Ɔkutɔburukalo Baara Ka Lajɛw

HAKILIJIGINNAN: Kafoba ka jamalajɛ kalo kɔnɔna na, dɔgɔkun o dɔgɔkun ka baara ka lajɛw baarabolodalen bɛna sɔrɔ An ka Masaya Cidenyabaara sɛbɛn kɔnɔ. Jɛkulu bɛna yɛlɛmali bɛnnenw don o la u kɛtɔ k’u hakili to a la k’u bɛna kɛ “Ala ka sira bɛ na ni ɲɛnamaya ye” jamalajɛ la, ani k’o baara ka lajɛ min bɛna kɛ o dɔgɔkun nata la, u bɛna sanga 30 kɛ ka segin kalan yɔrɔ kolomaw kan. Seginnkanni min bɛna kɛ o don kelen-kelen bɛɛ kan, o bɛna kɔn ka di balimakɛ fila walima saba ma minnu bɛ se kosɛbɛ. O seginnkanni in kɔnɔna na, u bɛna miiriya belebelew labɔ. N’o baara labɛnna ka ɲɛ, a bɛna jɛkulu kɔnɔmɔgɔw dɛmɛ u k’u hakili jigin miiriya nafamaw na walisa u k’u sirataama u yɛrɛ ye ani ka baara kɛ n’u ye waajuli la. Jama ka kuma fɔtaw ani a ko lakalitaw bɛna surunya ka kɛ bɛn pereperelatigɛlen ye.

Ɔkutɔburukalo tile 5nan dɔgɔkun

Dɔnkili 199

Sanga 7: Sigida ladɔnniyaliw. Ladɔnniyali latɔmɔlenw ka bɔ An ka Masaya Cidenyabaara sɛbɛn kɔnɔ.

Sanga 20: “Yali i bɛ sɔn-ni-sɔn gafeninw kalan wa?” Ɲininkaliw ni jaabiw. Ka ɲɛsin Bibulu kalan ma, kuma hakilina nafamaw kan minnu kɔfɔlen bɛ Manuel pour l’École gafe kɔnɔ, kalan 4nan na, a dakunw 5-6 la.

Sanga 18: “‘Masaya si danni’ mɔgɔw la ni sɔn-ni-sɔn gafeninw tilatilali sira ye.” Baro kɛ ni lamɛnbagaw ye. A ɲini dɔw fɛ u k’a ɲɛfɔ cogo min na u ye sɔn-ni-sɔn gafeninw tilatilali sira daminɛ ni mɔgɔw ye ani k’olu mara. O kɔ, ɲɛjirali dɔ kɛ sɔn-ni-sɔn gafeninw jiracogo kan. Mabɛnw bɛ kɛ o kɔnɔna na walisa ka segin ka na ni bɔko nataw ye.

Dɔnkili 133 ani kuncɛli delili.

Ɔkutɔburukalo tile 12nan dɔgɔkun

Dɔnkili 42

Sanga 5: Sigida ladɔnniyaliw. Jatew dantigɛli.

Sanga 10: “Lakɔlɔsibagaw bɛ ɲɛmɔgɔya ta—Sɛbɛnnikɛla.” Jɛmu min bɛ kɛ jɛkulu sɛbɛnnikɛla fɛ. Baara minnu kalifara a ma, a bɛ kuma o kan. A b’a jira ko ale ni tɔw bɛɛ bɛ se ka baara kɛ ɲɔgɔn fɛ, ni bɛɛ bɛ foro baara dantigɛli sɛbɛn bila joona.

