Baara Ka Lajɛw Bolodasira

Feburuyekalo tile 14 nan dɔgɔkun

Dɔnkili 13nan

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 15: ‘Kuma wajuli ka kɛ ni senna teliya ye.’ I ka dantigɛli kumaw kana sanga kelen bɔ. O kɔ, i ka ɲininkali ni jaabi baro kɛ. Kuma minnu bɛ Notre Ministère (An ka cidenyabaara) gafe kɔnɔ, a furaɲɛw 168 ni 169 kan, i k’olu dɔw fara a kan. Hakilinata waleyata dɔw di minnu bɛ se k’an dɛmɛ ka dɔ fara an ka wajuli hakɛ kan kalo nataw kɔnɔna na.

Sanga 20: “An bɛ se ka hakilijakabɔ kɛ ka ɲɛ cogo min na.” Jɛmu ni ɲɛjirali. A ɲɛfɔ mun na nafaba b’a la ka se ka mɔgɔ bila hakili jakabɔ la cidenyabaara la. A ɲɛfɔ fana an bɛ se k’o se sɔrɔ cogo min na. Weleweledala fila minnu bɛ se, olu ka ɲɛjirali kɛ. U bɛna baro kɛ cidenyabaara labɛncogo kan. U na u ka baro sinsin labɛncogo yɔrɔw kan minnu ɲɛfɔlen bɛ dakun 3nan na barokun kɔnɔ. O kɔ, u bɛ ɲɛjirali kɛ u ka kumajiracogo kan.

Dɔnkili 182nan ani kuncɛli delili.

Feburuyekalo tile 21 nan dɔgɔkun

Dɔnkili 17nan

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: “Muso minnu bɛ baaraba kɛ Matigi ye.” I ka dantigɛli kumaw kana sanga kelen bɔ. O kɔ, I ka ɲininkali ni jaabi baro kɛ. San 1996 Setanburukalo tile 15 La Tour de Garde la, a furaɲɛw 14 ni 15 la, a dakunw 18 ni 19 na, i k’o kumaw fara a kan. Balimamusow bɛ kɔkɔrɔdonni jira ni diyanye ye, ka baara nafama kɛ tɔw ye, ka wajuli kɛ ni cɛsiri ye. O bɛɛ kosɔn, i k’u tanu ni kanuya ye.

Sanga 20: “Mun bɛ se k’an dɛmɛ walasa an sabatilen ka to dannaya la?” Jɛmu don maakɔrɔ dɔ fɛ. An bɛ waati gɛlɛnw na. A kɛra cogo o cogo, an bɛɛ mago bɛ dɛmɛ na. Gɛlɛyaw bɛ mɔgɔ minnu dusu tiɲɛ, maakɔrɔw ni cidenyabaara magannaw bɛ se ka dɔ fara olu barika kan cogo min na, i ka kuma o kan. (I ka san 1993 Setanburukalo tile 15 La Tour de Garde lajɛ, a furaɲɛw 22 ni 23 la, “Des bergers qui édifient le troupeau” jukɔrɔ.) I k’a ɲɛfɔ an bɛ se k’an balimaw sinsin cogo min na walasa u sabatilen ka to dannaya la.​—Rom. 1:​11, 12.

Dɔnkili 82nan ani kuncɛli delili.

Feburuyekalo tile 28 nan dɔgɔkun

Dɔnkili 46nan

Sanga 10: Ladɔnniyaliw ka ɲɛsin sigida ma. Bɛɛ hakili jigin u k’u ka Feburuyekalo baara dantigɛlisɛbɛnw di. Cogo surun na, i ka “Cogo nɔgɔn naani” yɔrɔ lajɛ min bɛ kalo tɛmɛnnen An ka Masaya Cidenyabaara kɔnɔ a furaɲɛ 4nan kan. O barokun kɛra baara kan, baara min bɛ se ka kɛ ni sɛbɛndenninw ye walasa ka baro daminɛ mɔgɔw fɛ. Baara bɛ se ka kɛ ni Une vie paisible dans un monde nouveau (Ɲɛnamaya kɛ lafiya la diɲɛ kura kɔnɔ) sɛbɛndennin ye cogo min na, o jiracogo bɛ se ka na ni Dɔnniya gafe jirali ye, ɲɛjirali ka kan ka kɛ o kan. Ɲininkaliw kɛ minnu bɛ sɛbɛndennin dakun fɔlɔ la. O kɔ, dakun fɔlɔ kalan min bɛ furaɲɛ 3nan kan. I ka Zaburu 37:29 kalanni fara a kan. Ni mago jira kɛra, Dɔnniya gafe furaɲɛ 5nan jira, ka kumaw kalan minnu bɛ kɛrɛnaani kɔnɔ. O bannen kɔ, i ka Bibulu kalan kofɔ. Nin kalo in na, bɛɛ ka kan ka cɛsiri kɛrɛnkɛrɛnnenw kɛ walasa ka so kɔnɔ Bibulu kalanw daminɛ.

