Baara ka Lajɛw Bolodasira

Marisikalo tile 12 nan dɔgɔkun

Dɔnkili 112

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 15: Sigida mago.

Sanga 20: “Awirilikalo: Waati don ‘ka baara kɛ kosɛbɛ, k’an sɛbɛkɔrɔ-jija.’ ” (Dakunw 1-13) Lakɔlɔsibagaw ɲɛmɔgɔ bɛ barokun labɛn. Baro kɛ ni nisɔndiya ye kow kan an b’a fɛ ka minnu timɛ Awirilikalo la. Dusu don jɛkulu mɔgɔ bɛɛ kɔnɔ u k’u niyɔrɔ kɛ walasa an ka se an kuntilenna ma n’o ye ko weleweledala bɛɛ kelen-kelen k’i sen don wajuli baara la o kalo in na.

Dɔnkili 147 ani kuncɛli delili.

Marisikalo tile 19 nan dɔgɔkun

Dɔnkili 166

Sanga 8: Ladɔnniyaliw ka ɲɛsin sigida ma. Jatew dantigɛli.

Sanga 17: Baara ɲuman kɛ ni Annuaire 2001 gafe ye. Jɛmu ani jama fɛ baro. I ka “Totaux pour 2000” mafilɛ ɲɛ 31 na. Baro kɛ “Lettre du Collège central” kan, ɲɛ 3-5 la. Jama kɔnɔmɔgɔ dɔw ka dantigɛli dɔ walima wajuli ko kɛlen dɔ lakali ka bɔ Annuaire gafe kura kɔnɔ min ye dusu don u kɔnɔ kɛrɛnkɛrɛnnenya la, k’u ka dannaya lasabati. A gɛlɛya denbayaw ma u ka Annuaire mumɛ bɛɛ kalan ɲɔgɔn fɛ iko diɲɛ bɛɛ la Bɛtɛl denbaya bɛɛ b’a kɛ san kɔnɔ cogo min na. Ɲininkaliw sankɔrɔta minnu bɛ ɲɛ 255 la; u bɛ se ka kɛ walasa ka segin fɛn kalannenw kan. I k’a ɲini jama fɛ u ka hakilila dɔw fɔ Annuaire baaracogo kan min bɛ se ka Bibulu kalandenw dɛmɛ ka Jehowa ka jɛkuluba waleɲumandɔn ka ɲɛ, wa, ka nafa don bonya na n’o ye ka kɛ a kɔnɔmɔgɔ dɔ la kelen ye. (Ni Annuaire 2001 ma sɔrɔ fɔlɔ, i ka baara kɛ ni san 2001 Zanwuyekalo tile fɔlɔ La Tour de Garde ye, a ɲɛw 18-21, ani ko kɛlen dɔw ye minnu bɔra Annuaire 2000 kɔnɔ).

Sanga 20: “Awirilikalo: Waati don ‘ka baara kɛ kosɛbɛ, k’an sɛbɛkɔrɔ-jija.’ ” (Dakunw 14-30) Baara lakɔlɔsibaga bɛ jɛmukan kɛ; ɲininkali ni jaabi baro fana ka kɛ yɔrɔ sugandilenw kan. Bɛɛ ka kan ka waati bolodacogo waleyata sigi walasa k’a seko kɛ wajuli la Awirilikalo kɔnɔ. Foro baara ɲɔgɔnye minnu bolodalen don kalo la, i k’olu bɛɛ fɔ. Mɔgɔ minnu bɛ se ka tutigɛbaga farankan baara kɛ, a gɛlɛya olu ma u k’a kɛ, ka ɲinisɛbɛnfura sɔrɔ lajɛ kɔfɛ.

Dɔnkili 188 ani kuncɛli delili.

Marisikalo tile 26 nan dɔgɔkun

Dɔnkili 204

Sanga 10: Ladɔnniyaliw ka ɲɛsin sigida ma. I k’a fɔ k’a waati ma tɛmɛ fɔlɔ ka tutigɛbaga farankan baara ɲinisɛbɛnfura di Awirilikalo kama. A ɲini bɛɛ fɛ u ka Hakilijigin Bibulu tɛmɛsira kalantaw matarafa minnu bolodara Awirilikalo tile 3-8 na Examinons les Ecritures chaque jour—2001 gafenin kɔnɔ. Jama ladɔnniya La Tour de Garde Kalan lajɛ kɛtuma na Hakilijigin don dɔgɔkun na. Kana ɲinɛ foroba jɛmu kɛrɛnkɛrɛnnen kɔ nin Karidon in na, Awirilikalo tile 1 don na, n’o tɔgɔ ye ko: “Jɔn bɛ se ka kisi?” Dusu don bɛɛ kɔnɔ u k’u sen don wajuli la o don in na walasa ka Awirilikalo daminɛ cogo ɲuman na.

