La Bible: le livre le plus ancien toujours d’actualité, o videyo kasɛti ko ka bonya an bolo

Ɲininkali nataw bɛ yɔrɔw jɛya an ye, i tun sera ka minnu jateminɛ tuma min i ye nin videyo lajɛ: (1) Fɛn jumɛnw bɛ Bibulu faranfasi ka bɔ kitabu tɔw la, k’a jira k’a ɲɔgɔn tɛ? (2) Misali kelen di min b’a jira ko Bibulu n’a ka kɔrɔya bɛɛ, a ni bi dɔnniya bɛ ɲɔgɔn minɛ? (3) Bibulu min b’an bolo bi, an bɛ se ka d’a la cogo di k’a kɔnɔ kumaw ye sɛbɛn fɔlɔw kɔnɔ kumaw ye, k’u ma yɛlɛma? (4) Dakabanako jumɛn bɛ sɔrɔ Bibulu kuma sɛbɛnnenw na, ani o bɛ dannaya jumɛn di i ma? (5) John Wycliffe, Johannes Gutenberg, William Tyndale, Mary Jones, ni Charles Taze Russell ye baara jumɛn kɛ walasa ka Ala ka Kuma jɛnsɛn diɲɛ yɔrɔ bɛɛ la? (6) Egilisiw ye kɛlɛ jugu lase Bibulu ma cogo di, nka mun y’a to a bɛ yan fo bi? (7) Jehowa ka jɛkuluba ye Bibulu bayɛlɛma kan wɛrɛw la, ani u y’u dilan fo ka se hakɛ jumɛn ma? (8) Bibulu ka laadilikan nafamaw ye mɔgɔw dɛmɛ u ka nin fɛnw kɛlɛ cogo di: Sobon nege jugu (1 Tim. 6:9, 10), cɛ n’a muso farali ani nkantanya furu kɔnɔ (1 Kɔr. 13:4, 5; Efe. 5:28-33), ani nafoloko hamiw (Mat. 16:26)? (9) Seereya jumɛn b’a jira ko ka sariyakolow sirataama, o bɛ koniya kɛlɛ diɲɛ kɔnɔ ka ɲɛsin jamana wɛrɛ ni siya wɛrɛ ma? (10) Ka Bibulu kɔnɔkow kalan, o bɛna na ni hɛrɛba ye sira jumɛnw fɛ? (11) E ɲɛ na, jɔn de bɛ se ka nafa sɔrɔ videyo in na, ani i bɛna o jira u la cogo di?