An mɔgɔɲɔgɔnw mago b’a la ka kibaru duman mɛn
1 Ala sago ye ko “mɔgɔw bɛɛ ka kisi, ka se ka tiɲɛ dɔn.” (1 Tim. 2:4) “Mɔgɔw bɛɛ” kɔrɔ ye an mɔgɔɲɔgɔnw bɛɛ. Ka olu lasɔrɔ ni kibaru duman ye, o b’a wajibiya an k’an ka kumajiracogow yɛlɛmayɛlɛma, ani an bɛ mɔgɔ kelen o kelen min kunbɛn, o bɛ se ka mago jira kɛ fɛn min ko la, an ka hami o la. (1 Kɔr. 9:19-23) Jehowa ka jamakulu ye baarakɛminɛnw di minnu bɛ se k’an dɛmɛ walisa ka mɔgɔ dusukun minɛ, mɔgɔ minnu “cogo bɛnnen don ɲɛnamaya banbali kama.” (Kɛw. 13:48, NW) Walisa k’an mɔgɔɲɔgɔnw mago ɲɛ hakili ta fan fɛ, an k’a lajɛ an bɛ se ka baara kɛ ni gafenin suguw caman ye cogo min na Zuluye ni Uti kalow la.
2 An bɛ gafenin minnu jira: Nin hakilina nata ninnu bɛ se k’i nafa walisa ka gafenin dɔw jira. Hakilina kelen o kelen kɔnɔ, nin fɛn ninnu bɛ sɔrɔ a la 1) ɲininkali dɔ min bɛ na ni hakilijakabɔ ye walisa ka baro daminɛ, 2) baro bɛ kɛ yɔrɔ minnu kan gafenin kɔnɔ, olu sɔrɔyɔrɔ, ani 3) Bibulu tɛmɛsira bɛnnen dɔ min bɛ se ka kalan baro kɛtuma na. I bɛ se ka kumajiracogo tɔ fɔ i yɛrɛ ka daɲɛw la, ka bɛn n’i barokɛɲɔgɔn ka jaabi ye. Gafeninw fanba jiracogo pereperelatigɛlen bɛ sɔrɔ An ka Masaya Cidenyabaara bɔko tɛmɛnen kofɔlen dɔ kɔnɔ.
Dieu se soucie-t-il vraiment de nous?
E ɲɛ na, jigiya jumɛn bɛ yen walisa k’a mɔgɔw dɛmɛ minnu ye tɔɔrɔ dɔn?—Ɲɛw 27-28, dakunw 23-27 la, Es. 65:17, 18; km 7/97 ɲ. 4.
Quel est le but de la vie? Comment le découvrir?
Mun na bi bi in na mɔgɔw ka ca minnu tɛ wasa sɔrɔ u ka ɲɛnamaya kɔnɔ?—Ɲɛw 29-30, dakunw 2, 25-26; Zab. 145:16; km 7/96 ɲɛ 4.
I ka nyènamaya kè kudayi hèrè banbali la dugukolo kan!
Yesu Krista bɛ min kɛra sisan, yali i delila k’i yɛrɛ ɲininka o la wa?—Jaw 41-42; Jir. 11:15; km 8/96 ɲɛ 8.
Le gouvernement qui établira le Paradis.
Yesu y’an kalan ka delili kɛ Masaya min ko la, yali i b’a fɛ k’o dɔn wa?—Ɲɛ 3; Mat. 6:9, 10; km 8/96 ɲ. 8.
Quand la mort frappe un être aimé...
Ka ɲɛsin mɔgɔ ma min diyanyemɔgɔ dɔ sara, yali i delila k’i yɛrɛ ɲininka i bɛ se k’o tigi dusu saalo cogo min na wa?—Ɲɛ 26, dakunw 2-5 la; Yuhana 5:28, 29; km 7/97 ɲɛ 4.
Doit-on croire à la Trinité?
Ka Ala cogo jɔnjɔn dɔn, yali o nafa ka bon an ka sini ko la wa?—Ɲɛ 3, dakunw 3, 7-8; Yuhana 17:3.
3 Gafenin wɛrɛw: Tuma min na a bɛ bɛn, an bɛ se ka sɛbɛnw jira mɔgɔw la, sɛbɛn minnu kofɔra san 1998 Feburuyekalo An ka Masaya Cidenyabaara ka farankan kɔnɔ. Gafenin dɔw dilanna kɛrɛnkɛrɛnnenya la walisa ka seereya kɛ Silamɛw ye. An bɛ se ka hakilinaw lajɛ o farankan kɔnɔ a dakun 16nan na. Hakilina minnu bɛ sɔrɔ Comment Raisonner gafe kɔnɔ, a ɲɛw 21-24 la, olu sɛgɛsɛgɛ. Kumajiracogo surunman minnu bɛ mɔgɔw bila ka mago jira kɛ, an k’olu dɔw labɛn.
4 Gafenin wɛrɛ fana labɛnna walisa ka mɔgɔw dɛmɛ, a dɔ rɔ mɔgɔ minnu kalannen don koɲuman, nka n’u tɛ bɛrɛ dɔn Bibulu ko la. O gafenin dilanna walisa k’o mɔgɔw bila u ka kanu ka Ala ka Kuma lajɛ. Tuma min na a bɛ bɛn, i bɛ se ka gafenin nata jira:
Un livre pour tous.
Yali i bɛ sɔn a ma ko ka dɔnniya dɔ sɔrɔ ka bɔ Bibulu kɔnɔ, o fana sen b’a la walisa ka kɛ mɔgɔ kalannen ye koɲuman wa?—Ɲɛ 3, dakunw 1-3 la, ani ɲɛ 30, dakun 2; Waaj. 12:11, 12.
5 Bibulu kalan bɛ kɛ gafenin kan: Cidenyabaara la, an kuntilenna ka kan ka kɛ tuma bɛɛ ka Bibulu kalan dɔ daminɛ, a kɛra taali ko fɔlɔ senfɛ walima segin-ka-bɔnye dɔ senfɛ. Walisa k’o kɛ, gafenin b’an bolo min bɛ kɛ ka Bibulu kalanw daminɛ sow kɔnɔ, ani k’u ɲɛminɛ cogo nɔgɔn na:
Ala bɛ mun wajibiya an ma?
Yali i b’a dɔn ko dɔgɔkun o dɔgɔkun sanga 30 kɔnɔ walima a t’o bɔ yɛrɛ, dɔgɔkun 16 kɔnɔ, i bɛ se ka Bibulu dɔnniya jujɔ sɔrɔ wa?—Kalansen 2, dakun 6; 2 Tim. 3:16, 17; km 3/97 ɲɛ 4.
6 A ka misali kɔnɔ ka ɲɛsin Samarika ɲuman ma, Yesu y’a jɛya ko mɔgɔ mɔgɔɲɔgɔn lakika ye mɔgɔ ye min bɛ kanuya ani ɲumanya jira walisa ka mɔgɔ wɛrɛ dɛmɛ a ka sɛgɛn kɔnɔ. (Luk. 10:27-37) An mɔgɔɲɔgɔnw bɛ tɔɔrɔ la hakili ta fan fɛ. U mago b’a la ka kibaru duman mɛn. An k’an jɔyɔrɔ fa an kɛtɔ ka kibaru duman tila n’u ye. O cogo la, an b’a jira k’an ye Yesu Krista ka kalanden lakikaw ye.—Mat. 24:14; Gal. 5:14.