An kuntilennaw ye mun ye samiyɛ la?
1 An bɛ kuntilenna nafaman minnu sigi, yali o tɛ tiɲɛ ye k’an bɛ olu sɔrɔ n’an y’an miiri sira min fɛ waati bɛ kɛ cogo bɛɛ la fisaman na wa? Samiyɛ bɛ cogo caman di walisa ka ala-ka-marako magow yiriwa. (Nta. 21:5) An ka a dɔw mafilɛ.
2 Mun na an tɛn’a latigɛ ka dɔ fara an ka waajuli baara kan? Ikomi samiyɛ tilew ka jan, mɔgɔ bɛ se ka mɛn waajuli la kosɛbɛ. Lakɔlibila bɛ cogow caman fana di denmisɛnw ma walisa ka tutigɛbagaya baara kɛ kalo kelen, walima kalo caman kɔnɔ. Weleweledala dɔw bɛ se fana k’a latigɛ ka kɛ tutigɛbagaw ye Utikalo la, bawo dɔgɔkun duuru dafalenw de jatera o kalo kɔnɔ. Utikalo bɛna san baara laban. An bɛna an ka cɛsiriw fara ɲɔgɔn kan walisa an kelen-kelen bɛɛ k’an seko kɛ cidenyabaara la.
3 Yali an kuntilenna na, an y’a latigɛ ka jɛkulu dɔ kɔkɔrɔmandondo min mago bɛ dɛmɛ na walisa k’a ka danyɔrɔ kɛ wa? Kafo lakɔlɔsibaga bɛ se ka kunnafoni di maakɔrɔw ma ka ɲɛsin magow ma minnu bɛ an ka mara la. Walima n’an bɛ cogo dafa walisa ka waajuli kɛ danyɔrɔ dɔ la min ma kɛ kosɛbɛ walima n’a ma kɛ, an bɛ se k’an yɛrɛ kofɔ Tɔn ye. Maakɔrɔw bɛna ɲinini sɛbɛn di an ma. N’an bɛ taa yɔrɔ dɔ la lakɔlibila la, an k’a latigɛ ka taa lajɛw la ani ka waajuli kɛ yen. N’an bɛna taa bɔ an balima dɔw ye minnu tɛ Jehowa Seerew ye, an k’a latigɛ ka tiɲɛ kuma fɔ u ye. O la sa, an k’an labɛn.
4 An kuntilennaw ye mun ye samiyɛ la? Tiɲɛ don ka farikolo barika sɔrɔ. Nka, an kana ɲinɛ kow bɛɛ la nafamaw kɔ, ko minnu b’a to an bɛ fangaba sɔrɔ hakili ta fan fɛ. O tuma, an ka taa’ fɛ ka Masaya bila yɔrɔ fɔlɔ la an ka ɲɛnamaya kɔnɔ! — Mat. 6:33; Efe. 5:15, 16.