Sanga 10: Tutigɛbaga hakilina b’u la ni nisɔndiya ye. Jɛmu min bɛ dusu don mɔgɔw kɔnɔ. A sinsinen don san 1998 Annuaire kan, a ɲɛw 104-7nan na. A ɲɛfɔ: Mun na tutigɛbagaw ka ca tenni nɔ Japɔn jamana kan; mun b’a to muso furulen minnu bɛ so kɔnɔ o yɔrɔ la, u bɛ jɔyɔrɔ fɔlɔ di alako magow ma; mɔgɔ minnu bɛ tutigɛbaga ɲinini sɛbɛn lafa, mun b’u bila k’o kɛ; jɔn de fana ye tutigɛbagaw fanba ye. Bangebaga minnu ye tutigɛbagaw ye, u bɛ nɔ ɲuman minnu bila, o jira. Mabɛn minnu ka kan ka kɛ mɔgɔ dɔ ka ɲɛnamaya la walisa ka kɛ tutigɛbaga ye, o bɛ daŋaniya min wajibiya, o jira. Dusu don u bɛɛ kɔnɔ u k’u sɛbɛkɔrɔ-miiri delili kɔnɔ walisa u ka lajɛ ko kura u jigiyaw ye minnu ye walisa ka tutigɛbaga baara kɛ.

Sanga 20: “‘Ala ka sira bɛ na ni ɲɛnamaya ye’—San 1998 kafoba ka jamalajɛ.” (D. 1-15 la). Ɲininkaliw ni jaabiw. Dakun 9nan ni 10nan kalan. Nafa min b’a la ka kɛ ni fini ni taamacogo bɛrɛ bɛnnenw ye krecɛnya kɔnɔ ani k’i denw kɔlɔsi koɲuman, Sɛbɛnniw bɛ o magɛlɛya kosɛbɛ. O la sa, i sinsi o nafa kan.

Dɔnkili 141 ani kuncɛli delili.

Ɔkutɔburukalo tile 19nan dɔgɔkun

Dɔnkili 16

Sanga 10: Sigida ladɔnniyaliw. Kuma minnu fɔlen don sɔn-ni-sɔn gafeninw bɔko labanw kɔnɔ, olu lajɛ. Ko kɛlen minnu bɛ san 1997 Annuaire kɔnɔ, a ɲɛ 45nan na, ani san 1996 Ɔkutɔburukalo tile 22 Réveillez-vous! kɔnɔ, a ɲɛ 32nan na, olu fɔ. Dusu don bɛɛ kɔnɔ u k’u niyɔrɔ kɛ sɔn-ni-sɔn gafeninw tilatilali la nin dɔgɔkun laban in na.

Sanga 15: “‘Ala ka sira bɛ na ni ɲɛnamaya ye’—San 1998 kafoba ka jamalajɛ.” (D. 16-21) Ɲininkaliw ni jaabiw. Dakun 16nan ani Bibulu tɛmɛsira kofɔlen kalan. Fɛn min ye ka kɛ mɔgɔ ye min ka ko ɲɛnabɔlen don, n’a bɛ mɔgɔ wɛrɛw jate kɛrɛnkɛrɛnnenya la sigiyɔrɔ ko ta fan fɛ, o nafa jira k’a jɛya. Kuncɛli la, hakili ka kan ka to fɛn minnu na, olu bakurubafɔ.

Sanga 20: La Tour de Garde kalan bɛ labɛn cogo min na. Baro don ni lamɛnbagaw ye. A ɲɛminɛlen bɛ La Tour de Garde kalan ɲɛminɛbaga fɛ. Baro sinsinen bɛ san 1986 Mɛkalo tile 15 La Tour de Garde kan, a ɲɛw 19-20nan na, a dakunw 16-18nan na, ani Manuel pour l’École gafe fana kan, a kalan 7nan, a dakun 11nan na, ani kalan 18nan, a dakun 4-6nan na. A ɲini lamɛnbagaw fɛ u ka kuma ɲininkali nataw kan: 1) Mun na a jɔyɔrɔ ka bon kosɛbɛ ka nafa camanba sɔrɔ La Tour de Garde barokun kelen-kelen bɛɛ kalan na? 2) An ka kan ka mun kɛ n’an ye bɔko kura dɔ sɔrɔ? 3) La Tour de Garde kalan labɛn cogo ɲuman dɔ ye jumɛn ye? 4) Kɔlɔsili jumɛn ka kan ka ɲɛsin Bibulu tɛmɛsira kofɔlenw ni kalan kumakun ma? 5) An ye min dege, an bɛ se k’o seginnkanni kɛ cogo di? 6) An ka yɛrɛkalan na, n’an b’an ka kalan kuncɛra tuma min na, an ka kan ka taasi yɔrɔ koloma jumɛnw kan? 7) An bɛ se k’an ka kuma fɔta labɛn cogo di? 8) Kuma fɔtaw caman bɛ se ka fɔ ɲininkali kelenpe la cogo di? A ɲini mɔgɔ dɔw fɛ u ka ɲɛfɔ u ye min kɛ walisa k’u yɛrɛw dɛmɛ ka nafaba sɔrɔ La Tour de Garde kalan na.​—Organisés pour bien remplir notre ministère gafe lajɛ, a ɲɛw 65-7nan na.

