Baara ka Lajɛw Bolodasira

Feburuyekalo tile 12 nan dɔgɔkun

Dɔnkili 6

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. Feburuyekalo tile 26 dɔgɔkun Baara ka Lajɛ la, baro bɛna kɛ videyo kasɛti kan, n’o ye ko: La Bible: le livre le plus ancien toujours d’actualité. Baro bɛna kɛ ɲininkaliw kan minnu bɛ An ka Masaya Cidenyabaara in ɲɛ 7 la. Nin videyo kasɛti tɛ sɔrɔ faso kanw na yɔrɔ minnu na, maakɔrɔw bɛna barokun labɛn ka bɛn sigida mago ma.

Sanga 15: “An ka Jehowa bonya ni kɛwale ɲumanw ye.”a Kuma minnu bɛ Prédicateurs gafe ɲɛw 187, a dakunw 2-3 la, olu fana fɔ ka fara a kan.

Sanga 20: “An bɛ mɔgɔw lasɔn cogo min na.” Baro don Jɛkulu Gafe Kalan ɲɛminɛbaga ni tutigɛbaga, walima weleweledala ɲuman dɔ cɛ. A sinsinnen bɛ a barokun yɛrɛ kan, ani san 1998 Mɛkalo tile 15 La Tour de Garde ɲɛ 21-3 yɔrɔ latɔmɔnenw kan. “Comment toucher le coeur” (An bɛ mɔgɔ kun minɛ cogo min na) min bɛ kɛrɛnaani kɔnɔ, o sɛgɛsɛgɛ. I ka diinɛ nkalonma ka dannayako dɔ sugandi min dɔnnen bɛ sigida wajulikɛyɔrɔ la. An bɛ se ka kuma mɔgɔ fɛ cogo min na walasa a ka jɛya Bibulu ka fɔta la o dannayako fu ko kan, baro kɛ o kan.

Dɔnkili 208 ani kuncɛli delili.

Feburuyekalo tile 19 nan dɔgɔkun

Dɔnkili 221

Sanga 8:  Ladɔnniyaliw ka ɲɛsin sigida ma. Jatew dantigɛli.

Sanga 15: Sigida magow.

Sanga 22: “An ka mɔgɔw ladɔnniya Jehowa tɔgɔ n’a ka kɛwalew la.”b Labɛn kɛrɛnkɛrɛnnen minnu kɛra sigida la walasa ka dɔ fara baara kan Marisi ni Awirili kalow la, maakɔrɔ bɛ kuma o kan. A b’i jija fana ka dusulamin kɛ walasa mɔgɔ caman ka se ka kɛ tutigɛbaga farankanw ye. Minnu kɛra tutigɛbagaw ye Awirilikalo tɛmɛnnen na, u dɔw b’a fɔ o baara ye nisɔndiya min lase u ma. I sinsin dɛmɛ kan ka ɲɛsin weleweledala walekɛbali kelen-kelen bɛɛ ma min bɛ cogow dafa walasa u ka fara an kan cidenyabaara la ko kura. I sinsin dɛmɛ fana kan ka ɲɛsin denmisɛnninw ni Bibulu kalandenw ma walasa u ka kɛ weleweledala batisebaliw ye.—San 2000 Nowanburukalo An ka Masaya Cidenyabaara Ɲininkaliw jaabi yɔrɔ mafilɛ.

Dɔnkili 27 ani kuncɛli delili.

Feburuyekalo tile 26 nan dɔgɔkun

Dɔnkili 48

Sanga 8: Ladɔnniyaliw ka ɲɛsin sigida ma. Weleweledalaw hakili jigin u k’u ka Feburuyekalo baara dantigɛli sɛbɛnw di.

