“Ne banbannen bɛ to! Ne banbannen bɛ to! Ne banbannen bɛ to!”
1 Nin kumaw ye Krecɛn kantigi dɔ taw ye min kisira Holokɔsti la. A ka kumaw bɛ Seere ba caman ŋaniya jira, seere minnu ɲɛnamaw don ani minnu sara, n’u jɔlen tora u ka dannayakow kan hali Naziw ka nijuguya kɔnɔ. (Efe. 6:11, 13) U ka dusulamin ni u ka se sɔrɔli maana min bɛ mɔgɔ nisɔndiy, o ɲɛfɔlen bɛ kasɛti videyo la, n’o ye ko La fermeté des Témoins de Jéhovah face à la persécution nazie. (Jehowa Seerew banbannenw tora tɔɔrɔ kɔnɔ min lasera u ma naziw fɛ) Dusu donnen bɛ jɛkulu kɔnɔmɔgɔ bɛɛ kɔnɔ walasa u k’a lajɛ, k’u hakililaw, n’u dusukunnataw fɔ ɲɔgɔn ye.
2 Nin ɲininkaliw k’an bila k’an hakili jakabɔ kosɛbɛ: (1) Kun jumɛnw na Jehowa Seerew jagɛlɛyalen tora u ka fɔlen kan Naziw fan fɛ? (2a) Hakilila jumɛnw tun bɛ ɲɔgɔn sɔsɔ foli dɔ ko la, ani mun na? (2b) O ye nɔ bila Seerew ka denbayaw la cogo di? (3) Seerew joli bilara ka taa nimatɔɔrɔ dagaw la, u tun dɔnnen don o yɔrɔ la cogo di, ani Gɛstapo tun y’u minɛ cogo jumɛn na? (4) An balimaw ma sɔn ka mun kɛ walasa ka hɔrɔnya? (5a) Jehowa Seerew ye Hitlɛr ka fanga kofɔ kɛnɛ kan a ka nijuguyakow kosɔn cogo di, ani tuma jumɛn na? (5b) Hitlɛr ka kɛwale kɛra mun ye o ko la? (6) Jehowa ka mɔgɔw ye ɲɔgɔn minɛ cogo min na, o kɛra sababu ye cogo di k’olu ni mɔgɔ wɛrɛw kisi farikolo ta fan fɛ, ani alako ta fan fɛ? (7) Masaya dɔnkili jumɛn sɛbɛnna nimatɔɔrɔ daga dɔ la? (8) Cɛw, musow ani funankɛ kantigi jumɛnw ka misaliw b’i bila ka t’a fɛ dafalenya la Jehowa fan fɛ, hali ni fɛn o fɛn y’i sɔrɔ o la? (1999 Annuaire ɲɛw 144-7 fana lajɛ.) (9) Ikomi i ye Jehowa Seere dɔ ye, o la sa, i tɛ diɲɛ ta ye, nin videyo b’i bila ka mun miiri o ko la?
3 Jehowa Seerew ka jagɛlɛya ni dusulamin misali min jiralen bɛ Fermeté videyo la, o bɛ se ka funankɛw dɛmɛ, hali minnu tɛ seerew ye fɔlɔ, u ka koɲɛbaw kunbɛn. O koɲɛ dɔw ye ni mɔgɔw b’u kɛlɛ k’a sababu kɛ k’o mɔgɔw ma jɛn n’u ka hakililaw n’u kɛcogow ye u ka dannayakow kosɔn, ani ni u funankɛɲɔgɔnw bɛ degunkow lase u ma, ani ni kɔnɔnahakiliko koɲɛ fana nana. N’i ye funankɛ ye min bɛ cɛmancɛkalan na, walima sanfɛkalan na, yali i bɛ se ka cogo di i karamɔgɔw ma u ka videyo jira kalanso kɔnɔ wa? I bɛ se ka kelen di u ma, ka fɔ u ye ko kasɛti nin ye tariku maana dɔ ye min dɔnnen tɛ kosɛbɛ, walima ko filimu don min bɛ kunnafoni di ko kɛlen dɔ kan, kalan bɛ sɔrɔ min na taamacogo tilennen naamuw kan.
4 Fermeté videyo ye baarakɛminɛn ɲuman ye walasa k’a jira Ala ka kalan bɛ fanga di an ma cogo min na alako ta fan fɛ walasa an sinsinnen ka to Ala ka naamu tilennenw na, ka se k’an ko diya Ala ye. (1 Kɔr. 16:13) Mɔgɔ minnu ye magojira dɔ kɛ tiɲɛ ko la, i k’a jira olu bɛɛ la.