Baara Ka Lajɛw Bolodasira

Ɔkutɔburukalo tile 9 nan dɔgɔkun

Dɔnkili 11

Sanga 8: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 12: “An sinsinnen bɛ miirili kelen kan.” Baro dantigɛli kana sanga kelen bɔ. O kɔ, a kɛ ɲininkaliw ni jaabiw baro ye.

Sanga 25: “San ba kelen kura: I ka siniɲɛsigi bɛna kɛ mun ye?” Nisɔndiya baro don min bɛ kɛ baara lakɔlɔsibaga fɛ. Tɔn ka san 2000 Zuluyekalo tile 3 bataki min ɲɛsinnen bɛ maakɔrɔw ma, n’o kalanna kaban, Nouvelles du Royaume No. 36 kelen bɛ di mɔgɔ kelen-kelen bɛɛ ma lajɛ la. O kɔ, baro bɛ kɛ barokun kan ni ɲininkaliw ni jaabiw ye. Labɛn minnu kɛra sigida la walasa ka wajulikɛyɔrɔ kɛ, i k’o fɔ. Mɔgɔ kuraw ani denmisɛnw bɛ se ka dɛmɛ cogo min na walasa u ka se ka cogow dafa ka kɛ weleweledalaw ye minnu ma batise, i k’o sɛgɛsɛgɛ. Sɛbɛn jiracogo surun dɔ kɛ. Bɛɛ ka kan k’i ta kɛ kosɛbɛ o sɛbɛn jɛnsɛnni baara la cogo min na, i k’i sinsin o kan.

Dɔnkili 53 ani kuncɛli delili.

Ɔkutɔburukalo tile 16 nan dɔgɔkun

Dɔnkili 104

Sanga 10: Ladɔnniyaliw ka ɲɛsin sigida ma. Jatew dantigɛli. Weleweledalaw bɛɛ hakili jigin ko dɔgɔkun don labanw na, La Tour de Garde ni Réveillez-vous! ani Nouvelles du Royaume No. 36 bɛna jira ɲɔgɔn fɛ.

Sanga 15:  “Baarakɛminɛn minnu bɛ mɔgɔ kalan, ka mɔgɔ barika bonya ani ka mɔgɔ bila wale la.” (Dakun fɔlɔ ni filanan dɔrɔn.) Jɛmu. Kuma surun na, i k’a fɔ Tɔn ye videyo dilanni daminɛ cogo min na. (Prédicateurs gafe ɲɛ 600-601 lajɛ.) Dusu don bɛɛ kɔnɔ u ka Les Témoins de Jéhovah​—⁠Un nom, une organisation videyo lajɛ walasa u k’u labɛn Ɔkutɔburukalo tile 30 nan dɔgɔkun Baara ka Lajɛ baro kama. Video kasɛti bɛ mɔgɔ minnu bolo, u bɛ se k’o singa mɔgɔw ma a tɛ minnu fɛ, walima u ni mɔgɔ wɛrɛw bɛ se k’o lajɛ ɲɔgɔn fɛ.

Sanga 20: An bɛɛ bɛ se ka tutigɛbagaya hakili jira. Baro don gafe kalan ɲɛminɛbaga ani a dɛmɛbaga cɛ. A sinsinnen bɛ san 1997 Ɔkutɔburukalo tile 15 La Tour de Garde ɲɛ 22-3 kan. Ni tutigɛbagaw cayara jɛkulu kɔnɔ, kun min na o bɛ mɔgɔ dusu lamin, ani bɛɛ bɛ se ka baara kɛ ka dɔ fara tutigɛbagaw hakɛ kan cogo min na, i k’o lajɛ. Ka tutigɛbaga dusu lamin u ka to u ka baara la ani jɛkulu mɔgɔw bɛɛ bɛ se ka dɔ fara cɛsiri kan cidenyabaara la cogo min na, i ka baro kɛ o kan.

Dɔnkili 131 ani kuncɛli delili.

Ɔkutɔburukalo tile 23 nan dɔgɔkun

Dɔnkili 150

Sanga 10: Ladɔnniyaliw ka ɲɛsin sigida ma.

Sanga 15: Sigida magow.

Sanga 20: Lajɛw labɛn ka ɲɛ. Jɛmu ani baro bɛ kɛ lamɛnbagaw fɛ. Nafa minnu bɛ sɔrɔ lajɛw la, o bɛ bɔ min na kosɛbɛ, o ye an bɛ sɛbɛ min don u labɛnni na. Hakilina nafama minnu bɛ san 1998 Marisikalo tile fɔlɔ La Tour de Garde ɲɛ 15-16 la, a dakun 8-11 na, i k’olu sɛgɛsɛgɛ. Lamɛnbagaw yɛrɛ ye min kɛ walasa ka waati sɔrɔ ka se k’u ka lajɛw labɛn ka ɲɛ, a ɲini u fɛ u k’o fɔ.