Sanga 12: Dɔnniya gafe bɛ se ka jira cogo minnu na. Yali Dɔnniya gafe jiracogo dɔ b’i hakili la Marisikalo la wa? N’i bɛ An ka Masaya Cidenyabaara bɔko tɛmɛnen dɔw ɲɛ laban mafilɛ, i bɛna hakilinataw sɔrɔ kuma daminɛcogo kan mɔgɔw fɛ kabini bɔnye fɔlɔ la. O hakilinata caman cɛla, hakilinata wɛrɛw bɛ tugu dɔw la minnu b’a jira segin-ka-bɔnyew bɛ se ka kɛ o bɔnye fɔlɔ kɔfɛ cogo min na. O hakilinata jiralenw na, fila walima saba mafilɛ. (Ni An ka Masaya Cidenyabaara bɔkow bɛ sɔrɔ i ka kan na nin kalo kofɔlenw na, i ka san 1995 Desanburukalo; san 1996 Marisi, Zuwɛn ni Nowanburu kalow; san 1997 Zuwɛnkalo; ani san 1998 Marisikalo lajɛ.) Ɲɛjiraliw kɛ jiracogo fila kan minnu bɛ san 1996 Nowanburukalo bɔko kɔnɔ. An bɛ sin ka Bibulu kalan kofɔ cogo min na walasa ka Bibulu kalanw daminɛ, u b’o ɲɛfɔ (Nin kɔlɔsi: A bɛ se ka kɛ ko sanfɛ barokun kofɔlenw tun sɛbɛnnen bɛ An ka Masaya Cidenyabaara bɔko wɛrɛw kɔnɔ o kalow kɔfɛ aw ka yɔrɔ la. N’a bɛ ten, a’ y’u barokun bɛnnenw ɲini.) Dusu don mɔgɔ bɛɛ kɔnɔ walasa u ka cɛsiri kɛrɛnkɛrɛnnen kɛ ka Bibulu kalan kuraw daminɛ.

Sanga 25: “La Bible: le livre le plus ancien toujours d’actualité, o videyo kasɛti ko ka bonya an bolo.” I kɛtɔ ka baro kɛ lamɛnbagaw fɛ, i ka baara kɛ ni ɲininkaliw ye minnu bɛ ɲɛ 7 la. A jira k’a jɛya ko Traduction du monde nouveau Bibulu de jɛnsɛnna kosɛbɛ ka tɛmɛ Bibulu tɔw bɛɛ kan bawo a min dilanna, o ka ca ni miliyɔn 100 ye. A kuuru, walima a yɔrɔ dɔw bayɛlɛmana kan 37 la. Awirilikalo la, an bɛna baro kɛ videyo sabanan kan n’o ye ko: La Bible: une force dans votre vie. (Nin kɔlɔsi: Nin videyo kasɛti in tɛ sɔrɔ faso kanw na yɔrɔ minnu na, maakɔrɔw bɛna barokun labɛn ka bɛn sigida mago ma.)

Dɔnkili 64 ani kuncɛli delili.

Marisikalo tile 5 nan dɔgɔkun

Dɔnkili 81

Sanga 5: Ladɔnniyaliw ka ɲɛsin sigida ma.

Sanga 18: “Jehowa bɛ barika di.”c Bibulu tɛmɛsiraw bɛ sirataama cogo min na, lamɛnbagaw bila u k’o fɔ.

Sanga 22: “An bɛ taɲɛ sɔrɔ telefɔni seereya la cogo min na.”d O ka kan ka kɛ baara lakɔlɔsibaga de fɛ. Dusulamin min bɛ san 1999 Desanburukalo tile 15 La Tour de Garde ɲɛ 23, a dakun 17 la, o fɔ ka fara a kan. An ka Masaya Cidenyabaara in kɔnɔ, kɛrɛnaani kɔnɔko sɛgɛsɛgɛ, n’o ye ko: “Mun bɛ fɔ telefɔni jaabilan na?” Wajulikɛyɔrɔ minnu bilara telefɔni seereya kama, olu kofɔ. Ko kɛlen surun damadɔw fɔ minnu bɛ taɲɛ jira o baara la an sigida la. (Nin kɔlɔsi: Nin barokun bɛnnen tɛ yɔrɔ minnu na, maakɔrɔw bɛna barokun labɛn ka kɛɲɛ ni sigida mago ye.)

Dɔnkili 108 ani kuncɛli delili.

[Footnotes]