Sanga 5: Ɲininkaliw jaabi. Jɛmu don maakɔrɔ dɔ fɛ.

Sanga 12: Waleɲumandɔn jira ka ɲɛsin Masaya So jɔliko kuluw ma. Jɛmu don maakɔrɔ dɔ fɛ. A sinsinnen bɛ Ministère du Royaume ka farankan kan min bɛ san 1995 Utikalo ta kɔnɔ. Bi, Masaya So jɔliko kulu bɛ tɔnbolofara la Senegali. O kulu ni mɔgɔw bɛ jɛ ka baara kɛ kosɛbɛ, mɔgɔ minnu b’u mago don forobaarako la Senegali tɔnbolofara ka yamaruya kɔnɔ; olu bɛ forobaarako ka ciyakɛda la. Mago jɔlen bɛ Masaya Sow la yɔrɔ minnu na, Masaya So jɔliko kulu b’o latigɛ, k’u jɔli boloda. O de kama, tɔnbolofara ye lɛtɛrɛ ci jɛkulu bɛɛ ma san 1999 Desanburukalo tile 3nan na. Masaya So jɔli nege don bɛɛ la. Mɔgɔ minnu bɛ se k’u yɛrɛw di i n’a fɔ dɛmɛdonnaw o baara kama, i ka ɲɛfɔli kɛ o la; i ka wele bila mɔgɔw ma u k’a ɲini ka kɛ o mɔgɔ dɔ la kelen ye. (Aw ka Ministère du Royaume ka farankan lajɛ min bɛ san 1992 Nowanburukalo ta kɔnɔ a dakunw 18-20.) Mɔgɔ o mɔgɔ b’a fɛ k’o baara kɛ, o tigi bɛ se ka kuma a ka jɛkulu maakɔrɔw fɛ ka ɲinisɛbɛn sɔrɔ u bolo, n’o ye Demande d’admission au programme des volontaires pour la construction de Salles du Royaume (A-25) ye. Balima minnu ye baara kɛ ka kɔrɔ Masaya So walima Betɛl so jɔli la, i k’u ɲininka u ka nisɔndiya sɔrɔlen na o baara la.​—San 1999 Zuwɛnkalo tile fɔlɔ La Tour de Garde lajɛ, dakunw 15-16 la, a ɲɛw 18-19 kan.

Sanga 18:  “An ka Kibaru Duman wajuli kɛ ni daŋaniyaba ye.” Dantigɛli kɛ ni kanuya ye dakun fɔlɔ ni filanan n’u ka Bibulu tɛmɛsiraw kan; o kana sanga fila walima saba bɔ. O kɔ, i ka ɲininkali ni jaabi baro kɛ dakunw 3-12 kan.

Dɔnkili 61nan ani kuncɛli delili.

Marisikalo tile 6 nan dɔgɔkun

Dɔnkili 116nan

Sanga 5: Ladɔnniyaliw ka ɲɛsin sigida ma.

Sanga 10: Sigida magow.

Sanga 10: “A’ y’aw hakili to aw ka lamɛnni cogo la.” Denbayatigi bɛ baro kɛ a muso fɛ ka fara u denw kan; u bɛ se ka min kɛ walasa ka nafa bɔ jɛkulu ka lajɛw ni jamalajɛw la ka t’a fɛ, u bɛ kuma o kan. A b’a miiri ko denbaya bɛ se k’a hakili sin kalan ma ka ɲɛ. U bɛ hakilinata sɛbɛnnenw lajɛ ɲɔgɔn fɛ k’a ye u bɛ se k’u bɛɛ kelen-kelen sirataama cogo min na. Ka baro kɛ ka t’a fɛ fɛn kalannen kan, u b’u sinsin o fana kan. U jɔlen b’a kan k’u tɛna lajɛ si walima jamalajɛ si jɛ u seko bɛɛ la. U jɔlen na to a kan cogo min na, u bɛ kuma o kan.

Sanga 20: “An ka Kibaru Duman wajuli kɛ ni daŋaniyaba ye.” Cogo surun na, i ka segin baro kan dɔɔnin, baro min kɛra dɔgɔkun tɛmɛnnen na, a dakun 12 fɔlɔw kan. O kɔfɛ, ɲininkali ni jaabi baro kɛ dakunw 13-24 kan. Baara bɛnnen kɛ ni Bibulu tɛmɛsira kofɔlenw bɛɛ ye.

Dɔnkili 186nan ani kuncɛli delili.