Baara ka Lajɛw Bolodasira

Sɛtanburakalo tile 10 nan dɔgɔkun

Dɔnkili 86

Sanga 10: Ladɔnniyaliw ka ɲɛsin sigida ma. Ladɔnniyaliw latɔmɔnenw ka bɔ An ka Masaya Cidenyabaara kɔnɔ.

Sanga 13: Sigida magow.

Sanga 22: “Yali i b’i ka cidenyabaara kɛ ka dafa wa?”a Baro kɛlen kɔ lamɛnbagaw fɛ dakunw 1-3 kan, i ka ɲɛjirali surun fila kɛ sɔn-ni-sɔn gafeninw jiracogo kan, ka kelen sinsin Sɛtanburukalo tile 15 La Tour de Garde kan, ka tɔ kelen kɛ Sɛtanburukalo tile 22 Réveillez-vous! kan. Baro kɛlen kɔ dakun 4 nan kan, kumajiracogo min ɲɛfɔlen bɛ, i ka ɲɛjirali kɛ o kan ni Dɔnniya gafe ye.

Dɔnkili 124 ani kuncɛli delili.

Sɛtanburukalo tile 17 nan dɔgɔkun

Dɔnkili 92

Sanga 15: Ladɔnniyaliw ka ɲɛsin sigida ma. Jatew dantigɛli. “A bɛ Ɛndɛkisi kɔnɔ.” Nyɛnamaya fɔ abada gafe jiracogow bɛ sɔrɔ cogo min na, i k’o fɔ.

Sanga 15: An ka salon baara ko kɛra cogo di? A jɛmu bɛ kɛ baara lakɔlɔsibaga fɛ. Jɛkulu ka ala-ka-marako san 2001 ka baara dantigɛli yɔrɔ kolomaw jira. Mɔgɔw bɛɛ fo u ka baara ɲuman kɛlenw na. Jɛkulu ye min kɛ lajɛ matarafali la, Bibulu kalan baara la, ani ka kɛ foro baara la tuma bɛɛ, i k’i sinsin o kan. I ka kuma hakilila nafama dɔw kan walasa an ka baara ka ɲɛ ka t’a fɛ. Kuntilenna minnu bɛ se ka magɛn san nata la, i k’olu fɔ.

Sanga 15: Ɲininkaliw jaabi. Jɛmu. Jɛkulu ka dɔgɔkun o dɔgɔkun jɛ-ka-bɔ lajɛ bolodalenw filɛ. Minnu bɛ na u la, u bɛɛ bɛ se ka min kɛ walasa ka dɔ fara baro nafa kan cogo min na o lajɛw la, i k’o ɲɛfɔ. Dusu don jɛkulu kɔnɔ a k’o ko sigilenw kɔkɔrɔdon.

Dɔnkili 129 ani kuncɛli delili.

Sɛtanburukalo tile 24 nan dɔgɔkun

Dɔnkili 97

Sanga 15: Ladɔnniyaliw ka ɲɛsin sigida ma. “Mun bɛ se ka fɔ sɔn-ni-sɔn gafeninw ko la?” Baara kɛ ni hakililaw ye minnu dilen bɛ o yɔrɔ la, ka ɲɛjirali fila kɛ sɔn-ni-sɔn gafeninw jiracogo kan. I ka ɲɛjirali kelen kɛ Ɔkutɔburukalo tile fɔlɔ La Tour de Garde kan, ka tɔ kelen kɛ Ɔkutɔburukalo tile 8 Réveillez-vous! kan.

