Baara Ka Lajɛw Bolodasira

Sɛtanburukalo tile 11 dɔgɔkun

Dɔnkili 139

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 15: “Jehowa ka duba b’an fɛntigiya.” Baro dantigɛli kana sanga kelen bɔ. O kɔ, a kɛ ɲininkaliw ni jaabiw baro ye.​—⁠Étude perspicace gafe filanan, ɲɛw 798, dakunw 12-13 lajɛ.

Sanga 20: “I ka baara kɛ ni donkibarow ye walasa mɔgɔw ka mago jira kɛ.” Baro kɛ lamɛnbagaw fɛ ani kuma ɲɛjiraliw kɛ. Donkibaro caman fɔ minnu ye mɔgɔw bila ka mago jira kɛ i ka yɔrɔ la. Ko minnu bɛ ka kɛ, olu kosɔn haminanko jumɛnw bɛ mɔgɔ la ka ɲɛsin sini ma? Comment raisonner (Hakilijakabo kɛcogo) gafe ta a ɲɛw 9-10 na. O hakilina dɔw ta k’a jira kuma daminɛcogo dɔ bɛ labɛn cogo min na, n’o bɛna laban baro ma Bibulu kan. Kuma ɲɛjirali fila labɛn koɲuman, k’u kɛ.

Dɔnkili 224 ani kuncɛli delili.

Sɛtanburukalo tile 18 nan dɔgɔkun

Dɔnkili 2

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: An ye mun kɛ salon? Jɛmu don, baara lakɔlɔsibaga fɛ. Jɛkulu ka san 2000 Ala-ka-marako baara dantigɛli yɔrɔbaw lajɛ. Baara ɲuman minnu kɛra, jɛkulu fo o kow la. Yɔrɔ minnu bɛ se ka ɲɛ, olu jira. Jɛkulu ye min kɛ lajɛ matarafali la, Bibulu kalanw daminɛni ni u ɲɛminɛni na, an’a ye min kɛ foro baara kɔkɔrɔdonni na cogo basigilen na, i sinsin o kan. Kuntilenna ɲumanw fɔ san nata kama.

Sanga 20: “Ni caman bɛ farati la!” Baro bɛ kɛ lamɛnbagaw fɛ. Bibulu tɛmɛsira kofɔlen minnu bɛ barokun kɔnɔ, olu sankɔrɔta.

Dɔnkili 30 ani kuncɛli delili.

Sɛtanburukalo tile 25 nan dɔgɔkun

Dɔnkili 93

Sanga 15: Ladɔnniyaliw ka ɲɛsin sigida ma. Bɛɛ hakili jigin u k’u ka Sɛtanburukalo baara dantigɛli sɛbɛn di. “Ɲininkaliw jaabi” yɔrɔ sɛgɛsɛgɛ.

Sanga 15: Sigida magow.

Sanga 15: An ka sɔn-ni-sɔn gafeninw nafa kana bɔ an kɔnɔ. Ni La Tour de Garde ni Réveillez-vous! bɔkow tonna ɲɔgɔn kan, i bɛ mun kɛ? Weleweledala dɔw ka teli k’u bɔ u bolo. U bɛ miiri k’o barokunw tɛmɛna. San 1993 Sɛtanburukalo Ministère du Royaume ɲɛ 3 nan bɛ dusu don an kɔnɔ an k’u dɔw ta an fɛ, ani k’u jira n’a bɛnnen don tuma min na. A tun b’a fɔ ko: “Sɔn-ni-sɔn gafeninw n’u nafa don. An bɛ se ka kɔn ka bɔko kuraw jira. Nka, ikomi u bɛ kuma bi kow de kan, dalilu si t’an bolo ka kɔrɔlenw bɔ an bolo. An k’u dɔw to an ka bɔrɛ kɔnɔ walasa an ka se k’u sɔrɔ an bolo kɔrɔ n’an bɛ ka wajuli kɛ. Nafa kɛrɛnkɛrɛnnen bɛ se ka kɛ u la walasa k’an ka barokɛɲɔgɔn ka mago jɔnjɔn dɔ ko ɲɛnabɔ. N’an bɛ sɔn-ni-sɔn gafenin bɔko kɔrɔlen dɔ to mɔgɔ bolo, a bɛnnen don ka fɔ a tigi ye kuma surun na k’a bɛ se ka baara kɔkɔrɔdon min bɛ kɛ diɲɛ bɛɛ la.” Barokun minnu bɛnnen don, n’u bɛ se ka diya cɛw, musow, baarakɛlaw, mɔgɔ kɔrɔbaw, ani funankɛw ye, i k’olu sugandi, k’o sɛbɛn labɛnnenw to i bolo walasa ni cogo sɔrɔla, i k’u jira. Barokunw bɛ se ka sungandi, ka jira foro baara la cogo min na, i k’o ɲɛjira. Weleweledalaw kɛlen k’o bɔko kɔrɔmanw bila mɔgɔw bolo, u ye nafa minnu sɔrɔ o la, i k’o fɔ.

Dɔnkili 115 ani kuncɛli delili.

Ɔkutɔburukalo tile 2 nan dɔgɔkun

Dɔnkili 169

Sanga 15: Ladɔnniyaliw ka ɲɛsin sigida ma. Nouvelles du Royaume No. 36 tilatilali kɛrɛnkɛrɛnnen min bolodala, n’o bɛna daminɛ Ntɛnɛndon, Ɔkutɔburukalo tile 16 la, n’o bɛna to senna fo Jumadon, Nowanburukalo tile 17 la, jɛkulu ladɔnniya o la. Dusu don bɛɛ kɔnɔ, funankɛw sen b’o la, ani mɔgɔ kuraw, u k’u jija walasa k’u niyɔrɔ kɛ o la cogo dafalen na. Gafe kalan ɲɛminɛbagaw ka kan k’a daminɛ kabini sisan ka dusu don u ka kulu mɔgɔw kɔnɔ, ani ka fɛn bɛɛ labɛn walasa u k’u sen don o la ni cɛsiriba ye. Ko kɛlen minnu sɔrɔla Nouvelles du Royaume labanw tilatilali la, n’o bɛ mɔgɔw lasabati, i k’o kow fana fɔ.

Sanga 15: “Yali ne ka kan ka yɛlɛma yɔrɔ wɛrɛ la wa?” Jɛmu don min bɛ kɛ maakɔrɔ dɔ fɛ. A ɲɛfɔ mun na nafa b’a la ka faranfasili hakili sɔrɔ n’i b’a latigɛ ka yɛlɛma yɔrɔ wɛrɛ la. Laadilikan min bɛ Ntalenw 22:3 la, o bɛ waleya cogo min na, i ka baro kɛ o kan. Lasɔmini minnu kɛra san 1988 Utikalo tile 15 La Tour de Garde kɔnɔ, a ɲɛ 22 la, i k’o kumaw fɔ ka fara a kan.

Sanga 15: Baro minnu daminɛna. Kalan min bolodala Sɛtanburukalo tile 11 nan dɔgɔkun Baara ka Lajɛw bolodasira la, a fɔra k’a gɛlɛya o kɔnɔ ko an ka kuma daminɛcogow walanwalan n’an bɛ kuma donkibarow kan walasa ka mɔgɔw bila ka mago jira kɛ, ani ka barow daminɛ cidenyabaara la. U kɛlen k’o hakilinataw sirataama, u ye nɔ ɲuman minnu sɔrɔ o la, i k’a ɲini lamɛnbagaw fɛ u k’o fɔ.

Dɔnkili 205 ani kuncɛli delili.