Barokunw sugandi i kɛtɔ k’i ka cɛsiriw sin mɔgɔw mago kɛrɛnkɛrɛnnenw ma
1 Iko kalatigi minnu n’u ka biɲɛw b’u ka fɛnbonta jateminɛ ni kɔlɔsiliba ye, jɛkulu kɔnɔ weleweledalaw ni tutigɛbaga caman fana bɛ taɲɛ sɔrɔ ni barokun sugandilenw ye La Tour de Garde ni Réveillez-vous! kɔnɔ, u kɛtɔ k’u ka cɛsiriw sin mɔgɔw mago kɛrɛnkɛrɛnnenw ma u ka danyɔrɔ la. U b’a jateminɛ mɔgɔ minnu bɛ se ka kɛ a fɛ ka barokun dɔw kalan minnu bɛ bɔ sɔn-ni-sɔn gafeninw kɔnɔ. U b’o kɛ cogo di?
2 U bɛ fɔlɔ ka bɔko kelen-kelen bɛɛ kuuru kalan. U bɛ tila k’u yɛrɛ ɲininka ko: Mɔgɔ sugu jumɛnw bɛ se ka mago jira kɛ barokun kelen o kelen ko la? O kɔfɛ sa, cɛsiri bɛ kɛ walisa ka taa bɔ mɔgɔw ye minnu bɛ se ka kɛ a fɛ k’o barokun kalan. N’u hakili la sɔn bɛna se ka kɛ kosɛbɛ bɔko kɛrɛnkɛrɛnnen dɔ la u ka danyɔrɔ la, u bɛ dɔ fara u ka hakɛ tata kan.
3 Bonyaba dalen bɛ an ka sɔn-ni-sɔn gafeninw kan: An ka bakurabasanbaga dɔ min bɛ baara kɛ jamanaw ni ɲɔgɔn cɛ sɔn-ni-sɔn gafenin dɔ la min bɛ kalan ni sɔn-ni-sɔn gafeninw bɛɛ ye Nizeria jamana la, a y’a fɔ Réveillez-vous! ko la ko: “Foli bɛ sɔn-ni-sɔn gafenin ye min ɲɛsinnen bɛ mago sugu bɛɛ ma, n’a ka fisa ni sɔn-ni-sɔn gafeninw bɛɛ ye diɲɛ kɔnɔ.” An ka sɔn-ni-sɔn gafeninw kalanbaga timinandi dɔ ye kɔlɔsili kɛ ko: “Dakabana fɛnba don hakilitigiya ta fan fɛ, sɔngɔ tɛ se ka fɔ min na! A ka gɛlɛn ne ka barokun dɔ sɔrɔ min ka di ne ye, n’a ɲɛfɔlen tɛ kibarubɔla ninnu ɲɛ dɔw la.”
4 Sɔn-ni-sɔn gafenin ninnu bɛ kuma barokun sugu caman kan: Bibulu, diɲɛ kow, denbaya haminankow, hadamadenya kunkow, tariku, siansi, dantanfɛnw ni falenfɛnw ka ɲɛnamayako, n’an ye olu dɔw dɔrɔn fɔ. Siga t’a la ko ni fɛn bɛ mɔgɔ dɔ magow kan, a cogo walima a ka baara kan, o tigi ka teli k’o fɛn kalan. Ikomi an bɛ kuma mɔgɔ suguw caman fɛ, u kelen-kelen bɛɛ n’u diyanyekow n’u kunko kɛrɛnkɛrɛnnnenw don. N’an bɛ barokun kɛrɛnkɛrɛnnenw sugandi an kɛtɔ k’an ka cɛsiriw sin u magow ma, nafa bɛ sɔrɔ ka bɔ o la.
5 A jateminɛ fen min ye Jehowa seerew fila sɔrɔ tuma min na u ye san 1996 Setanburukalo tile 8 Réveillez-vous! bɔko jira kibarulasela dɔ la. A y’a sɛbɛn ko: “Sanni ne ka sira sɔrɔ k’a fɔ k’o mago tɛ ne na, u dɔ la kelen ye nin fɔ ka fara a kan, ko: ‘Barokun dɔ b’a kɔnɔ Ameriki Ɛndiyɛnw kan. An b’a dɔn k’i ye fɛn caman sɛbɛn o ko la.’” A ye sɔn-ni-sɔn gafenin ta. Daraka dumutuma na, a ye barokun kalan Ɛndiyɛnw ko kan. Kɔfɛ, a sɔnna a ma ko: “a tun ka ɲi kosɛbɛ” ani ko “a tun sɛbɛnna ni laadiriyaba ye.”
