Zuwɛnkalo Baara Ka Lajɛw

Zuwenkalo tile 7nan dɔgɔkun

Dɔnkili 45

Sanga 10: Sigida ladɔnniyaliw. Ladɔnniyali latɔmɔlenw ka bɔ An ka Masaya Cidenyabaara sɛbɛn kɔnɔ. Ala-ka-marako Kibaruyaw.

Sanga 15: “An bɛ ka kalan Jehowa fɛ.” Barokun dantigɛli man kan ka sanga kelen bɔ. O kɔ, a kɛ ɲininkaliw ni jaabiw baro ye. Lamɛnbagaw ye nafa minnu dɔw sɔrɔ ka bɔ Ala-ka-marako Kalan, Tutigɛbagaya Baara Kalan, Masaya Cidenyabaara Kalan, ani a kalan tɔw la, u wele u k’olu fɔ. O kalanw ye Jehowa ka jamakulu dɛmɛ k’a ka baarakɛcogo ɲɛ cidenyabaara la cogo min na, i k’i sinsi o kan.

Sanga 20: “I k’i ka waati kɛ cogo ɲuman na.” Jɛkulu ka Gafe Kalan ɲɛminɛbaga dɔ ani weleweledala ŋana kelen, walima fila bɛ baro kɛ. U y’u ka waati labɛn cogo min na walisa k’u niyɔrɔ dafalen kɛ foro baara la, u b’o fɔ. Waati bolodacogo ɲuman nafa ye min ye o b’o jira, wa nafa min b’a la k’o sɔrɔ, u bɛ sinsi o fana kan. Fɛn minnu bɛ waati tiɲɛ, waati bolodacogo ɲuman ye u tanga o fɛnw ma. O fɛnw ye ninnu ye: n’u t’a daminɛ joona, n’u tɛ kɔn k’u ka kow labɛn, walima n’u bɛ baro kɛ kojugu cidenyabaara kɛtuma na. U bɛ sigida kow mafilɛ. Waati bɛ se ka kɛ cogo ɲuman na sira min fɛ, u bɛ hakilina ɲuman di o kan.

Dɔnkili 48 ani kuncɛli delili.

Zuwɛnkalo tile 14nan dɔgɔkun

Dɔnkili 63

Sanga 10: Sigida ladɔnniyaliw. Jatew dantigɛliw.

Sanga 15: Sigida magow.

Sanga 20: “Yali i bɛ se ka dɛmɛ don wa?” Baro kɛ ni lamɛnbagaw ye. A bɛ kɛ maakɔrɔ dɔ fɛ. Walisa ka bangebagaw dɛmɛ, bangebaga minnu kelen don, hakilina minnu dilen bɛ san 1995 Ɔkutɔburukalo tile 8 Réveillez-vous! kɔnɔ, a ɲɛw 8-9 na, olu fɔ ka fara a kan. A ɲini u dɔw fɛ, u k’u ka waleɲumandɔn jira ka ɲɛsin kanuya dɛmɛ ma, u ye min sɔrɔ ka bɔ jɛkulu mɔgɔ tɔw fɛ.

Dɔnkili 53 ani kuncɛli delili.

Zuwɛnkalo tile 21nan dɔgɔkun

Dɔnkili 72

Sanga 10: Sigida ladɔnniyaliw. Ni Les jeunes s’interrogent... gafe, walima Jeunesse gafe maralen bɛ jɛkulu kɔnɔ, a jira baara nafama bɛ se ka kɛ n’u ye cogo min na cidenyabaara la, samiyɛ kalow la. O waati de la an ka teli kosɛbɛ ka funankɛw sɔrɔ so.

Sanga 17: An ka baara ɲuman kɛ ni kasɛti videyow ni dramu kasɛti odiyow ye. Tɔn ye videyo 10 ani dramu kasɛti 11 minnu bɔ, yali an bɛ se ka baara fisama kɛ n’u ye wa? Yali e ani i ka denbaya y’u kelen-kelen bɛɛ ye, k’u kelen-kelen bɛɛ lamɛn wa? I k’u caman kumakun lajɛ. A jira cogo min na u bɛ hakili ta fan fɛ fanga di an ma, ka dɔ fara an ka Bibulu kalan nafa kan, ani k’an dɛmɛ ka seereya ɲuman kɛ tiɲɛ ko la. I ka kasɛti odiyo yɔrɔ fila, walima saba bila a la dɔɔnin. Kasɛti videyo, walima dramu kasɛti odiyo min ye nɔ kɛrɛnkɛrɛnnen bila u ka denbaya la, k’a dusu lamin, walima ka mɔgɔ kuraw kunsin jamakulu kolabɛnnen ma, a ɲini lamɛnbagaw fɛ u ka kuma o kan. Kasɛtiw ye nafa ɲuman minnu sɔrɔ, olu ko kɛlen dɔw ɲɛfɔ. (Annuaire 1999 lajɛ, a ɲɛw 51-2 la) Bɛɛ dusu lamin u ka baara ɲuman kɛ ni kasɛti videyow ani dramu kasɛti odiyow ye.

