Baara Ka Lajɛw Bolodasira

Mɛkalo tile 8 nan dɔgɔkun

Dɔnkili 125

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 20:  “Denbaya: Bunahadamadenw ka mago jɔnjɔn dɔ.” Denbaya bɛ maakɔrɔ min bolo, o b’a jɛmu kɛ. O jɛmu sinsinnen bɛ san 1998 Awirilikalo tile fɔlɔ La Tour de Garde kan, a ɲɛw 6-8 na.

Sanga 15:  “Ka ɲɛsin jama bonyani ma, an magoba bɛ Masaya So caman na.” Ɲininkaliw ni jaabiw baro. Dakunw fɔlɔ ka na 9 na. Ni maakɔrɔw y’a ŋaniya yɔrɔ min na dɔrɔn ka Masaya So dɔ jɔ, kun min na u ka kan k’o fɔ Tɔn bolofara ye, o jira.

Dɔnkili 201 ani kuncɛli delili

Mɛkalo tile 15 nan dɔgɔkun

Dɔnkili 134

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: “I ka siniko bɛna kɛ mun ye?” O jɛmu bɛ kɛ baara lakɔlɔsibaga fɛ. A sinsinnen bɛ san 1998 Awirilikalo tile 15 La Tour de Garde kan, a ɲɛw 5-8 na.

Sanga 20: “Ka ɲɛsin jama bonyani ma, an magoba bɛ Masaya So caman na.” Nisɔndiya jɛmu dɔ maakɔrɔ fɛ, min sinsinnen bɛ dakunw 10 ka na 16 la. A jira ko Tɔn magoba bɛ dɛmɛbaga caman na. A fɔ ko ɲinisɛbɛn minnu ɲɛsinnen bɛ Masaya So jɔliw ma, n’u labɛnna dɛmɛbagaw kama, k’olu bɛ se ka sɔrɔ lajɛ bannen kɔfɛ. Ni waati b’a bolo, ko bɛnnen minnu kɛra Masaya So jɔ yɔrɔw la a ka jamana na, olu fana fɔ.

Dɔnkili 203 ani kuncɛli delili.

Mɛkalo tile 22 nan dɔgɔkun

Dɔnkili 36

Sanga 12: Ladɔnniyaliw ka ɲɛsin sigida ma. Ɲininkaliw jaabi sɛgɛsɛgɛ.

Sanga 20: “A’ ye to aw ɲɛna.” Ɲininkaliw ni jaabiw baro. Hali n’a y’a sɔrɔ an tɛ tɔɔrɔba don n’a lɛrɛ dɔn, kun min na a nafa ka bon kosɛbɛ an ka to an ɲɛna sisan, o ɲɛfɔ.​—⁠ San 1995 Nowanburukalo tile fɔlɔ La Tour de Garde ɲɛ 20 lajɛ.

Sanga 13: Aw ye ko jumɛnw labɛn ka kɛ samiyɛ na? Denbaya kɔnɔmɔgɔw b’a ɲɛfɔ u bɛna min kɛ samiyɛ kalow la. Ka kɛ tutigɛbaga farankan ye kalo kelen, walima kalo caman kɔnɔ u bɛna kuma o kan fana. U b’a fo fana ko n’u ye cogo sɔrɔ, u bɛna taa jirimayɔrɔ cɛɲiw lajɛ, walima k’u ɲɛnajɛ cogo nafama dɔ la. U bɛɛ bɛ sɔn a ma k’u tɛna u delinakow dabila ala-ka-marako baaraw ta fan fɛ.

Dɔnkili 83 ani kuncɛli delili.

Mɛkalo tile 29 nan dɔgɔkun

Dɔnkili 135

Sanga 12: Ladɔnniyaliw ka ɲɛsin sigida ma. Bɛɛ hakili jigin u k’u ka Mɛkalo baara dantigɛli sɛbɛn di. Ɲɛjirali surun dɔ kɛ Zuwɛnkalo sɛbɛn jirata kan. Bibulu kalan bɛ se ka daminɛ ni Wajibiya gafenin kalansen 13 nan ye cogo min na, a b’o jira.

Sanga 15: “I ka nisɔndiya sɔrɔ i ka baara senuman na.” Jɛmu. Kun minnu b’a to an bɛ nisɔndiya sɔrɔ an ka cidenyabaara la, baro kɛ olu kan. (Étude perspicace gafe filanan ɲɛ 46 lajɛ.)

Sanga 18: Bibulu kalan min bɛ mɔgɔ nafa. Jɛmu ni ɲɛjirali min sinsinnen bɛ Manuel pour l’école ɲɛ 33-34, dakun 6-7 kan. Ala-ka-marako kalan bɛ Bibulu kalan bolodasira dɔ jira Bibulu yɔrɔ nafama sinsinnen bɛ min kan. (San 1999 Desanburukalo An ka Masaya Cidenyabaara ɲɛ 7) Ɲɛjirali: Kalanjɛ min bolodala k’a kɛ dɔgɔkun o dɔgɔkun, denbaya dɔ kɔnɔmɔgɔw y’o yɔrɔ dɔw lajɛ ɲɔgɔn fɛ. U bɛ yɔrɔ nafama kelen walima fila labɔ, ka ɲinini wɛrɛw kɛ Index des publications ani Étude perspicace gafew kɔnɔ. Bibulu kalanjɛ nafa bɛ se ka bonya ka t’a fɛ cogo min na, an’a bɛ se k’an labɛn kosɛbɛ cogo min na walasa an ka “tiɲɛkuma jɛnsɛn ni tilennenya ye”, o fana jira.​—⁠2 Tim. 2:​15, LK.

Dɔnkili 95 ani kuncɛli delili.

Zuwɛnkalo tile 5 nan dɔgɔkun

Dɔnkili 37

Sanga 5: Ladɔnniyaliw ka ɲɛsin sigida ma.

Sanga 10: Sigida magow.

Sanga 15: “Funankɛw bɛ se ka bonya min sɔrɔ.” Jɛmu ni baro bɛ kɛ lamɛnbagaw fɛ. Ko kɛlen minnu bɛ sɔrɔ san 1996 Desanburukalo tile fɔlɔ La Tour de Garde kɔnɔ, a ɲɛ 13 la, a dakun 15 la, olu fɔ. Funankɛw ye nisɔndiya min sɔrɔ sɔn-ni-sɔn gafeninw tilatilali la, a ɲini u fɛ, u k’o fɔ. Funankɛ kelen, walima fila bila u ka ɲɛjirali nɔgɔn dɔ kɛ sɔn-ni-sɔn gafenin jiracogo kan, da ni da la. Dusu don bangebagaw kɔnɔ u k’u denw ta u fɛ sɔn-ni-sɔn gafeninw baara la dɔgɔkun o dɔgɔkun.

Sanga 15: “ ‘U ka kɔrɔbɔ’ cogo di?” Jɛmu don maakɔrɔ dɔ fɛ. Bibulu ye cogo minnu fɔ walasa ka kɛ cidenyabaara magannaw ye jɛkulu kɔnɔ, olu lajɛ. (Étude perspicace gafe filanan, a ɲɛ 289-290 lajɛ.) U ka kan ka cogo minnu dafa walasa ka sugandi, olu jira. (Notre Ministère gafe ɲɛw 55-56 lajɛ.) Cidenyabaara maganna bɛ baara minnu kɛ, olu jira. Dusu don balimakɛw kɔnɔ walasa u caman wɛrɛw ka se ka cogow dafa ka se k’o bonya sɔrɔ.

Dɔnkili 82 ani kuncɛli delili.