Krista ka saya Hakilijigin diɲɛ bɛɛ la
1 Jehowa y’an tiɲɛ ni nilifɛn caman ye. A ka ɲumanya an’a ka kanuya min jirala ni kantigiya ye, olu bɛɛ lajɛlen ɲɛfɔra ka ɲɛ iko ‘a ka nilifɛnba min ɲɔgɔn tɛ.’ Ɔwɔ, ‘an man kan ni Ala ka ɲumanya min ye’, o ye dakabana ko ye min bɛ tɛmɛ an seko kan k’o ɲɛfɔ.—2 Kɔr. 9:14, 15, (NW).
2 A ka nilifɛn bɛɛ la belebele: Iko hadamadenw kunmabɔbaga, Yesu Krista ye nilifɛn bɛɛ la belebele ye. A kɛlen k’a denkɛ kanulen kelenpe bangelen di, Jehowa y’a ka kanuyaba jira ka ɲɛsin diɲɛ ma. (Yuh. 3:16) O duba sugu min bɛ bɔ Ala yɔrɔ, n’an man kan n’a ye, o ni hakili jigin ka kan diɲɛ bɛɛ la. Tuma jumɛn ani cogo di? Diɲɛ bɛɛ la, san 1999 Awirilikalo tile fɔlɔ, Alamisadon sufɛ, Krecɛnw bɛna u hakili jigin Matigi ka surɔfana la, ka yɛrɛdi bɛɛ la belebele Hakilijigin labatoli kɛ.—1 Kɔr. 11:20, 23-26.
3 Krista sara an kosɔn k’a sɔrɔ “an jurumutɔ” tun don. An kelen-kelen bɛɛ bɛ se k’a ka waleɲumandɔn jira n’a b’a ka saya Hakilijigin labato, ka mɔgɔ wɛrɛw wele walisa an ka kɛ ɲɔgɔn fɛ o ko bɛɛ la sɛbɛman na.—Rom. 5:8.
4 Ko bɛɛ la sɛbɛman: Ka Krista ka saya labato, o bɛ fɛn min jira fɔlɔ, o ye ko Yesu ye Ala ka masabaya kɔkɔrɔmadondo cogo dafalen na. A b’an hakili jigin fana k’an bɛ se ka jɔyɔrɔ saniyalen sɔrɔ Jehowa ɲɛkɔrɔ n’an bɛ dannaya waleya ka ɲɛsin Yesu ka saraka ma. O cogo la sa, an jɛyalen bɛ kɛ an kisili ko la. (Kɛw. 4:12) Tiɲɛ na, nin ye san ko bɛɛ la sɛbɛman de ye!
5 An b’an ka kanuya jira ka ɲɛsin an sigiɲɔgɔn ma n’an b’u wele walisa an ka Matigi ka surɔfana labato ɲɔgɔn fɛ. Koduman minnu bɛ bɔ kunmabɔnafolo la, u bɛ sɔrɔ hali bi mɔgɔ miliyɔnw ye, mɔgɔ minnu bɛ a nafaba dɔn. (Fil. 3:8) Mɔgɔ minnu bɛ dannaya waleya ka ɲɛsin Krista ka saraka ma, u bɛ se ka ɲɛnamaya banbali jigiya sinsinen sɔrɔ.—Yuh. 17:3.
6 Hakilijigin waati bɛ cogo kɛrɛnkɛrɛnnen di an ma walisa k’an ka waleɲumandɔn jira Ala ka ɲumanya ko la, ɲumanya min bɛ tɛmɛ fɛn bɛɛ kan, n’an man kan n’a ye. O ye waati ɲumanba de ye k’an ni don Ala ka Masaya kibaru duman waajuli la ni timinandiya ye. Mɔgɔ minnu, deliliw kɔnɔ, bɛ taasi Jehowa ka nilifɛnba la, nilifɛnba min ɲɔgɔn tɛ, n’a dira fu, n’u bɛ tila ka mabɛnw kɛ walisa ka kɛ ɲinan Matigi ka surɔfana ko labatoli la, kodumanbaw de bilalen bɛ olu ɲɛ.