“Ka dafa a selen kɛwale ɲumanw bɛɛ la”
1 Bi bi in na, Jehowa bɛ duba a ka jama ye ni balo nafololama ye hakili ta fan fɛ (Es. 25:6). Kumakun minnu sinsinen don Sɛbɛnniw kan, n’an b’o sɔrɔ an ka yɛrɛkalan ani denbaya ka kalan fɛ ani jɛkulu ka lajɛw la, ani jamalajɛw bɛɛ la, olu ka ca kosɛbɛ. Nka, yali an bɛ nafa dafalen sɔrɔ ka bɔ o hakili ta fan fɛ balo in bɛɛ la, ni kuntilenna ye ka kɛ ‘Ala ka mɔgɔ dafalen ye min bɛ se kɛwale ɲumanw bɛɛ la wa’?—2 Tim. 3:17.
2 I miiri dɔɔnin san 1998 hakili ta fan fɛ balo kɔnɔfɛnw la, n’a tilancɛ yɛrɛ tɛmɛna ka ban! Jɛkulu ka dɔgɔkun lajɛw la, an bɛ Krecɛnw ka Gɛrɛkikan Sɛbɛnniw kitabu 23 de kuma koloma dɔw lajɛ, ka Bibulu ka mɔgɔ 49 ka diɲɛnatigɛ mafilɛ, an kɛtɔ k’an sinsi kunnafoniw kan minnu bɛ sɔrɔ Auxiliaire pour une meilleure intelligence de la Bible kɔnɔ, ani ka Prédicateurs gafe ɲɛw 138 jateminɛ. An bɛ Connaissance gafe tila sabanan ani Bonheur familial gafe fanba, ani La Parole de Dieu gafe kuuru bɛɛ kalan. Ka fara olu kan, an bɛ balo ni An ka Masaya Cidenyabaara bɔko 12 ye, ani ni La Tour de Garde barokun 52 ye minnu bɛ kalan jɛkulu la, ani n’o hakɛ ɲɔgɔn fana de ye foroba jɛmu ye, n’u sinsinen don Bibulu kumakun sugu caman kan. Ka fara olu bɛɛ kan, nafa camanba bɛ jamalajɛw bɛɛ ka kalanbolodalenw la. O ye hakili ta fan fɛ nafolow caman ye min b’an ka bila la dɛ!
3 An ka waleɲumandɔn jira ka ɲɛsin Jehowa ka fɛɛrɛ tigɛlenw ma: Walisa ka nafaba sɔrɔ u la, an ka kan k’a faamu mun na Jehowa bɛ caman di hakili ta fan fɛ. Ka nin fɛn duman ninnu dumu, o bɛ an ka limaniya jɔ ani ka an ani ale cɛsira sinsi (1 Tim. 4:6). Nka, hakili ta fan fɛ balo tɛ yen an yɛrɛw dɔrɔn ka kalan kama. O b’an bila ka tiɲɛ tila ni tɔw ye ani k’an labɛn k’an kɛ kibaru duman cidenyabaarakɛla ɲumanw ye.—2 Tim. 4:5.
4 An kana an ka hakili ta fan fɛ magow kɛ bolokɔfɛfɛn ye, nka tuma bɛɛ, hakili ta fan fɛ fɛɛrɛ camanba minnu bɛ bɔ Jehowa ka tabali la, an k’olu nege gannen to an na. O bɛ na ni nisɔndiya ye (Mat. 5:3; 1 Piɛ. 2:2). Walisa ka nafa dafalen sɔrɔ o la, wajibi don ka waati ta min bɛ bɔli kɛ nin fɛn nafama suguw kama an ka tuma bɛɛ yɛrɛkalan ani an ka denbaya ka tuma bɛɛ Bibulu kalan kama, ani ka kɛ lajɛw la tuma bɛɛ fana (Efe. 5:15, 16). Baraji hɛrɛma minnu bɛ sɔrɔ o kɛli la, o bɛna bɛn ni Ala ka dusulamin kuma fiyɛlen ye. Pol y’o sɛbɛn Heburu Krecɛn kantigiw ma, iko a fɔra Heburuw 13:20, 21 la cogo min na.