Sanga 20: “An bɛɛ ka bonya da Jehowa n’a Denkɛ kan.” Maakɔrɔ dɔ ka jɛmu bɛ jama bila wale la Bibulu tɛmɛsiraw sababu fɛ. Dusu don bɛɛ kɔnɔ k’u seko damajira kɛ baara kɛrɛnkɛrɛnnen bolodalen na Awirilikalo la ani ka cɛsiriba kɛ ka mɔgɔw wele Hakilijigin na.

Sanga 15: An ka sɔn-ni-sɔn gafenin jiracogow labɛn cogo min na. An bɛ La Tour de Garde ani Réveillez-vous! jira Awirilikalo la. Seginnkanni kɛ san 1996 Ɔkutɔburukalo Ministère du Royaume kan a ɲɛ 8 nan dakunw 3 nan ni 10 nan (ɲɛ 12 Senegali bɔko la; Kamerun ta la, i ka san 1996 Desanburukalo mafilɛ). Jiracogo labɛn na, nin fɛnw sankɔrɔta: (1) sɔn-ni-sɔn gafenin sigida dɔ; (2) yɔrɔ kɛrɛnkɛrɛnen dɔ baro bɛ se ka kɛ min kan; (3) ɲininkali dɔ min bɛ se ka baroɲɔgɔn bila k’i mago don jaabi la; (4) Bibulu tɛmɛsira bɛnnen dɔ min bɛ se ka kalan sɔn-ni-sɔn gafenin kura bɛɛ kelen-kelen jiratuma na. An k’an jija ka baara kɛ ni Wajibiya gafenin walima Dɔnniya gafe ye ka Bibulu kalanw daminɛ magojirabagaw fɛ. I ka kuncɛ ni ɲɛjirali labɛnnenba ye walasa ka Bibulu kalan daminɛcogo dɔ ɲɛjira bɔnye fɔlɔ la.

Dɔnkili 207 ani kuncɛli delili.

Awirilikalo tile 2 nan dɔgɔkun

Dɔnkili 220

Sanga 9: Ladɔnniyaliw ka ɲɛsin sigida ma. Weleweledalaw bɛɛ hakili jigin u ka Marisikalo foro baara dantigɛli sɛbɛnw di. I ka yɔrɔ mafilɛ ko: “Hakilijigin don fɛn minnu ka kan ka to an hakili la.”

Sanga 18: “Kanuya b’an bila ka wajuli kɛ.”a I ka Bibulu tɛmɛsiraw sankɔrɔta minnu bɛ barokun na. Hakilila minnu bɛ Perspicace kɔnɔ, a gafe filanan na, a ɲɛ 633 dakun 3 la, i k’olu fara a kan. Weleweledala dɔ min bɛ wajuli kɛ cogo basigilen na san caman na, i k’a ɲini a fɛ a k’a lakali a ka Ala kanuni b’a bila ka to k’i timinandiya wajulibaara la cogo min na. I k’a gɛlɛya weleweledala bɛɛ ma u k’u sen don seereya kɛ baara la Awirilikalo la ani kalo tɔw bɛɛ minnu bɛ tugu a la.

Sanga 18: “An ka tɔw dɛmɛ ka ye lajɛw kɛnɛkan.”b San 1996 Zuwɛnkalo Ministère du Royaume farankan dakun 14-16 bɛ hakilila wɛrɛw jira minnu bɛ se ka kɛ walasa ka Bibulu kalandenw sin jɛkuluba ma. I k’a jira baara bɛ se ka kɛ ni Wajibiya gafenin (kalansen 5, dakun 7) ani Dɔnniya gafe (masalakun 5, dakun 22) ye cogo min na walasa ka lajɛw taali dusu don kalanden kɔnɔ joona. Walasa k’o ɲɛjira, ɲɛjirali dɔ labɛn ka ɲɛ: weleweledala faamuyalen bɛ kalanden dusu lamin ko a ka sɛbɛkɔrɔ-miiri lajɛw taali la.

Dɔnkili 47 ani kuncɛli delili.

[Footnotes]