Baarakɛminɛn minnu bɛ mɔgɔ kalan, ka mɔgɔ barika bonya, ka mɔgɔ bila wale la

 ¹ U bɛ se ka mɔgɔ kalan kosɛbɛ Bibulu la ani Jehowa Seerew ko la. U ye mɔgɔ caman bila u ka tiɲɛ minɛ n’u bolo fila ye. U ye Ala yɛrɛ ka mɔgɔw ka dannaya kologɛlɛya, k’u ka waleɲumandɔn bonya. O ye mun ye? O ye videyo kasɛtiw ye minnu dilanna Jehowa ka jɛkuluba fɛ. Yali i ye u tan bɛɛ ye wa? Kɔsa in na dun? Yali i bɛ baara kɛ n’u ye cidenyabaara la wa? I bɛ se ka nafa caman sɔrɔ o baarakɛminɛn ɲumanw na cogo di?

 ² San 1999 Zuluyekalo tile fɔlɔ La Tour de Garde barokun min ye ko “Etudions régulièrement la Parole de Dieu en famille” ye (An ka Ala ka Kuma kalan tuma bɛɛ denbaya kɔnɔ), o tun b’a gɛlɛya an ma “an ka waati dɔ bila an ka kalan waati la walasa ka Tɔn ka videyo kasɛti nafama dɔ lajɛ . . . ka tila ka baro kɛ o kan.” Ka kɛɲɛ n’o laadilikan ɲuman ye, videyo kasɛti kelen nafa bɛna jira Baara ka Lajɛw la, kalo fila o kalo fila. An bɛ dusu don jɛkulu kɔnɔmɔgɔw bɛɛ kɔnɔ, u ka videyo lajɛ u ka so sanni baro ka kɛ o kan Baara ka Lajɛw la.

 ³ An ye videyo kasɛti fɔlɔ min dilan, n’o ye Les Témoins de Jehovah​—⁠Un nom, une organisation ye, an b’a daminɛ n’o ye nin kalo in na. Aw k’a lajɛ, k’a lamɛn walasa ka nin ɲininkaliw jaabiw sɔrɔ:

◼ Mun kosɔn Jehowa Seerew dɔnnen don koɲuman?

◼ Fɛn o fɛn min bɛ kɛ Bɛtɛl la, o sinsinnen bɛ Bibulu tɛmɛsira jumɛn kan?

◼ I ye Bibulu ko jumɛn ye min tun bɛ labɛnna balimaw fɛ, n’o foto tara, ka tila k’a ɲɛgɛn walasa a ka kɛ sɛbɛnw kɔnɔ?

◼ Mun de b’i kabakoya an ka sɛbɛnw dilancogo la?

◼ K’a ta san 1920 ma ka na san 1990 ma, Tɔn ye sɛbɛnw joli bɔ?

◼ Ala ka jamakulu la, jɔn ka kan kɛrɛnkɛrɛnnenya la ka mankutu sɔrɔ Bɛtɛl baara kama?​—⁠Nta. 20:⁠29.

◼ Bɛtɛl ka denbaya bɛ misali ɲuman di Jehowa Seerew bɛɛ ma cogo jumɛn na?

◼ Baara min bɛ kɛ Bɛtɛl la walasa ka mɔgɔ caman lasɔrɔ ni kibaru duman ye, mun b’i kabakoya o la?

◼ Baara min bɛ kɛ diɲɛ bɛɛ kɔnɔ, o bɛ kɔkɔrɔdon cogo di wariko ta fan fɛ?

◼ Baara jumɛn bɛ se ka kɔkɔrɔdon ni timinandiya ye, ani ni hakilila jumɛn ye?​—⁠Yuh. 4:35; Kɛw. 1:⁠8.

◼ Jehowa Seerew tɔgɔ bɛ jɛkulu min na, i bɛ mun miiri o ko la?

◼ I bɛ se ka baara kɛ n’o videyo kasɛti ye cidenyabaara la cogo di?

Desanburukalo la, an bɛ videyo kasɛti lajɛ min ye ko La Bible​—⁠ un livre historique et prophétique.