Sanga 18: “Yali aw ɲɛ bɛ mɔgɔ yecogo dɔrɔn de la wa?” A kɛ jɛmu ani baro ye ni lamɛnbagaw ye. Kun minnu na an man kan k’an teliya k’an hakilina di mɔgɔw kan, an bɛ minnu bɛn, i sinsi olu kan. Jehowa ye Jona kalan min na, baro surun bɔ o kan. Jona tun ye mɔgɔw mafilɛ mɔgɔ lankolonw ye, ka miiri tilenbali sɔrɔ ka ɲɛsin u kan. (San 1997 Utikalo tile 15 La Tour de Garde lajɛ, a ɲɛw 21-2 la, a dakunw 17-19 na.) An bɛ mɔgɔ sugu caman bɛn an ka danyɔrɔ la. An bɛ se ka hakili ɲuman mara u fan fɛ cogo min na, ani ka kiritigɛ to Jehowa bolo, lamɛnbagaw wele u ka kuma o kan.

Dɔnkili 77 ani kuncɛli delili.

Zuwɛnkalo tile 28nan dɔgɔkun

Dɔnkili 85

Sanga 12: Sigida ladɔnniyaliw. Weleweledalaw bɛɛ hakili jigin u ka Zuwɛnkalo baara dantigɛlisɛbɛn di. Kuma Zuluyekalo sɛbɛn jirataw kan. Gafenin minnu caman bɛ sɔrɔ jɛkulu kɔnɔ, olu jira. O gafeninw kɔnɔfɛn kelen, walima fila jira minnu bɛ se k’an ka kumajiracogo sinsi. Ɲɛjirali min labɛnna ka ɲɛ, o fara a kan.

Sanga 13: Mun na Jehowa b’a to a ka jamakulu ka tɔɔrɔ? A jɛmu bɛ kɛ maakɔrɔ dɔ fɛ. A sinsinen bɛ Les Témoins de Jéhovah, proclamateurs du Royaume de Dieu (Jehowa Seerew, Ala ka Masaya weleweledalaw) gafe kan, a ɲɛw 676-7 la. Iko Yesu y’a fɔ cogo min na, an na ‘kɔniya siya bɛɛ fɛ.’ (Mat. 24:9) N’an bɛ cidenyabaara la, n’an b’an fara an balimaw kan minnu tɛ Seerew ye, walima an n’an baarakɛɲɔgɔnw n’an kalankɛɲɔgɔn cɛ minnu tɛ Seerew ye, kɔdonni bɛ se ka kɛ an na. Kumana b’a ɲɛfɔ cogo nafama na mun na Jehowa y’a to o tɔɔrɔ sugu, walima o kɔdonni sugu ka kɛ. An ka muɲuli bɛna laban duba minnu na, a b’olu fana fɔ.

Sanga 20: Mɔgɔw bɛ yɔrɔ minnu na, aw ka taa yen! Jɛmu min sinsinen bɛ Annuaire 1997 kan, a ɲɛw 42-8 la. An ka kan ka taa’ fɛ k’an niyɔrɔ kɛ tuma bɛɛ du-ni-du seereya la, k’an kɔrɔtɔlen to cogo ɲinini na ka senfɛ seereya kɛ, a kɛra waati o waati ye, walima yɔrɔ o yɔrɔ ye. Ko kɛlen minnu bɛ Annuaire kɔnɔ, olu b’a jira balima wɛrɛw ye min kɛ walisa ka taɲɛ ɲuman sɔrɔ tuma min na u tun bɛ kareba kɔnɔ, u taamatɔ sira kan, jidaw la, mobili jɔyɔrɔw la, kamiyɔnw jɔyɔrɔw la, telefɔni fɛ, ani bataki sɛbɛnni fɛ. Ni waati b’a yamaruya, lamɛnbaga yɛrɛw ye ko kɛlen minnu sɔrɔ, u wele u k’olu fɔ. Bɛɛ dusu lamin u ka nafa sɔrɔ cogo kelen-kelen bɛɛ la walisa u ka seereya kɛ mɔgɔw bɛ sɔrɔ yɔrɔ minnu na.

Dɔnkili 75 ani kuncɛli delili.