Zuluyekalo Baara Ka Lajɛw

Zuluyekalo tile 5 nan dɔgɔkun

Dɔnkili 6

Sanga 10: Sigida ladɔnniyaliw. Ladɔnniyali latɔmɔlenw ka bɔ An ka Masaya Cidenyabaara kɔnɔ. I ka kuma jamana ni jɛkulu ka Marsikalo baara dantigɛlisɛbɛnw kan. Ala-ka-marako Kibaruyaw.

Sanga 20: “An ka dɛmɛ deli Jehowa fɛ.” I ka dantigɛli kuntaala kana sanga kelen bɔ. I ka tɛmɛ ni ɲininkaliw ni jaabiw baro ye. Kɔnɔnajɛya delili sifa caman jɔyɔrɔ ka bon cidenyabaara ɲɛli la cogo min na, i k’o ɲɛfɔ. I ka wele bila jama la mɔgɔw ma, u ka ko kɛlen dɔw lakali minnu b’a jira delili bɛnnenw y’u dɛmɛ cogo min na u ka cidenyabaara la.​—San 1996 Ɔkutɔburukalo tile 15 La Tour de Garde lajɛ, ɲɛ 32 na.

Sanga 15: I ka baara ɲuman kɛ ni gafeninw ye. Jɛmukan ni ɲɛjiraliw. I k’a ɲɛfɔ mun kama gafeninw ye minɛn nafamaw ye an ka cidenyabaara la. U bɛ kuma ko caman kan, ka kumakun kelen ɲɛfɔ k’a surunya, ka Sɛbɛnniw ka kalansiraw ɲɛfɔ ni nɔgɔya ye. Gafenin minnu bɛna jira nin kalo la, i k’olu tɔgɔw fɔ. Minnu ka ca jɛkulu kɔnɔ, i k’olu jira. I ka ɲɛjirali fila walima saba kɛ dantigɛli kuma surunmanw kan minnu bɛ tali kɛ hakilinaw la, n’o bɛ sɔrɔ “Présentations” jukɔrɔ Index des Publications kɔnɔ.

Dɔnkili 181 ani kuncɛli delili.

Zuluyekalo tile 12 nan dɔgɔkun

Dɔnkili 103

Sanga 10: Sigida ladɔnniyaliw. Jatew dantigɛli.

Sanga 15: “Ka kɔn ka labɛn kɛ, o bɛ na ni nisɔndiya ye.” Jɛmukan ni kumaɲɔgɔnyaliw. I k’a ɲɛfɔ mun kama labɛn jɔyɔrɔ ka bon foro baara kɔnɔna na, ani cogo min na an tɛ se ka nisɔndiyaba sɔrɔ an ka kɛtaw la ale kɔ. (Manuel pour l’école lajɛ, ɲɛ 38, dakunw 1-3.) I ka weleweledala senkola fila walima saba kumaɲɔgɔnya. U b’u labɛn cogo min na sanni u ka taa cidenyabaara la, ani o y’u dɛmɛ cogo min na, u k’o fɔ. I ka ko kɛlen dɔ lakali ka bɔ san 1993 Awirilikalo tile 15 La Tour de Garde kɔnɔ, a ɲɛ 30 na. Raisonner gafe bɛ baara min ɲɛ cidenyabaara labɛnni na, a b’o jira.

Sanga 20: “An ka ‘an dantigɛ’ joona!” I ka jama da don baro in na, ka ɲɛjiraliw kɛ. Fɛn min ka kan ka fɔ walisa dukɔnɔmɔgɔw k’u tulomajɔ du daw la, i ka segin o hakilinaw kelen-kelen bɛɛ kan. Weleweledala senkolaw ka kɛ i bolo walisa u ka dantigɛli kuma ɲuman caman ɲɛjira. I k’a ɲini jama la mɔgɔw fɛ u ka hakilina wɛrɛw di. Baara bɛ taɲɛ sɔrɔ cogo min na tigitigi sigida la, i ka dusulamin ko kɛlen dɔw lakali minnu b’o jira.

Dɔnkili 183 ani kuncɛli delili.

Zuluyekalo tile 19 nan dɔgɔkun

Dɔnkili 31

Sanga 10: Sigida ladɔnniyaliw.

Sanga 15: Sigida magow.

Sanga 20: Yali n ka kan ka kɛ jamakulu kolabɛnnen dɔ la wa? E ni jama cɛ baro de don ka bɔ Raisonner gafe kɔnɔ, ɲɛ 270-274. Tuma caman na, an ni mɔgɔ dɔw bɛ bɛn, Masaya ka cikan ka di minnu ye, nka a ka go u ye ka “kɛ” diinɛ jamakulu kolabɛnnenw na. I ka segin “Organisation” kɔrɔ kan, ka tila ka Jehowa ka jamakulu kolabɛnnen yeta ka taamasyɛn wolonwula jira. Danfara min b’a ni tɔw cɛ, i k’o jira. Ale fɛ jɛɲɔgɔnya bɛ na ni duba sɛbɛw ye cogo min na, i k’o ɲɛfɔ.

Dɔnkili 189 ani kuncɛli delili.

Zuluyekalo tile 26 nan dɔgɔkun

Dɔnkili 184

Sanga 15: Sigida ladɔnniyaliw. I ka bɛɛ hakili lajigin u k’u ka Zuluyekalo foro baara dantigɛlisɛbɛnw di. I ka “Ɲininkaliw jaabi” yɔrɔ lajɛ.

Sanga 10: “Kafo ka jamalajɛ kalan bolodalen kura.” Jɛmukan. I ka kafo ka jamalajɛ nata don fɔ. I ka mɔgɔ kuraw dusu lamin walisa u k’u miiri batɛmu ko la. A nege don mɔgɔw bɛɛ la u ka kɛ lajɛsigi kelen-kelen bɛɛ la.

Sanga 20: Yali an bɛ mɔgɔw kɛ kalandenw ye wa? Baara lakɔlɔsibaga ni cidenyabaara maganna kelen walima fila bɛ baro kɛ o yɔrɔ kan ka bɔ san 1996 Feburuyekalo tile 15 La Tour de Garde kɔnɔ, a ɲɛ 19-22. Daliluw jira ka bɔ Sɛbɛnniw na, dalilu minnu kama an bɛ mɔgɔw ɲini an ka danyɔrɔ la, mɔgɔ minnu n’a ka kan, k’u kɛ kalandenw ye. (Mat. 10:11) O mɔgɔw bɛ ŋunan juguya ni lahaalaya juguw bɛɛ kosɔn minnu b’u lamini. U labɛnnen don ka Jehowa ɲini yan ni a ka dimiya don cɛ. (Eze. 9:4; Sof. 2:2, 3) Mɔgɔw b’u la minnu ‘labɛnnen don balo banbali kama.’ (Kɛw. 13:48) An ka ci ye ka mɔgɔw kɛ kalandenw ye, k’u kalan Yesu ka ci fɔlenw bɛɛ la. (Mat. 24:14; 28:19, 20) Ni da-ni-da baara, ani senfɛ seereya ni bɔlɔn kɔnɔ waajuli bɛ se ka cikan nege don mɔgɔw la kabini siɲɛ fɔlɔ la, an bɛ kalandenw kɛ n’an bɛ tugu u nɔ fɛ cidenyabaara la, segin-ka-bɔnyew ni Bibulu kalanw sababu fɛ. O bɛ se ka kɛ cogo min na, i ka hakilina ɲumanw di o kan.

Dɔnkili 14 ani kuncɛli delili.