kan, jɛkuluw ni sɔn-ni-sɔn gafeninw bakurubasannaw ka ladɛrɛsi minnu bɛ sɔrɔ lakodɔnsɛbɛnw kɔnɔ tɔnbolofaraw bolo, olu ye gundo ye; o kama, u tɛ se ka di mɔgɔ ma min bɛ lɛtɛrɛfalenɲɔgɔn walima furuɲɔgɔn ɲini. N’aw bɛ taa bɔ jamana wɛrɛ la, aw bɛ se ka bataki ci o jamana ka tɔnbolofara ma, ka Masaya So ka ladɛrɛsi ni lajɛw kɛtuma ɲininkali kɛ, Masaya So min ka surun aw la. Nin baarakɛsiraw labatoli na waati caman ni baara kunmabɔ.—1 Kɔr. 14:20.