Sanga 30: I ka Ala kanu; i kana diɲɛ fɛnw kanu. (1 Yuh. 2:15-17) Jɛmu ani baro bɛ kɛ fana lamɛnbagaw fɛ kafo jamalajɛ kalan bolodalen kan min kɛra salon ala-ka-marako san kɔnɔna na. Weleweledalaw ye a yɔrɔ koloma minnu kalan, k’u sirataama u yɛrɛbakun kan, ani u ka denbaya kɔnɔ, u sera k’o kɛ cogo min na, i k’a ɲini u fɛ u k’o fɔ. (I ka kɔn k’o yɔrɔw kofɔ u ye.) I sinsin kalan bolodalen yɔrɔ ninnu kan: (1) “Ala kanuya b’an bila wale la an ka cidenyabaara la.” O kanuya b’an dɛmɛ ka dusukunnataw kɛlɛ, dusukunnata minnu man ɲi, n’u bɛ se k’an bali wajuli la, i n’a fɔ ka maloya, k’a miiri k’an tɛ se, walima ka siran hadamaden ɲɛ. (2) “Mɔgɔ minnu bɛ Jehowa kanu, fɛn min man ɲi, olu b’o koniya.” (w99 1/10 28-31) An ni Ala cɛ diya bɛ bɔ nin de la: Ala bɛ min koniya, an k’o koniya. O tɛ ka kow koniya dɔrɔn, ko minnu man ɲi fewu-fewu dɛ, nka fana ko minnu man ɲi, n’u faranfasiya man di. (3) “An ka tugu kanuya sira la, sira min ɲɔgɔn tɛ.” (w92 15/7 27-30) 1Kɔrɛntekaw 13:4-8 b’a jira mun na an ka kan ka nin kow kɛ: ka muɲu ɲɔgɔn kɔrɔ an ka dafabaliyakow ta fan fɛ, k’an yɛrɛw tanga ɲɛngonciya ma, ɲɔgɔndan kɛlɛ ni dalamisɛnya jugu ma, ani ka to kankelentigiya la Ala ka jɛkulu ta fan fɛ. (4) “Diɲɛ kow: An hakilila ye mun ye olu ko la?” Fɛn minnu bɛ diɲɛ kɔnɔ, an man kan ka kɛ o fɛnw fɛ, ka bin farisogo negekow la, ka lafili ɲɛ nege fɛ, walima yɛrɛjiranciya fɛ, an bolofɛnw ta fan fɛ. (5) “N’an tɛ diɲɛ ta ye, o b’an lakana.” 2 Korɛntekaw 6:14-17 b’a jira cogo min na dannayakow, laadaw, ni kɛwale dɔw bɛ se ka kɛ sababu ye Ala k’i ban an na. Sitanɛ bɛ jan minnu da an ɲɛ, an ka kan ka faamuyali jɛlen sɔrɔ olu la, k’an tanga u ma. (6) “Ala ka layiduw ɲɛsinnen bɛ mɔgɔw ma minnu bɛ Ala kanu.” (w86 15/6 5-6) Jehowa ka dubaw bɛ dɔ fara an ka nisɔndiya kan an ka ɲɛnamaya kɔnɔ, k’an fɛntigiya alako ta fan fɛ. —1 Tim. 6:17-19.

Dɔnkili 133 ani kuncɛli delili.

Ɔkutɔburukalo tile fɔlɔ dɔgɔkun

Dɔnkili 106

Sanga 10: Ladɔnniyaliw ka ɲɛsin sigida ma. Weleweledalaw bɛɛ hakili jigin u k’u ka Sɛtanburukalo baara dantigɛli sɛbɛnw di.

Sanga 15: Ne bɛ se ka kalan kɛ ka ɲɛ kosɛbɛ lakɔli la cogo di? Maakɔrɔ dɔ n’a muso, walima cidenyabaara maganna dɔ n’a muso bɛ kuma u den fɛ min bɛ taa lakɔli la. Bangebagaw jɔrɔlen don bawo u den bɛ kɔfɛ kalan na. Laadilikan minnu dilen bɛ Les jeunes s’interrogent gafe kɔnɔ, a masalakun 18 la, u b’o lajɛ. Den mago bɛ min na walasa a ka baara ka fisaya, u bɛ baro kɛ o kan. Nafa min bɛ bajukalan ɲɛnama na bangebagaw bɛ sinsin o kan, bawo o bɛ mɔgɔ dɛmɛ ka se ka baara kɛ n’a seko bɛɛ ye baara senuman na ka taa o fɛ.

Sanga 20: “Yali fɛn don min bɛ wajuli bali wa?”b K’i ka kow bɛrɛ bɛn dahirimɛ ɲini baara la, i k’i sinsin o nafa kan. Fɛn minnu ka kan ka bila ɲɛfɛ, n’o b’a to Masaya kunkankow bɛ to jɔyɔrɔ fɔlɔ la tuma bɛɛ, i k’i sinsin o nafa fana kan. Jɛkulu dutigi dɔw wele u k’a fɔ u sera cogo min na ka denbaya magoɲɛfɛnw di k’a sɔrɔ u ma dɔ bɔ alako ta fan fɛ magow ɲɛli la .

Dɔnkili 137 ani kuncɛli delili.

[Footnotes]