Dɔnkili 95 ani kuncɛli delili.

Ɔkutɔburukalo tile 26nan dɔgɔkun

Dɔnkili 98

Sanga 10: Sigida ladɔnniyaliw. Sɛbɛn kɔrɔlen minnu maralen bɛ jɛkulu bolo, n’u bɛ se ka jira cidenyabaara la ni cogow sɔrɔla, olu kofɔ. Ikomi kalanbilawaati setɔla don Desanburukalo la, o bɛna kɛ waati ɲuman ye funankɛ batiselenw ani tɔw bolo, u k’u miiri tutigɛbaga farankan ka baara ma.

Sanga 20: Kanminɛli kɛli ni alaɲɛsiranya ye denbaya kɔnɔ min kɔnɔmɔgɔ tilalenw don diinɛ sira la. Jɛmu min sinsinen don san 1995 Zuwɛnkalo tile fɔlɔ La Tour de Garde kan, a ɲɛw 26-9nan na. Mɔgɔ minnu furuɲɔgɔn tɛ dannabaga ye, u dusu lamin. Kangari da u ye ni ɲumanya ye walisa k’u dɛmɛ u ka jogo ɲuman mara ani u k’u fara jɛkulu kan ka baara kɛ n’a ye.

Sanga 15: Ka na lajɛw la a waati jaati la. Baro bɛ kɛ Jɛkulu ka Gafe Kalan ɲɛminɛbagaw walima cidenyabaara magannaw fila walima saba ni ɲɔgɔn cɛ, ka ɲɛsin waati jɛli ma lajɛw nali ko la. U bɛ sɔn a ma ko ko cunnenw, i n’a fɔ ko telimanw, waati cogoyaw, bolifɛn kow sira kan, k’olu bɛ se ka kɛ sababu ye mɔgɔ bolo ka waati jɛ. Nka, o n’a ta o ta, dɔw delinako don ka waati jɛ. Cogo nafama na, o kulu in bɛ baro kɛ ani k’a jira min wajibiyalen don walisa ka se waati jaati la: 1) waleɲumandɔn min bɛ bɔ an dusukun bɛɛ kɔnɔ ka ɲɛsin bonya ma, bonya min ye ka kɛ lajɛw la, ka balo sɔrɔ hakili ta fan fɛ, ani ka jɛ fana sɔrɔ o yɔrɔ la; 2) ka kɔn k’i ka kow sigi, k’u kolabɛn koɲuman; 3) denbaya kɔnɔmɔgɔw ni ɲɔgɔn cɛ, u k’a bɔ u yɛrɛw la ka jɛ-ka-baara kɛ ɲɔgɔn fɛ; 4) ka bɔ so joona, ka waati dɔ jateminɛ ko cunnenw kama; ani 5) ka hami tiɲɛ yɛrɛ la walisa an kana kɛ sababu ye ka tɔw bali ɲɛmajɔli la lajɛw tuma la. O balimakɛ ninnu bɛɛ bɛ bɛn a kan ko ko min ye ka waati jɛ, k’o bɛ se ka ɲɛnabɔ ni jɔyɔrɔ fɔlɔ dira cɛsiriw ma tuma bɛɛ walisa an ka ɲɛ ka taa’ fɛ.

Dɔnkili 86 ani kuncɛli delili.

(A tɔ bɛ ɲɛ 11nan na)

Baara ka lajɛw tɔ. . .