6 An ka danyɔrɔ la, mɔgɔw bɛ mago jira kɛ mun de ko la? I ye mun kalan nin kalo laban ninnu kɔnɔ min bɛ se ka diya bitikikɔnɔmɔgɔw ni baarakɛlaw ye i ka danyɔrɔ la, walima i sigiɲɔgɔnw, i baarakɛɲɔgɔnw ani i kalankɛɲɔgɔnw ye? Lafasabagaw kiri koɲɛw la, ladamubagaw, denbaya ni kalanso laadilikɛlaw, funankɛw laadilibagaw, hadamadenya kunkankow baarakɛlaw ani dɔgɔtɔrɔw bɛ se ka mago kɛrɛnkɛrɛnnnen jira mun de ko la? I bɛ waajuli kɛ mɔgɔw minnu kun, i k’olu to i hakili la tuma min na i bɛ bɔko kelen o kelen sɛgɛsɛgɛ. O bɛna cogo ɲuman di i ma ka Ala ka tiɲɛ kuma jɛnsɛn.
7 N’i ye mɔgɔ dɔ sɔrɔ min ye mago kɛrɛnkɛrɛnnen jira ka ɲɛsin La Tour de Garde ni Réveillez-vous! barokun dɔ ma, ani n’a sɔnna o sɛbɛn na, i bɛ se k’a fɔ ko: “Bɔkɔ nata la, ni barokun dɔ bɛ yen, ni ne ɲɛna o fana bɛ se ka diya i ye, a bɛna ne nisɔndiya ka na n’a den kelen ye.” I bɛ se k’o tigi fara i ka sɔn-ni-sɔn gafenin tabaga basigilenw kan i kɛtɔ ka segin ka na u fɛ tuma caman ni bɔko labanw ye. A bɛ iko min bɛ kɛ tuma min na n’i ye yamaruya sɔrɔ ka segin-ka-bɔnye kɛ mɔgɔw ye, mɔgɔ minnu bɛ se ka mago kɛrɛnkɛrɛnen jira barokunw ko la, o minnu bɛ bɔ an ka sɔn-ni-sɔn gafeninw kɔnɔ?
8 Hakili ta fan fɛ kuntilenna sɔrɔ: A san damadɔ de filɛ nin ye, cɛ dɔ min ka ɲɛnamaya tun ɲɛsinnen bɛ a ka baara dɔrɔn ma, a ye Réveillez-vous! bɔkɔ dɔ sɔrɔ o min ko la a ye mago jira kɛ. Nka, ikomi o cɛ dalen tun don Ala la, La Tour de Garde bɔko min ni Réveillez-vous tun bɛ ɲɔgɔn fɛ, a ye o fana kalan. Barokun dɔ tun b’o kɔnɔ min y’a bila ka Sabaya sɛgɛsɛgɛ. A tun dalen bɛ o kalansira la tuma bɛɛ. Kalo wɔɔrɔ o kɔfɛ, a batisera! O la sa, an kana siga abada ka baro kɛ Bibulu kan n’an ka sɔn-ni-sɔn gafeninw kalanbagaw ye. I bɛ se ka Ala bɛ mun wajibiya an ma? gafenin jira ani k’a ɲini u fɛ ka sanga damadɔw dɔrɔn ta walisa ka baro kɛ kalansen kelen kan tuma o tuma n’i bɛ segin ka na ni sɔn-ni-sɔn gafenin kuraw ye.
9 I ka segin-ka-bɔnyew la ani i bɛ mɔgɔ minnu ye tuma caman na i ka magoɲɛ siraw la, a jateminɛ ni ɲɛmajɔ ye, a bɛ se ka diya o minnu ye ka La Tour de Garde ni Réveillez-vous! bɔko kuraw kalan. O kɔ, cɛsiriw sɛbɛw kɛ walisa k’u lasɔrɔ ni nin kibarubɔla nafamanw ye. I kana ɲiɲɛ abada k’i bɛ magan min kɛ walisa ka mɔgɔ caman dɛmɛ k’an ka sɔn-ni-sɔn gafeninw kalan, i bɛ ka “i ka dumunifɛn seri baji kan.” Waati kɔnɔnana, i bɛ se ka taɲɛ sɔrɔ i kɛtɔ ka kalanden kuraw sɔrɔ.—Waaj. 11:1, 6.