Dɔnkili 211 ani kuncɛli delili.

Ɔkutɔburukalo tile 30 nan dɔgɔkun

Dɔnkili 167

Sanga 8: Ladɔnniyaliw ka ɲɛsin sigida ma. Bɛɛ hakili jigin u k’u ka Ɔkutɔburukalo baara dantigɛli sɛbɛn di.

Sanga 12: Ko kɛlen minnu sɔrɔla Nouvelles du Royaume No. 36 tilatilali la. Weleweledala caman ɲininka u k’a fɔ u ye nafa minnu sɔrɔ kabini Nouvelles du Royaume No. 36 tilatilali daminɛ na fo ka na se sisan ma. Ikomi tutigɛbaga basigilenw ni farankanw ye dɔ fara u ka baara kan Nouvelles du Royaume jɛnsɛnni fɛ, ani k’u ye cogo sɔrɔ ka baara kɛ weleweledala caman fɛ, u ye nafa min don o la, a ɲini u fɛ u k’o fɔ.

Sanga 25: Les Témoins de Jehovah​—⁠Un nom, une organisation. Baro kɛ lamɛnbagaw fɛ. Barokun min ye ko “Baarakɛminɛn minnu bɛ mɔgɔ kalan, ka mɔgɔ barika bonya, ani ka mɔgɔ bila wale la”, ɲininkali minnu bɛ a ɲɛ 3 nan na, o sɛgɛsɛgɛ. Baara bɛ se ka kɛ ni videyo kasɛti ye cogo min na walasa ka magojirabagaw dɛmɛ u k’an ka jɛkuluba dɔn kosɛbɛ, hakilinaw di o kan. Wajuli ko kɛlen surun kelen walima fila fɔ ka fara o kan.​—⁠San 1992 Ɔkutɔburukalo tile fɔlɔ La Tour de Garde ɲɛ 30-31 lajɛ.

Dɔnkili 15 ani kuncɛli delili.

Nowanburukalo tile 6 nan dɔgɔkun

Dɔnkili 198

Sanga 15: Ladɔnniyaliw ka ɲɛsin sigida ma. Ɲɛtaa min kɛra Nouvelles du Royaume No. 36 tilatilali la, i k’o fɔ. Wajulikɛyɔrɔ min kɛra kabini daminɛ na, ani fɛn min ka kan ka kɛ ka wajulikɛyɔrɔ tɔw ban walasa ka bɛn Nowanburukalo tile 17 ma, i k’o fɔ.

Sanga 20: An dalen bɛ mun de la? Balimakɛ dɔ bɛ segin ka taa bɔ mɔgɔ ye min b’a ɲininka ko: “Mun b’a to Jehowa Seerew bɛ kalan min kɛ, o danfaralen don ka bɔ diinɛ tɔw ta la?” Yɔrɔ minnu ɲɛfɔlen bɛ san 1998 Ɔkutɔburukalo tile fɔlɔ La Tour de Garde ɲɛ 6 la, i ka baro kɛ o kan. Diinɛ tɔw bɛ Bibulu tiɲɛkuma kolomaw kɛ bolokɔfɛko ye, walima u b’u ban u la cogo min na, ka tila ka sɔn hadamadenw ka kalansiraw la, i k’o ɲɛfɔ.

Sanga 10: An ka bato yɔrɔba dɔ ye ka dɔnkili da Jehowa ye. Gafe kalan ɲɛminɛbaga bɛ baro kɛ ni weleweleda fila ye u ka dɔnkili daliko la jɛkulu ka lajɛw la. A y’a kɔlɔsi k’a bɛ iko u t’u kan kɔrɔta n’u bɛ ka dɔnkili da. A bɛ yɔrɔ dɔw jira u la san 1997 Feburuyekalo tile fɔlɔ La Tour de Garde ɲɛ 27-8 la. Dɔnkili minnu ka kan ka da dɔgɔkun kɔnɔna La Tour de Garde kalan na, u bɛ o dɔ la kelen kumaw lajɛ iko o hakilina dira cogo min na san 1999 Zuluyekalo tile fɔlɔ La Tour de Garde ɲɛ 20 na, a dakun 12 la. Ka dɔnkili da Jehowa ye, n’an b’o ta an sɛbɛ la, an b’a tanu ni kɔnɔnajɛya ye, k’o kɛ fɛn ɲɛnama ye.

Dɔnkili 223 ani kuncɛli delili.